1 JOHANU 1:7 - BIBLU WIWE LỌ 1923

⁷ ṣigba eyín mìwlẹ to zonlinzin to hinhọ́n mẹ, dile ewọ to-hinhón mẹ do, mí tindo kọndopọ po mìnọzo po, ohùn Jesu Klisti Ovi etọn tọn sọ kló mí sọn ylando lẹpo mẹ.

1 JOHANU 1:7 Iomraidhean Croise

PSALM 104:2

Mẹhe yí hinhọ́n do ṣinyọn dewe di avọ̀: Mẹhe dlẹn olọn lẹ taidi avọ̀dido.

PSALM 51:2

Kló mì sọn oylanwiwà ṣie mẹ patapata; Bo sọ lẹ́ mi wé sọn ylando ṣie mẹ.

PSALM 56:13

Na hiẹ wẹ whlẹn ayilia ṣie sọn okú mẹ: Bé hiẹ ma na dè afọ ṣie sọn ṣinsọ̀n mẹ, Na yẹn nido nọ zinzọnlin to nukọn Jiwheyẹwhe tọn To hinhọ́n ogbẹ̀nọ lẹ tọn mẹ?

PSALM 89:15

Donanọ wẹ mẹhe yón ogbẹ̀ homẹhùnhùntọn lẹ: OKLUNỌ È, yé to zọnlinzin to hinhọ́n nukun towe tọn mẹ.

PSALM 97:11

Dódónọ wẹ yè do hinhọ́n nà, Podọ homẹhùn na tenọglinọ to ayiha mẹ lẹ.

ISAIA 2:5

Jakob whégbètọ emì, mì wá, mì gbọ mí ni zinzọnlin to hinhẹn OKLUNỌ tọn mẹ.

ISAIA 33:24

Finẹnu lẹ ma to na dọmọ, yẹn to azọ̀njẹ: yè na jo ylankan mẹhe nọnọ̀ finẹ lẹ tọn na yé.

ISAIA 6:7

E yí i do onù ṣie go, bo dọmọ, dayi e go, ehe ko jẹ nùflo towe go; yè bẹ́ ylankan towe sẹ́, yè sọ klọ ylando towe sẹ́.

AMỌSI 3:3

Bé mẹawe na zinzọnlin to opọ́, adavo yé ha?

ZEKALIA 13:1

AZÁN nẹ mẹ finẹ wẹ asisanuvo de na yín hùnhùn hlan owhé Davidi tọn podọ hlan tòmẹnu Jelusalẹm tọn lẹ, na ylando podọ na mawé.

MATIU 6:12

Bo jo ahọ mìtọn lẹ na mi, dile mí ko jona ahotọnọ mìtọn lẹ do.

JOHANU 1:29

To azán awetọ gbè, Johanu mọ Jesu ja e de, bo dọmọ, Pọ́n Lengbọvu Jiwheyẹwhe tọn, he zé ylando aihọn tọn yì.

JOHANU 12:35

Enẹwutu Jesu dọ hlan yé, dọ, Ojle vude dogo wẹ hinhọ́n tin to mì me Mì zinzọnlin whenuena mì tindo hinhọ́n, na zinvlu ma na do pla mì: na mẹhe to zọnlinzin to zinvlu mẹ ma yon ofi he é jei.

JOHANU 5:4

Na to ojlẹ de mẹ angẹli de nọ jẹte yì otándo lọ mẹ, bo nọ wlu osìn: enẹwutu mẹdepope he whéwhé doafọ e mẹ, to godo whenu yè ko wlu osìn lọ, yè hẹn ẹn jẹ gángán sọn azọ̀n depope he é tindo mẹ.)

LOMUNU LẸ 13:12

Ozán ko juwayì susu, okle sẹpọ́: enẹwutu mì gbọ mí ni zé azọ̀n zinvlu tọn lẹ dlan, bo sọ gbọ mí ni zé ogbaja hinhọ́n tọn bla do ogo.

1 KỌLINTINU LẸ 6:11

Mọ wẹ mẹdelẹ te to mì mẹ; ṣigba yè ko klọ́ mì, ṣigba yè ko lè mì wé, ṣigba yè ko sùwhẹna mì to oyín Jesu Oklunọ tọn mẹ, podọ to Gbigbọ Jiwheyẹwhe mítọn tọn mẹ.

EFESUNU LẸ 1:7

Mẹhe mẹ mìwlẹ ko mọ ofligò yí te gbọn ohùn etọn mẹ, ojona ylando tọn, kẹdẹdi adọkun susu ojomiọn etọn tọn;

EFESUNU LẸ 5:8

Na mìwlẹ ko yín zinvlu dai, ṣigba dinvie mì ko zùn hinhọ́n to Oklunọ mẹ; mì nọ zinzọnlin kẹdẹdi ovi hinhọ́n tọn lẹ:

1 TIMOTI 6:16

mẹhe ewọ dopokẹdẹ wẹ tindo makú, bo nọnọ̀ hinhọ́n mẹ, he mẹde ma sọgan sẹpọ́; mẹhe mẹde ma ko mọ gbède, bọ yè ma sọ sọgan mọ; mehe tọn yẹyi po huhlọn po yín kakadoi. Niṣẹ.

TITU 2:14

mẹhe jo ede na mí wutu, na é nido fli mí sọn ylando lẹpo mẹ, bo sọ dó kló mí wé zùn omẹvò hlan ede, vivẹnudotọ azọ́n dagbe lẹ tọn.

HEBLU LẸ 9:14

nẹmunẹmu wẹ ohùn Klisti tọn, mẹhe gbon Gbigbọ madopodo mẹ yí agbasa ede tọn do sánvẹ madodiho hlan Jiwheyẹwhe, ma na lè ayiha mìton wé sọn azon kúkú mẹ nado sẹn Jiwheyẹwhe ogbẹ̀nọ lọ?

JAKOBU 1:17

Nunina dagbedagbe po nunina he sogbè lẹpo po, aga wẹ é sọn, bo sọ jete sọn Otọ́ hinhọ́n lẹ tọn de, mehe de didiọ de ma te, kavi oyẹ́ lilẹpe tọn.

1 PITA 1:19

adavo ohùn Klisti tọn akuẹgegenu, di lẹngbọvu he matin apa go tọn, podọ matin diho.

1 JOHANU 1:3

Ene he mìwlẹ ko mọ bọ sọ sè, wẹ mí to lila hlan mi, na mìwlẹ ga nido tindo kọndopọ po mí po: nugbo, kọndopọ mítọn tin po Otọ́ po, po Jesu Klisti Ovi etọn po.

1 JOHANU 1:5

Be ehe wẹ owẹn he mí ko sè sọn e de, ehe mìwlẹ sọ la hlan mì, dọ hinhọ́n wẹ Jiwheyẹwhe; podọ zinvlu depope ma tin to ewọ mẹ lala.

1 JOHANU 5:6

Ehe we ewọ he wá gbọn osìn po ohùn po dali, yèdọ Jesu Klisti; é ma yín gbọn osìn kẹdẹ dali gba, ṣigba gbọn osìn po ohùn po dali. Gbigbọ wẹ sọ to kunnude, na nugbo wẹ Gbigbọ lọ wutu.

1 JOHANU 5:8

Yé omẹ atọ̀n wẹ sọ to kunnude to aihọn mẹ, gbigbọ, osìn po ohùn po: yé omẹ atọ̀n hele sọ basi dopo.

2 JOHANU 1:4

Homẹ ṣie hùn susu dọ yẹn mọ to ovi towe lẹ mẹ to zọnlinzin to nugbo mẹ, yèdọ dile mí ko yí osẹ́n sọn Otọ́ de do.

3 JOHANU 1:4

Yẹn ma tindo ayajẹ daho de hú ehe gba, dọ yẹn ni to sisè dọ ovi ṣie lẹ to zọnlinzin to nugbo mẹ.

OSỌHIA 1:5

sọn Jesu Klisti de, mẹhe yín kunnudetọ nugbonọ lọ, omẹ plọnji sọn osiọ lẹ mẹ, ahọvi ahọlu aigba tọn lẹ ton. Hlan ewọ he yiwanna mí, bo so yí ohùn etọn do klọ mí sọn ylando mítọn le me,

OSỌHIA 12:11

Yé sọ gbawhàn etọn na ohùn Lẹngbọvu lọ tọn wutu, podọ na ohó okunnu yetọn tọn wutu; yé ma sọ yiwanna gbigbọ yetọn kaka jẹ okú gba.

OSỌHIA 7:14

Yẹn sọ dọ hlan ẹn, dọ, Mẹdaho, hiẹ wẹ yọnẹn. E sọ dọ hlan mi, dọ, Ehelẹ wẹ yé he tọ́n SỌN nukunbibia daho mẹ, bo yàn aṣovò yetọn bo sọ hẹn yé zùn wewé to ohùn Lẹngbọvu lọ tọn mẹ.