Римэйхиндэ 9:17 - Библи

¹⁷ «Өөрын хүсэ шадал шамда харуулжа, Өөрын нэрэ соло бүхы дэлхэйгээр суурхуулхын тула Би шамайе хаанаар табяа хүм», – гэжэ Эзэн Египедэй фараондо Нангин Бэшэг соо хэлэнэ.

Шэнэ Хэлсээн

¹⁷ «Шамаар дамжан һүр жабхалангаа харуулхын тула, бүхы газар дэлхэйн зоной магтаал солодо хүртэхын тула би шамайе хаанаар табяа хүм», – гэжэ Дээдын Эзэн Египедэй фараондо Нангин Бэшэг соо хэлэнэ.

Римэйхиндэ 9:17 Iomraidhean Croise

Эстээр 4:14

Иимэ үе сагта шинии амаа хаагаад байгаа һаа, иудейнүүдые абарха арга ондоо газарһаа ерэхэ. Харин шинии гал гуламта үгы хэгдэхэ. Тиигээдшье иимэ сагта хэрэгтэй болохо гэжэ шинии хаанай ордондо орожо, хатан болоһон ушар байгаа юм аалам, хэн мэдэхэб.

Псалманууд 76:10

Бурхан хайрлахаа мартаа юм гү? Уурлан, үршөөлөө хуряагаа гээшэ гү? [Хүгжэм]

Египедһээ гаралга 9:16

Гэбэшье Өөрын хүсэ шадал шамда харуулжа, Өөрын нэрэ соло бүхы дэлхэйгээр суурхуулхын тула Би шамайе амиды үлөөнэб.

Һургаал 16:4

Эзэн бүхы юумые зорилготойгоор бүтээгээ. Муу хүниие хэһээлгэ баһал Эзэнэй түсэбтэ ородог.

Исай 19:12

Тэрэ сэсэн мэргэн зүбшэгшэдтнай хаанаб? Байгаа һаа, Түмэн Сэрэгтэ Эзэнэй Египет тушаа юу түсэблэһые хэлэжэ үгэг лэ.

Исай 37:20

Эзэн Бурхамни, Та болбол ори ганса Бурхан, бэшэ Бурхан байхагүй гээшые дэлхэйн бүхы хан түрэнүүд мэдэхын тула мүнөө маанадые дайсадһаамнай абарыт!»

Даниил 4:22

Зоной дунда бэшэ, хээрын ан гүрөөлэй дунда амидархат. Малдал адли үбһэ ногоогоор хооллохот, шүүдэр дээрэтнай унан байха. Иигэжэ долоон жэл үнгэржэ, Дээдэ Бурхан лэ хүн түрэлтэнэй хан түрэнүүдые зонхилдог, һанаһан хүндөө тэдэниие үгэдэг гэжэ ойлгохот.

Иоанн 17:26

Танай Намда дурладагтал адли дуран тэдэнэй досоо байхын тула, мүн тэдэнэй досоо Минии байхын тула, Би тэдэндэ Танай нэрые нээгээб, нээжэшье үгэхэб.

Римэйхиндэ 11:4

Бурхан харюудань юун гэжэ хэлээ һэм? «Хуурмаг бурхан Баалда һүгэдөөгүй долоо мянган хүниие Би Өөртөө үлөөгөөб».

Галадуудта 3:22

Гэбэшье хүн бүхэн нүгэл шэбэлдэ унаад байна гэжэ Нангин Бэшэг соо хэлэгдэнэ. Энэ бэшэгдэһэн бүхэнэй ушарынь гэхэдэ, Иисүүс Христоосто һүзэглэһэн бүхы зон этигэлээрээ Бурханай найдуулһые хүлеэжэ абаха.

Галадуудта 3:8

Арадуудые этигэлээрнь Бурхан аршалан сүлөөлхэ гэжэ Нангин Бэшэг соо үни гэһээр тунхаглагдаа. Тэндэ Абраһаамда: «Бурхан шамаар дамжуулан, бүхы арадуудые абарха», – гэжэ хэлэгдээ.

Галадуудта 4:30

Нангин Бэшэг соо энээн тухай: «Барлаг эхэнэрые хүбүүнтэйнь хамта намна! Барлагай хүбүүн сүлөөтэй эхэнэрэй хүбүүнтэй хамта уг залгамжалхагүй», – гэжэ бэшэгдэнхэй.

Нүүнэй Иисүүс 9:9

Тэдэ Иисүүстэ хэлэбэ: – Ехэ холын газарһаа ерээбди. Эзэнэй һэшхэлдэ, шинии Бурханай һэшхэлдэ шинии богоолнууд болонобди. Тэрээнэй алдар тухай, Египедтэ Тэрээнэй юу хэһэн тухай дуулаабди.

1 Хаан түрэнүүд 4:8

Бидэндэ тодхор буугаа. Хэн маанадые энэ абари ехэ хүсэ шадалтай Бурханһаа абархаб? Энэ хадаа элһэн сүл губида египетшүүдые элдэб гай тодхороор һалгааһан Бурхан гээшэл.