1 JOHANU 1:9 - BIBLU WIWE LỌ 1923

⁹ Eyín mí yígbe ylando mítọn lẹ tọn, nugbonọ, dódónọ wẹ ewọ nado jo ylando mìtọn lẹ na mí, podọ nado kló mí sọn mawadódó lẹpo mẹ.

1 JOHANU 1:9 Iomraidhean Croise

1 AHỌLU LẸ 8:30

Hiẹ ni nọ tuntóai hlan ovẹ́ mẹmẹsi towe tọn, po Islaeli omẹ towe lẹ tọn po, whenuena yé na hodè hlan otẹn he kọ̀n: nugbo, hiẹ ni sè to olọn oten fininò towe mẹ; whenuena hiẹ se, no jona.

1 AHỌLU LẸ 8:47

Gãnṣo eyín yé na lẹn yéde mẹ pọ́n to aigba lọ ji fie yè yí yé do bó mẹglọnọ yì, bo sọ vó ló, bo basi ovó hlan we to aigba yé he yí ye do bẹ́ mẹglọnọ yì lẹ tọn ji, dọmọ, Míwlẹ ko wàylando, bo ko sọ ylannuwà, míwlẹ ko yí kanyinylan do zán;

NẸHEMIA 1:6

gbọ otó towe dinvie ni yín tùntùnai, po nukun towe lẹ po hùnhùn, na hiẹ nido tuntóai hlan odẹ̀ mẹmẹsi towe tọn, he yẹn to hihò to nukọn towe to ojlẹ he mẹ, to okle po ozán po, na ovi Islaeli mẹmẹsi towe tọn lẹ, whenuena yẹn to gbèyína ylando ovi Islaeli tọn lẹ tọn lọ, he mí ko do wàylando do we: nugbo, yẹn po owhé otọ́ ṣie tọn po ko wàylando

PSALM 19:12

Mẹnu wẹ sọgan yón alibubu ede tọn? Klọ́ mi wé sọn nugbigble whiwhlá lẹ mẹ.

PSALM 32:5

Yẹn yígbè tasinẹn ṣie tọn hlan we, oylanwiwà ṣie wẹ yẹn ma sọ yí whlá Yẹn dọmọ, Yẹn na yígbè oylan hóhó ṣie tọn hlan OKLUNỌ: Hiẹ sọ jo oylanwiwà ylando ṣie tọn na mi. Selah.

Eksọdusi 34:7

he nọ yí lẹblanu whlá na fọtónfọtón lẹ, he nọ jona oylankan po oylan wiwá po po oylando po: podọ he ma na dike whẹgbledonọ to alọdepope mẹ ni yì majiya; he nọ dla oylankan otọ́ le tọn pọ́n to ovi lẹ ji, to whẹndo atọ̀ntọ lọ po ẹnẹtọ lọ po ji.

HÓWHÍNWHÉN LẸ 28:13

Ewọhe ṣinyọnnudo ylanwà etọn ma na wà dagbe: Ṣigba mẹdepope he yígbè bo sọ jo e dai na mọ lẹblanu.

ISAIA 45:21

Mì dọ na mì, bo sọ hẹn yé sẹ́wá; nugbo, yé ni lẹn dopọ; mẹnu wẹ do ehe hia sọn hóhó whenu? mẹnu wẹ ko dọ ẹ sọn ojlẹ lọ mẹ gbọn? bé é ma yín yẹn OKLUNỌ wẹ? Jiwheyẹwhe devo ma tin gọ́na mi: Jiwheyẹwhe dódónọ podọ Whlẹngántọ de; mẹdevo ma tin gọ́na mi.

JẸLEMIA 3:13

Sa yón oylanwà towe sokẹdẹ, dọ hiẹ ko wàylando do OKLUNỌ Jiwheyẹwhe towe go, bo ko vúnvún aliho towe lẹ hlan ojonọ lẹ to atin omú lẹpo glọ, podọ mìwlẹ ma ko sètónuna ogbè ṣie gba, wẹ OKLUNỌ dọ.

JẸLEMIA 33:8

Yẹn na sọ klọ yé wé sọn oylawà yetọn lẹpo mẹ, ehedali yé ko gbọn do wàylando do ogo e; yẹn na sọ jona oylanwà yetọn lẹpo, ehedali yé ko do wàylando do ogo e, podọ ehedali yé ko gbọn do jẹsénmẹ do ogo e.

AVIGBÈ JẸLEMIA TỌN 3:23

Yọ́yọ́ wẹ yé to afọnnu afọnnu; daho wẹ nugbowà etọn.

EZEKIELI 36:25

Yẹn bo na sọ mì osìn didi do mì ji, mìwlẹ na sọ yín wiwe: odihó mìtọn lẹpo mẹ podọ vodun mìtọn lẹpo mẹ, wẹ yẹn na lè mì wé sọn.

EZEKIELI 37:23

mọ yé ma na sọ yí vodun yetọn lẹ do flu yéde gbède ba, kavi po onú hiọawu yetọn lẹ po gba, kavi po osẹ́nmẹjẹ yetọn lẹ tọn depope po: ṣigba yẹn na whlen yé sọn agòjodogodo yetọn lẹpo mẹ, ehemẹ yé ko wàylando te, bo na sọ lẹ̀ yé wé: mọwẹ yé na nọ yín omẹ ṣie lẹ, yẹn bo na sọ yín Jiwheyẹwhe yetọn.

ZEKALIA 9:9

Viyọnnu Ziọni tọn È, jaya dahodaho, dabobo hiẹ viyọnnu Jelusalẹm tọn È: dayi e go, ahọlu towe ja de we; nugbonọ wẹ ewọ, bo tindo whlengan; whiwhẹnọ, bo hé kẹtẹkẹtẹ de ji, yèdọ kẹtẹkẹtẹsiwhe de ji, ovú kẹtẹkẹtẹ de tọn.

MATIU 3:6

yè sọ baptizi yé to otò Jọdani mẹ gbọn e de, yé to ogbè ylando yetọn lẹ tọn yí.

MALKU 1:5

Otò Judé tọn lẹpo, po omẹ Jelusalẹm tọn lẹpo po, tọn yì e de, yè sọ baptizi yé omẹ pó sọn ewọ de to otò Jọdani mẹ, yé tọ ogbè ylando yetọn tọn yí.

LUKU 22:57

E sọ món, dọmọ, Nawe, yẹn ma yón ẹn gba.

JOHANU 17:25

Otọ́ dodónọ È, aihọn ma yon we: ṣigba yẹn yón we, ehelẹ sọ yonen do hiẹ wẹ do mi hlan.

OWALỌ APỌSTELI LẸ TỌN 19:18

Susu ga sọn omẹ he yise lẹ mẹ wá, yé to gbeyí, bo sọ to owalọ yetọn lẹ dohia.

LOMUNU LẸ 3:26

na didohia lọ, yen dọ, dódó eton tọn, to ojlẹ he mẹ; na ewo nido yín dódónọ podọ whẹsùtọ omẹ hẹ yí Jesu se tọn.

1 KỌLINTINU LẸ 1:9

Nugbonọ wẹ Jiwheyẹwhe, gbọn mẹhe mẹ yè ylọ mì hlan kọndopọ Ovi etọn Jesu Klisti Oklunọ mítọn tọn.

1 KỌLINTINU LẸ 6:11

Mọ wẹ mẹdelẹ te to mì mẹ; ṣigba yè ko klọ́ mì, ṣigba yè ko lè mì wé, ṣigba yè ko sùwhẹna mì to oyín Jesu Oklunọ tọn mẹ, podọ to Gbigbọ Jiwheyẹwhe mítọn tọn mẹ.

EFESUNU LẸ 5:26

na ewọ nido klọ bo sọ yí lèwé osìn tọn do lè ẹ wé gbọn ohó lọ dali.

Deutelonomi 7:9

Enẹwutu yọnẹn dọ OKLUNỌ lọ Jiwheyẹwhe towe, ewọ wẹ Jiwheyẹwhe; Jiwheyẹwhe nugbonọ lọ, he nọ payi alẹ́nu po lẹblanu po go hẹ yé he yiwanna ẹn bo sọ ayipa gbèdide etọn lẹ go jẹ whẹndo lẹ fọtọ́n de;

1 TIMOTI 1:15

Nugbonọ wẹ ohó lọ, é sọ jẹ na alọkẹyi popo, dọ Klisti, Jesu wá aihọn he mẹ nado whlẹn ylandonọ; mẹhe mẹ yẹn yín gángánsu te

TITU 2:14

mẹhe jo ede na mí wutu, na é nido fli mí sọn ylando lẹpo mẹ, bo sọ dó kló mí wé zùn omẹvò hlan ede, vivẹnudotọ azọ́n dagbe lẹ tọn.

HEBLU LẸ 10:23

Mì gbọ mí ni hẹn ogbèyí yise mítọn tọn go gligli to mado ayi awe mẹ; (na nugbonọ wẹ ewọ he dopagbe;)

HEBLU LẸ 11:11

Gbọn yise dali Sala lọsu ga tindo huhlọn nado mọhò, bo sọ jivi whenuena é ko pòyọnho vọ̀, na é hia ewọ he dopagbe na nugbonọ.

HEBLU LẸ 6:10

Na Jiwheyẹwhe ma yín mawàdódónọ nado wọn azón mìtọn po tukla owanyi mìtọn tọn po, he mì ko sọhia gbọn oyín etọn dali, na le mì to devizónwà hlan mẹwiwe lẹ do, bo sọ to bibasi i.

1 JOHANU 1:7

ṣigba eyín mìwlẹ to zonlinzin to hinhọ́n mẹ, dile ewọ to-hinhón mẹ do, mí tindo kọndopọ po mìnọzo po, ohùn Jesu Klisti Ovi etọn tọn sọ kló mí sọn ylando lẹpo mẹ.

OSỌHIA 15:3

Yé sọ to ohàn Moṣe devi Jiwheyẹwhe tọn tọn ji, po ohàn Lẹngbọvu lọ tọn po, dọmọ, Kiklo po nujawu po wẹ azọ́n towe, Oklunọ È Jiwheyẹwhe Ganhunupo; dódó po nugbo po wẹ ali towe, hiẹ Ahọlu mẹwiwe lẹ tọn.