25 Эзэн Моисейдэ иигэжэ айладаба:
Бүхы газарайнгаа арбанай нэгэ хубиие израильшуудай Намда үргэл болгон асархадань, Би абагша тэрэ хубияа левидүүдтэ үгэнэб. Би юундэ тиигэжэ айладанабиб гэхэдэ, таанад, левидүүд, израильшуудта үгтэһэн тэрэ газарһаа хубита газар абахагүйт.
– Ши левидүүдтэй хөөрэлдөөд, тэдээндэ иигэжэ хэлэ: израильшууд арбанай нэгэ хубиие – таанадта үгэдэг байха гэжэ Минии тодорхойлһон хубиие – үгэдэг байха, тэрэ арбанай нэгэ хубиһаа үшөө арбанай нэгые амяарлажа, Намда, Эзэндэ, үргэгты.
