Тоололго 12:6 - Библи

⁶ Эзэн тэдэ хоёрто иигэжэ айладаба: – Минии үгэ шагнагты! Хэрбэеэ Минии лүндэншэн таанадай дунда бии болоһон байбал, Би, Эзэн, тэрээндэ үзэгдэл үзүүлдэгби. Зүүдэлжэ байхадань, тэдээндэ айладхал буулгадагби.

Тоололго 12:6 Iomraidhean Croise

Эхин 15:1

Энэ болоһон үйлэ хэрэгүүдэй удаа нэгэ хэды сагай үнгэрөөд байхада Абрамда үзэгдэл үзэгдэжэ, тэрэ Эзэнэй иимэ айладхал дуулаба: – Абрам, юунһээшье бү ай! Би шамайе хододоо хаража хамгаалжа, угаа ехэ һайн һайханиие үршөөхэб.

Эхин 20:7

Зүгөөр ши мүнөө тэрэниие үбгэндэнь бусаа. Тэрэшни лүндэншэ хүн, шинии амиды үлэхын тула уншалга хэхэ, тиихэдэнь Би шамайе амиды мэндэ үлөөхэб. Хэрбээ тэрэниие үбгэндэнь бусаагаагүй һаа, өөрөөшье, шинии хамаг угшье хосорхо!

Эхин 28:12

Зүүдэндээ огторгой газар хоёрые холбоһон гэшхүүр хараба: тэрэ гэшхүүр дамжан, Эльгээмэлнүүд дээшэ – доошоо ябажа байба.

Эхин 28:16

Яков нойрһоо һэреэд, иигэжэ хэлэбэ: – Эзэн эндэ байха юм гэжэ би оройдоошье һанаагүйлби.

Эхин 37:5

Нэгэтэ Иосиф зүүдэ хараба. Тиигээд тэрэ зүүдэеэ аханартаа хөөрэбэ, тиихэдэнь тэдэ Иосифые бүришье үзэн ядадаг болобо.

Эхин 37:9

Иосиф дахин зүүдэ хаража, тэрээнээ баһал аханартаа хөөрэбэ: – Шагныт, би ондоо нэгэ зүүдэ зүүдэлээб. Зүүдэндэмни наран, һара болон арбан нэгэн одо мүшэд намда доро дохин байна гэжэ үзэгдэбэ!

Эхин 46:2

Нэгэ һүни Бурхан Израильда үзэгдэл харуулан, ооголбо: – Яков, Яков! – Би эндэ байнаб, – гэжэ тэрэ харюусаба.

2 Хаан түрэнүүд 7:4

Тэрэл һүниндөө Эзэнэй үгэ Натаанда иигэжэ дуулдаба:

3 Хаан түрэнүүд 3:15

Соломоон нойрһоо һэрижэ, зүүдэндэнь Бурханай үзэгдэһые ойлгобо. Тиигээд тэрэ Иерусалим руу ошожо, Эзэнтэй хэлсээ баталһан ханзын урда зогсожо, түгэс шатаалта үргэл, амгалан байдалай түлөө үргэл үргэбэ. Удаань бүхы түшэмэлнүүдтээ найр наада эмхидхээ бэлэй.

3 Хаан түрэнүүд 3:5

Гибэһоондо тэрэл һүниндөө Эзэн Соломоондо зүүдэндэнь үзэгдэжэ: – Юун шамда хэрэгтэйб, Намһаа гуйхадаш болохо, – гэжэ Бурхан айладхаба.

Иоов 33:15

Харанхы һүни хүнүүдэй унтаандань, зүүдэ үзэгдэл үзүүлэн, шэхэндэнь шэбэнэн, Тэрэ аюулһаа болгоомжолдог.

Иоов 4:13

Харанхы һүни аймшагтай зүүдэ зүүдэлээд,

Псалманууд 105:15

Тиимэһээ Тэрэ гуйлтынь дүүргээшье хадаа тэдээн руу үбшэ эльгээгээ.

Египедһээ гаралга 7:1

Эзэн Моисейдэ зарлиг болобо: – Би шамайе фараондо бурхан болгожо табиба гээшэб, харин Аһароон ахашни шинии нэрэһээ лүндэншэн болохо.

Ерэмияа 23:25

Минии нэрэһээ худал лүндэншэдэй зүүдэн соонь айладхал буулгаһан тухайм хэлэжэ байһые Би мэдэнэб.

Ерэмияа 23:28

Зүүдэ зүүдэлһэн худал лүндэншэ тэрэнээ зүүдэн гээд хөөрэг лэ. Орооһонһоо һолоомын тад ондоо байһандал адли тэдэнэй зүүдэниинь Минии айладхал бэшэ. Харин Минии үгэ дуулаһан нэгэн Минии үгые үнэн зүбөөр дамжуулха ёһотой.

Эзэкээл 1:1

Гушадахи жэлэй дүрбэдэхи һарын табанай үдэр би, Эзэкээл санаартан, Бүүзэй хүбүүн, сүлэгдэһэн еврейнүүдтэй хамта Вавилоон орон нютагта Хэбаар голой хажуугаар ажаһуужа байгаа бэлэйб. Гэнтэ огторгой онгойн нээгдэжэ, би Бурханай үзэгдэлнүүдые харабаб.

Даниил 10:8

Би гансаараа үлэжэ, энэ агууехэ үзэгдэл хараа һэм. Тэнхээ тамиргүй болоод, шэг шарайм хубилан сухиижа, хүсэ шадалгүй болоо бэлэйб.

Даниил 2:19

Һүни Даниил үзэгдэл үзэжэ, нюусын тайлбари мэдэбэ. Тиигээд тэрэ Огторгойн Бурханда магтаал соло дуудаба.

Даниил 7:1

Вавилооной хаан Бэлшаццаарай зонхилолтын нэгэдэхи жэлэй ябажа байхада Даниил зүүдэндээ нэгэтэ үзэгдэл хараба. Тиигээд тэрэ зүүдэеэ бэшэжэ абаа бэлэй.

Даниил 8:2

Элаам газар нютагта оршодог Сүүзэ гэдэг хэрэм соо байнаб гээд үзэгдэл харабаб. Улай гэдэг уһан татуурай хажууда байна хэбэртэйб.

Һошээ 12:11

Галаад угаа нүгэлтэй болоо, энэ һандаралаар дүүрэхэ. Гилгаалда буруудые үргэл болгон үүсэлээ, теэд үргэлэй тэдэ шэрээнүүд таряалангай хажуугаар байгша шулуун мэтэ һандаргагдан хаа-хаанагүй хаягдаха».

Ёһээл 3:1

«Харагты, Иуда ба Иерусалимай хуби һэргээхэ тэрэ үедэ, тэдэ үдэрнүүдтэ

Захарияа 1:8

– Энэ һүни үзэгдэл харабаб: миртын һөөгүүдэй дунда хонхосог соо зээрдэ мори унаһан хүн зогсоно, ара тээнь зээрдэ, алаг, сагаан морид байна.

Тоололго 24:4

Би Бурханай айладахые дууланаб. Түгэс Хүсэтын үзэгдэлые харанаб. Хүтэлбэрилгэ доронь оронхойб, нюдэмни нээлтэтэй.

Матвей 1:20

Тиигэжэ бодоод, Иосифой дууран хэбтэхэдэнь, Бурханай Эльгээмэл зүүдэндэнь үзэгдөөд, иигэжэ хэлэбэ: – Давидай үри һадаһан Иосиф, Мариягай түрэхэ хүбүүн Арюун Һүлдэһөө бүрилдэһэн юм. Тиимэһээ ши тэрэниие һамган болгожо абахаяа бү ай.

Матвей 2:19

Иродэй үхэһэн хойно Египедтэ байһан Иосифой зүүдэндэ Бурханай Эльгээмэл үзэгдөөд:

Матвей 23:31

Тиихэдээ таанар лүндэншэдые алагшадай үри хүүгэдынь байһанаа баталан гэршэлнэт.

Матвей 23:34

Мүнөө Би таанарта лүндэншэдые, сэсэн мэргэшүүлые, Хуули заадаг багшанарые эльгээхэмни. Харин таанар тэдэнэймни заримыень алахат, хэрээһэндэ хадажа саазалхат, нүгөөдүүлыень мүргэлэй гэрнүүдтэ сохихот, нэгэ хотоһоо нүгөөдэ хото руу мүрдэн намнахат.

Матвей 23:37

– Ай Иерусалим, Иерусалим, шинии хүнүүд лүндэншэдые аладаг, шамда эльгээһэн Бурханай мэдээсэгшэдые шулуудадаг! Даража дэгжээһэн дальбараануудаа дали дороо суглуулдаг шубуундал адляар шинии үри хүүгэдые суглуулха гэжэ Би хэды һэдээ зүдхөө гээшэбиб. Теэд ши Намайе зүбшөөгөөгүйш!

Матвей 27:19

Пиладай зарга шүүбэри хэдэг газарта һуухадань, тэрэнэй һамганиинь: – Тэрэ ямаршье гэм зэмэгүй хүндэ муу юумэ бү хэ! Мүнөө һүни Тэрэниие зүүдэндээ харааб, тиин Тэрэнэй түлөө аргагүй һанаагаа зобооб, – гэһэн мэдээсэлтэйгээр хүниие ябуулба.

Лука 1:11

Харин Һүмэ дотор сан табидаг шэрээгэй баруун таладань гэнтэ Бурханай Эльгээмэл бии болобо.

Лука 1:22

Тэрэнэй Һүмэһөө гараад, дуугаржа шадахагүй байхыень харахадаа, Һүмэ соо хий үзэгдэл хараа байна гэжэ зон ойлгобо. Хэлэгүй болоһон Захарияа гар хургаараа заажа байгаад зонтой ойлголсобо.

Лука 20:6

Хүнүүд үгөө гээ һаамнай, Иоанные лүндэншэ гэжэ этигэдэг бүхы энэ арад маниие шулуугаар шэдэжэ алаха.

Хэрэгүүд 10:11

огторгой нээгдэжэ, тэндэһээ дүрбэн үзүүрһээнь баряад газарта буулгагдажа байһан бүд хараба.

Хэрэгүүд 10:17

Хараһан үзэгдэлэйнгөө удхыень Пётрой тайлбарилжа ядан, гайхан һуухадань, Корнелиин эльгээһэн хүнүүд Симонэй гэрые оложо, үүдэнэйнь хажууда зогсобо.

Эфесэйхиндэ 4:11

Тэрэл хүнүүдые абьяас бэлигтээ хүртөөбэ, хэһэг зониие элшэнэр болгожо табиба, үшөө хэһэг зониие лүндэншэд болгожо табиба, зарим зониие Һайн Мэдээсэл номнохыень табиба, бусадые һүзэглэгшэдэй хүтэлэгшэдөөр, багшанараар томилбо.

Хуули дабталга 18:15

Таанадай дундаһаа намдал адли лүндэншые Эзэн Бурхантнай элирүүлэн гаргаха. Тэрэнэй үгэ дуулаха ёһотойт.

Хуули дабталга 18:18

Шамдал адли лүндэншые өөһэдынь дундаһаа тодоруулан гаргахаб, тиигээд юу хэлэхыень тэрээндэ заажа үгэхэб. Минии бүхы захиралтые тэрэ арад зондо хэлэжэ байха.

Еврейнүүдтэ 1:1

Урдандаа Бурхан лүндэншэдөөр дамжуулжа элдэб аргаар, олон удаа манай үбгэ эсэгэнэртэ үгэ хэлэдэг байгаа.

Гэршэлгэ 11:10

Газар дэлхэйдэ һуудаг хүнүүд хүхилдэн баясажа, найр зугаа хэнэ, бэе бэедээ бэлэг сэлэгүүдые барина, юундэб гэбэл, эдэ хоёр лүндэншэд газар дэлхэй дээрэ һуугшадые тамалан хэһээдэг байгаа.

Гэршэлгэ 11:3

Би хоёр гэршэнэрээ эльгээхэб: тэдэмни уйдхар гашуудалай хубсаһа үмдөөд, мянга хоёр зуун жаран үдэр соо Бурханай үгэ айладхажа ябаха».

1 Хаан түрэнүүд 28:6

Тэрэнэй Эзэндэ хандахадань, Эзэн зүүдээршье, уримээршье, лүндэншэдээршье харюу үгэбэгүй.

1 Хаан түрэнүүд 3:15

Иигээд Самуил үглөө болотор хэбтэбэ. Удаань Эзэнэй үргөөгэй үүдэнүүдые тэрэ нээбэ. Самуил энэ үзэгдэлые Элиидэ хэлэхэеэ айжа байгаа.

1 Хаан түрэнүүд 3:21

Тиигээд Эзэн Самуилда Өөрыгөө элирхэйлһэн, хөөрэлдэһэн Шилоо һууриндаа үзэгдэжэл байгаа.