Ударидагшад 10:11 - Библи

¹¹ Эзэн израильшуудта иигэжэ айладаба: – Таанад египедүүдтэ, эмооршуудта, аммоонуудта, пилиштүүдтэ,

Ударидагшад 10:11 Iomraidhean Croise

Египедһээ гаралга 14:30

Иигэжэ тэрэ үдэр Эзэн Израиль угсаатаниие Египет зонһоо абарһан байна. Израиль угсаатан далайн эрьедэ египет сэрэгшэдэй үхэһэн бэенүүдые хараа һэн.

Тоололго 21:35

Израильшууд Оогые, хүбүүдыень, тэрэнэй бүхы зониие, нэгэшье хүниие амиды мэндэ үлөөнгүй усадхаа бэлэй. Һүүлдэнь бүхы газар дайдыень эзэмдэн абаба.

Еврейнүүдтэ 11:29

Этигэл һүзэгөөрөө израильшууд Улаан далайе хуурай газар мэтэл гаталба, харин египедэй сэрэгшэдэй тон тиимээр гаталхаяа һэдэхэдэнь, уһан хана тэдэниие хушаба.

Ударидагшад 2:12

Тэдэнэр угайнгаа үбгэ эсэгэнэрэй шүтэн мүргэдэг байһан, мүн бүхы израильшуудые Египедэй газарһаа гаргаһан Эзэниие орхижо, оршон тойрон ажаһуудаг арадуудай хуурмаг бурхадта шүтэн мүргэдэг болобо. Тиихэдэнь Эзэн тэдээндэ сухалдашаба.

Ударидагшад 3:28

Эһууд тэдээндэ иигэжэ хэлэбэ: – Минии хойноһоо ябагты! Манай дайсад болохо моһаабуудые үй бута сохиходо Эзэн бидэндэ туһалха! Израильшууд Эһуудай хойноһоо ошобод. Тэдэнэр хада руу буугаад, Моһааб ошодог харгыгаар Иордан мүрэн гаталдаг гарсые эзэлээд, нүгөө талаһаа мүрэн гаталха гэһэн хэнииешье табибагүй.

Ударидагшад 3:31

Эһуудай удаа Анаадай хүбүүн Шамгаар ударидагша байгаа. Үхэр туудаг модоор тэрэ зургаан зуун пилишт зониие усадхаа бэлэй. Тэрэ мүн лэ Израилиие абарагша байгаа.

1 Хаан түрэнүүд 12:8

Яковай Египедтэ ерэхэдэ, танай үбгэ эсэгэнэрэй Эзэндэ хашхаран байжа мүргэхэдэ, Эзэн Моисей болон Аһароониие эльгээжэ, тэдэ танай үбгэ эсэгэнэрые Египедһээ гаргаа, энэ газарта һуурижуулаа.