Тоололго 36:2 - Библи

² иигэжэ хэлэбэд: – Эзэн израильшуудта жээрэбээр хубита газарыень хубаарила гэжэ манай эзэн ноёндо захиралта үгөө һэн. Манай аха Цэлопэһаадай басагадта хубита газар үгтэхэ ёһотой гэжэ Эзэн манай эзэн ноёндо айладаа һэн.

Тоололго 36:2 Iomraidhean Croise

Иоов 42:15

Иоовой гурбан басагад шэнги гоё һайхан эхэнэрнүүд энэ дэлхэйдэ байгаагүй. Эртын заншалай ёһоор, имагтал хүбүүд лэ уг залгамжалдаг болобошье, Иоов гурбан үхиндөө хүбүүдтэеэ адли зөөри хүрэнгэ хубаан үгэбэ.

Тоололго 33:54

Танай ураг бүхэн хубита газараа абаха. Тэрэ ороной газарайнь ямар хуби танай ямар урагта хүртэхэб гэжэ мэдэхэеэ таанад жээрэб хаяхат. Олон хүнтэй ураг ехэ газар абаха.

Тоололго 36:3

Хэрбэеэ ондоо обогой хүбүүн Цэлопэһаадай басагадай нэгыень һамга абаг лэ даа, тиихэдэнь бидэ яахабибди? Басагадайнь хадамда гарабалынь, манай уг удам хубита газараа алдаха. Тиихэдэнь жээрэбээр абтаһан манай газарай хэмжээн бага болохол.

Нүүнэй Иисүүс 13:6

Ливаанһаа Мисрэпоот-Мааһим хүрэтэр хадада һуудаг зониие, бүхы Сидоонойхидые Израилиин хүбүүдэй хараһаар байтар Би үлдэхэб. Минии шамда захирһан ёһоор энэ газарые Израилиин хубита болгожо хубаа.