Metiyu 5:25 - Burarra

²⁵ “Ny-yinga ny-jata minyja ana-nga gu-rrima nggula mari, wurra nipa biy-ga a-bamba, jimarna barra biy-barnja joborr jaga an-gugana a-nirrapa, wurra gatiya nyirri-bamburda, nginyipa barra ny-yenggana minypa nginyipa ny-yinmiya barra jechinuwa nyi-nega gun-gata mari. Gala yapa biy-barnjin rrapa an-bachirra biy-jolartchin wupa.

Metiyu 5:25 Iomraidhean Croise

Metiyu 26:58

Wurra Birta jurdach ana-jurrjurrmurra ana-bona, a-bena gun-gata junggay wana an-babalapa gun-nika rrawa, lika a-barrngumurra ngarnama gu-jirra gun-gata minypa jandarra gu-ji gu-gomarriyana, lika minypa yarlanga gu-bala a-rakaja wugupa burrwa aburr-gata jaga aburr-ganaja aburr-workiya gun-gata rrawa. Lika marr gu-ganyja gu-yinmiya barra gu-ni nula Jesus.

Luk A-wukurrjinga A-ngurrjinga Jesus Christ (Luke) 18:3

Rrapa gun-gatiya rrawa gatiya jin-ngardapa jin-miliyak jinyu-ni jiny-yorkiyana, nipa mu-nguy jina-bona jina-workiyana minypa a-wengganana an-gata joborr jaga an-gugana, ‘A-lay, ngaw minyja ny-junggaja apula gun-ngaypa gorlk gu-bona apula, minypa murnamurna ny-bu an-gata nguna-gaypuna.’

2 Gorint Aburr-guyinda 6:2

Ngardawa gun-guwarr nipa a-yinanga a-wena rrapa a-yinaga a-weya ana-gorrburrwa a-nirra, “Gun-gata minypa gun-balmapa gu-ni ngaypa barra ng-gunggaja ana-gorrburrwa, gun-gatiya gugu ngaypa ng-galiyana ana-gorrburrwa. Minypa gun-gata gun-balmapa gu-ni ngaypa barra wanngu arr-ma, gun-gatiya gugu ngaypa ng-gunggajinga ana-gorrburrwa.” Minyja bubu-borrwa: Gun-nardiya gugu nipa a-gunggajinga arrkula, rrapa gun-nardiya gugu barra wanngu arr-negiya arr-gurdiya gorlk.

Yibru Yerrcha 12:17

Gala barra nyiburr-yirda minypa nipa a-yinagata. Ngardawa ana-goyburrpa marn․gi janguny: Minypa jurdach nipa jal a-ni gu-manggarna gun-gata, wurra a-ngukiyana. Ngardawa nipa gala a-yinmiyarna gu-ngukurdanyjingarna gun-gata nipa minypa werra a-negiyana. Wurra gala a-yinmiyarna marrban nipa a-rruwujana rrapa a-ngiwija nula an-nigipa nyanyapa niya.

Yibru Yerrcha 3:13

Wurra gelama gelama buburr-bachichiya buburr-workiya gun-guniya nguburr-ninyarra, gun-guniya minypa nipa gu-ngurrjinga, a-yinanga, “Geka barra.” Gelama gelama buburr-bachichiya; gala yapa ny-yinga ny-jata gu-werra minypa biy-warganyjin, ny-derta ny-jorla nyi-ningin ny-bamun nuluwa Wangarr.

Yibru Yerrcha 3:7

Ganapiya, wurra minypa Mern An-mawunga a-weya a-nirra, “Geka barra minyja nginyipa ny-jaliya Wangarr a-wengga nggula,