Тоололго 18:24 - Библи

²⁴ Бүхы газарайнгаа арбанай нэгэ хубиие израильшуудай Намда үргэл болгон асархадань, Би абагша тэрэ хубияа левидүүдтэ үгэнэб. Би юундэ тиигэжэ айладанабиб гэхэдэ, таанад, левидүүд, израильшуудта үгтэһэн тэрэ газарһаа хубита газар абахагүйт.

Тоололго 18:24 Iomraidhean Croise

Нэхэмьяа 10:38

Арбанай нэгэ хуби суглуулдаг левидүүдтэй хамта Аһарооной үри санаартан байха ёһотой, левидүүд манай Бурханай гэр руу, хадагаламжын таһалганууд руу, бүхыдөө суглуулһанай арбанайнь нэгэ хубиие оруулха.

Нэхэмьяа 13:12

Иудын бүхы үри һадаһад орооһоной, үзэмэй дараһан архиин, тоһоной арбанай нэгэ хубиие хадагаламжада оруулжа эхилбэд.

Левит 27:30

Газарай ургасын, модоной жэмэсэй арбанай нэгэ хуби – Эзэнэй. Энэ бол Эзэнэй нангин зөөри мүн.

Тоололго 18:25

Эзэн Моисейдэ иигэжэ айладаба:

Тоололго 18:26

– Ши левидүүдтэй хөөрэлдөөд, тэдээндэ иигэжэ хэлэ: израильшууд арбанай нэгэ хубиие – таанадта үгэдэг байха гэжэ Минии тодорхойлһон хубиие – үгэдэг байха, тэрэ арбанай нэгэ хубиһаа үшөө арбанай нэгые амяарлажа, Намда, Эзэндэ, үргэгты.

Тоололго 26:62

Нэгэ һараһаа дээшэ наһатай бүхы левит эрэшүүлэй тоое бүридхэн абахадань, тэдэнэр 23 000 хүн болобо. Гэбэшье тэдэнэр израильшуудай хамтын тоо бүридхэлдэнь ороогүй, Эзэнэй үгэһэн хубита газарта хүртөөгүй юм.

Хуули дабталга 10:9

Бусад уг гарбалнуудта орходоо Левиин обогой зон өөрын хуби газаргүй. Юуб гэхэдэ, Эзэн Өөрөө тэдэнэй хуби болоно. Эзэн Бурхантнай тэдээндэ тиигэжэ айладаа бэлэйл.)

Хуули дабталга 26:12

Гурбадахи жэл бүри – ургасын арбанай нэгэ хубиие үргэхэ жэлдэ газарай эдеэ хоолой арбанай нэгэ хубиие амяарлажа, хотонуудтатнай ажаһуудаг левидүүдтэ, ерүүл зондо, үншэн хэнзэнүүдтэ, бэлбэһэн эхэнэрнүүдтэ үгөөрэй. Тиихэдэшни тэдэнэр эдижэ садажа байхал.

Нүүнэй Иисүүс 13:14

Гансал Левиин обогто хубитые үгөөгүй: Эзэнэй, Израилиин Бурханай үргэл тэрээнэй хубита болоно, тэрээндэ Эзэн тиижэ хэлээ.