Ударидагшад 19:3 - Библи

³ Левит хүн зарасаяа болон хоёр элжэгэ абаад, үнөөхи эхэнэрээ аргадажа, өөрынгөө гэртэ асархын тула тэрэ хото ерэбэ. Тэрэ эхэнэр үбгэеэ эсэгынгээ гэртэ оруулба.

Ударидагшад 19:3 Iomraidhean Croise

Эхин 34:3

Тиигээд Шэхээм Диинэдэ, Яковай басаганда, сэдьхэл зүрхөөрөө татагдан дурлажа, басаганда инаглан һайхан үгэнүүдые хэлэбэ.

Эхин 50:21

Тиимэһээ бү айгты! Би таанадые, танай үхи хүүгэдыешье эдихэ хоолоор хангахаб. Энэ мэтэ һайн һайхан үгэнүүдые тэрэ хэлэжэ, аханарайнгаа һанаа сэдьхэл тэгшэрүүлээ бэлэй.

Ерэмияа 3:1

Эзэн айладхал буулгана: – Хэрбээ үбгэн һамган хоёрой һалажа, һамганайнь ондоо хүнэй һамган болоо хадань, дахин тэрэниие түрүүшын үбгэниинь һамган болгон абажа шадахагүй. Тиигээ һаань, газар дэлхэй бүхыдөө бузарлагдаха бэлэйл. Израиль, ши олон амарагтай һальхайрааш. Тиигээд үшөө намда бусахаяа һанажа байнаш!

Һошээ 2:14

Зай, иигэжэ Би тэрэниие зэлүүд хооһон газар руу дахуулан абаашаад, уриханаар хандан тэрээндэ үгэ хэлэхэб.

Һошээ 2:16

Тэрэ үдэр тэрэ Намайе «Минии Үбгэн» гэжэ нэрлэжэ, «Минии Ноён» гэжэ нэрлэхэеэ болёод байха.

Левит 19:17

Аха дүүнэртэеэ эбээ бү таһарагты. Дүтынгөө хүнэй үйлэ хэрэгые зүб мүрөөр шиидхэгты, тэрэнэй түлөө нүгэл даажа абахагүйт.

Левит 20:10

Хэн хадамтай һамгантай унтанаб, хэн танилайнгаа һамгантай унтанаб, тэдэ урбагшад хоюулан алуулха ёһотой.

Тоололго 22:22

Балаһаамай тэдээнтэй ошоходонь, Бурхан сухалдажа, Эльгээмэлээ тэрээндэ эльгээбэ. Тэрэ Эльгээмэл Балаһаамай харгыень хаажа, сэхэ урдань зогсобо. Балаһаам өөрынгөө элжэгэн дээрэ һуунхай, тэрээнтэй суг хамта хоёр зарасань ябалсана.

Матвей 1:19

Мариягай Иосиф нүхэрынь үнэн шударга хүн байжа, зоной урда басаганай нэрэ муугаар хэлүүлэн бузарлахагүйн тула түрэ хуримаа шэмээгүйхэн болюулха гэжэ шиидэбэ.

Иоанн 8:11

– Хэншье зэмэлээгүй даа, Эзэн аа, – гэжэ тэрэ эхэнэр харюусаба. – Баһа Бишье шамайе зэмэлнэгүйб. Яба, дахин нүгэл бү хэ, – гэбэ Иисүүс.

Галадуудта 6:1

Аха дүүнэрни, хэрбээ хэн нэгэнэй нүгэл хээ һаа, Һүлдын һургаһан ёһоор ажамидардаг таанад иимэ хүниие даруу зангаараа заһажа байгты. Тиихэдэ нүгэл шэбэл хэжэрхихэгүйн тулада өөһэдыгөө анхарагты.

Ударидагшад 15:1

Хожомынь, шэниисэ хуряалганай боложо байха үедэ Самсоон һамгантаяа уулзаха гэжэ хадам абындаа эшэгэн бэлэгтэй ерээд, иигэжэ гуйба: – Би өөрынгөө һамгантай уулзаха гэжэ ерээб. Һамганаймни унтадаг таһалгада орохо зүбшөөл намда үгыт? Теэд хадам эсэгэнь тэрэниие хадамда үгэһэн басаганайнгаа унталгын таһалгада оруулбагүй.

Ударидагшад 19:2

Тэрэ залуу һамганиинь үбгэнтэеэ хэрэлдэжэ эрхээд, гэрһээ арилжа, Иудын Бэтлэһээмдэ байдаг эсэгынгээ гэртэ ошоод, дүрбэн һара болобо.

Ударидагшад 19:26

Үүр сайжа байхада үнөөхи залуу эхэнэр үбгэнэйнгөө хоноһон гэртэ бусажа, үүдэнэйнь хажууда унаад, газаа һаруул болотор хэбтэбэ.

Ударидагшад 19:4

Залуу эхэнэрэй эсэгэ хүрьгэнөө хаража баяртайгаар угтаад, гэртэнь хонохые тэрээндэ дурадхаба. Левит хүбүүн хадам эсэгындээ гурбан хоногто эдеэлбэ, ууба, унтаба.