Metiyu 26:52 - Burarra

⁵² Wurra Jesus a-wena burrwa aburr-yigipa jawina, “Jolartcha an-narda barrang. Wurra aburr-yinmiyapa aburr-jaranga abu-warrknga aburr-workiya barrang, birripa aburr-juwa barra ana-barrang ana-guyinda.

Metiyu 26:52 Iomraidhean Croise

Metiyu 5:39

Wurra jarra ngaypa ngu-weya ana-gorrburrwa gun-guna: Ana-nga an-gata werra biy-nega, gala barra ny-borrwa nipa a-yinmiyana nggula. Ana-nga minypa nyi-munganaguwa japurra ny-jirra biy-bu, nginyipa ny-mola nyi-ni barra nula wuriya nipa barrwa biy-bun ny-yeyka japurra ny-jirra.

Rowm Aburr-guyinda 12:19

Japurra ngapa nyiburr-jirra, aburr-gata aburr-nga werra nyirrbi-nenga, wurra gala barra ana-goyburrpa birripa werra nyirrbi-nega. Wurra burrbu-bawa nula Wangarr barra nipa a-bachirramiya burrwa, ngardawa minypa janguny gu-yurra, gu-yinaga, “Ngaypiya ngardapa ngapa barra ng-gurdanyja burrwa minypa birripa mu-ngoyurra aburr-bachirramiyana.” Nipa a-yinagata a-wena Wangarr.

1 Jechalónika Aburr-guyinda 5:15

Minyja ana-werranga werra nyirr-nega ana-goyburrpa, wurra ana-goyburrpa gala barra werra nyibi-nega nipa an-gata. Wurra marrka nyiburr-molamola buburr-ni ana-gorrburrwa gu-gapa gu-guta ana-goyburrpa nyiburr-gurda, rrapa warlaman wurra gama gorlk marrka nyiburr-molamola buburr-ni burrwa.

1 Birta 3:9

Minyja ana-werranga werra biy-nega ny-yinga ny-jata, gala barra rrapa nginyipa ny-nyukurdanyjiya rrapa mola werra nyi-nega nipa. Ngika. Rrapa minyja ana-nga gun-bachirra a-wengga nggula, gala barra rrapa nginyipa ny-nyukurdanyjiya rrapa mola gun-bachirra ny-yengga nula nipa. Wurra wenggana nula an-gata an-bachirra barra nipa Wangarr a-gunggaja nula. Ngardawa gu-gatiya nula nipa Wangarr a-gonyjinga ana-gorrburrwa, barra nipa rrapa nyirr-jalkaka ana-goyburrpa rrapa ana-goyburrpa minypa nyiburr-molamola nyiburr-ni barra.

Borrich 13:10

An-gata ana-nga nipa barra ana-werranga a-rrima barra rrapa a-ga barra a-boy gu-werranga gu-rrawa, gun-narda minypa gu-yinda barra nula, ngaja, ngarla, ana-werranga a-rrima barra rrapa a-ga barra gu-werranga gu-rrawa. Rrapa an-gata ana-nga nipa barra ana-werranga a-bu barra a-juwa barrang ana-guyinda, gun-narda minypa gu-yinda barra nula, ngaja, ngarla, ana-werranga a-bu barra a-juwa barrang ana-guyinda. Gun-narda barra Wangarr burr-yika wurra gama gorlk aburr-jinyja rrapa gala barra aburr-jeka, wurra minypa mu-nguy gubi-rrima barra nula aburr-ni gun-nigipa janguny.

Borrich 16:6

Ngardawa an-gugaliya burr-buna a-workiyana aburr-nginyipa wurra gama gorlk birripa burr-guta aburr-gata aburr-nginyipa aburr-mujaruk, gu-gurda nula nginyipa ny-yuna mun-gata barra nipa m-bay maningan wupa. Mun-nardiya nula mun-nigipa.”