Тимофейдэ 1-дэхи 4:3 - Библи

³ Тэдэ зон гэрлэхые, зарим юумэ эдихые хорихо. Зүгөөр Бурхан тэрэ эдеэ хоолые баясхалан хүргэһэн зальбаралай һүүлдэ һүзэглэгшэдтэ, үнэн зүбые мэдэрһэн хүнүүдтэ эдихыень бүтээгөө.

Шэнэ Хэлсээн

³ Тэдэ зон гэрлэхые, зарим юумэ эдихые хорихо. Зүгөөр Бурхан тэрэ эдеэ хоолые баясхалан хүргэһэн зальбаралай һүүлдэ һүзэглэгшэдтэ, үнэн зүбые мэдэрһэн хүнүүдтэ эдихыень бүтээгөө юм.

Тимофейдэ 1-дэхи 4:3 Iomraidhean Croise

Эхин 9:3

Урда тээнь ногоо ургамал таанадта үгэһэн мэтээр бүхы хүдэлэгшэ амитадые таанадта эдеэ хоол болгон үргэнэб.

Экклезиаст 5:18

Бурханһаа эд хогшол ба зөөри баялиг абаһан хүн бүхэндэ тэрэнээ эдлэхэ, хэрэглэхэ эрхэ олгожо, мүн өөрын ажалһаа баярлаха хуби хүртөөхэ гээшэ Бурханай бэлэг болоно.

Даниил 11:37

Тэрэ үбгэ эсэгэнэрэйнгээ, эхэнэрнүүдэй бурхадые, юрэдөө, ямаршье бурхадые тоохогүй, гансал өөрыгөө тэдээнһээшье дээрэб гээд тоолодог байха.

Матвей 14:19

Тэрэ улад зондо ногоон дээрэ һуухыень дурадхаба. Тиигээд табан хилээмэ, хоёр загаһа абажа, тэнгэри өөдэ шэртэн, Бурханда баяр баясхалан хүргэбэ. Удаань хилээмэ хухалжа, шабинартаа үгэбэ, тэдэнь улад зондо дам тарааба.

Матвей 15:11

Амандатнай орожо байһан эдеэн таниие бузарладаггүй, харин аманһаатнай гаража байһан муухай үгэнүүд таниие бузарладаг, – гэжэ хэлэбэ.

Матвей 15:36

Тиигээд байгаа долоон хилээмэ, загаһа абажа, Бурханда баяр баясхалан хүргэбэ, тэдэнииень хухалан, шабинартаа үгэбэ, шабинарынь улад зондо дам тараажа үгөө һэн.

Лука 24:30

Тэдэнтэй хамта эдеэлхэеэ һуухадаа, Иисүүс хилээмэ гартаа абажа зальбараад, хухалжа нүгөө хоёртоо үгэбэ.

Иоанн 6:23

Тиихэдэ Тибериадаһаа зон хэдэн онгосонуудта һуугаад, Эзэнэй Бурханда баясхалан хүргэһэнэй һүүлдэ олошоруулагдаһан хилээмэ зоной эдиһэн газарта тамаран ерэбэ.

Хэрэгүүд 27:35

Иигэжэ хэлээд, Павел хилээмэ абажа, бултанай байхада Бурханда баясхалан хүргэн зальбаржа, хилээмэеэ хухалан эдижэ оробо.

Римэйхиндэ 14:17

Ушарынь юуб гэбэл, Бурханай хаан орон эдихэ, ууха тухай бэшэ, харин Арюун Һүлдэһөө эхи абадаг үнэн сэдьхэл, энхэ тайбан, баяр жаргал тухай юм.

Римэйхиндэ 14:3

Ямаршье юумэ эдидэг хүн нүгөөдэ эдидэггүй хүнөө доогуур бү хараг; тиин гансал ургамал эдидэг хүн үнөөхи ямаршье юумэ эдидэг хүнөө бү шүүбэрилэг, Бурхан тэрэ хүниие һайшаагаад байна ха юм.

Римэйхиндэ 14:6

Нэгэ үдэрые бусад үдэрнүүдтэ орходоо шухала тусхай гэжэ тоолодог хүн Эзэнэй алдарай ашада тиигэнэ. Ямаршье юумэ эдидэг хүн Эзэнэй алдарта эдинэ, тэрэ эдеэнэйгээ түлөө Бурханда баяр талархалаа хүргэнэ. Зарим юумэнүүдые эдидэггүй хүн Эзэнэй алдарта тиигэнэ, тэрэ хүн Бурханда баяр талархалаа хүргэдэг.

Коринфынхидтэ 1-дэхи 6:13

Эдеэн ходоододол орохын тула байдаг, харин ходоодо хоол барихын тула юм гэжэ зарим хүнүүд хэлэхэ. Гэхэдэ Бурхан али алинииеньшье үгы болгохо. Махабад бэе ташаяан хурисалай тулада бүтээгдээ бэшэ, харин Эзэндэ алба хэхээр бүтээгдээ, тон тиигэжэл Эзэншье бэеые хаража анхаржа байдаг.

Коринфынхидтэ 1-дэхи 7:28

Һамга абаашье һаа, ши нүгэл шэбэлдэ унахагүйш, хадамгүй басаганшье хадамда гарабал, нүгэл шэбэлдэ унахагүй. Гэрлэһэн хүнүүдтэ үдэр бүхэн бэрхэшээлнүүд тулгардаг юм, тиин би таанадые тэдэ бэрхэшээлнүүдһээ һэргылнэб.

Коринфынхидтэ 1-дэхи 8:8

Эдеэ хоол бидэниие Бурханда ойртуулдаггүй, тиимэһээ тэрэ эдеэ амсаагүй һаа, бидэ юушье алдахагүйбди, тэрэ эдеэ амсаа һаа, бидэ юушье олохогүйбди.

Колоссынхидтэ 2:16

Иигэхэдээ эдижэ, уужа байһан юумэнһээтнай боложо гү, али ямар нэгэн һайндэрэй, Шэнэ Һарын һайндэрэй гү, али субботын үдэрэй түлөө хэншье таанадые бү зэмэлэг.

Колоссынхидтэ 3:17

Ямаршье юумые Эзэн Иисүүсэй нэрэ алдарай түлөө хэжэ, али хэлэжэ байгты, Тэрэнээр дамжуулан Эсэгэ Бурхандаа баяр хүргэгты.

Тимофейдэ 1-дэхи 4:4

Бурханай бүтээһэн бүхы юумэн һайн, тиимэһээ ямаршье юумэнһээ арсангүй, харин баясхалангай зальбарал хүргэн абаха ёһотойбди.

Тимофейдэ 1-дэхи 5:14

Тиимэһээ залуу бэлбэһэн эхэнэрнүүд хадамда гараад, үхибүүдые түрөөд, гэрээ хараад, манай дайсадта бидэниие муулаха шалтагаан олгонгүй байхыень би хүсэжэ байнаб.

Еврейнүүдтэ 13:4

Гэр бүлэ алишье талаһаа үнэн сэхэ байг, үбгэн һамган хоёр бэе бэедээ шударга байг. Бурхан забхай ба ташаяаралдадаг зониие гэмнэхэ.

Еврейнүүдтэ 13:9

Тиимэһээ элдэб янзын һургаалнуудһаа зайсан, үнэн зүб замаар ябагты. Эдеэ хоол тухай гуримуудые сахихые бү оролдогты, тэдэ гуримууд тэдэниие сахиһан хүнүүдтэ ямаршье аша туһагүй байгаа, харин Бурханай хайра үршөөлөөр сэдьхэл зүрхэнтнай бэхижэбэл һайн гээшэ.

1 Хаан түрэнүүд 9:13

Таанад хото руу оромсоороо үргэлэй газарта гарахынь, хоол барихынь урда тээ тэрээнтэй золгогты. Юуб гэхэдэ, тэрэнэй үргэл үреэхэеэ ерэтэр арад зон хоол барихагүй. Үргэлые тэрэнэй үреэһэнэй удаа уригдагшад хоол барижа эхилдэг. Тиимэһээ яарагты, мүнөө үшөө тэрэниие олохолта.