Римэйхиндэ 8:9 - Библи

⁹ Таанад нүгэлтэ мүн шанарайгаа хүсэлэнгүүдые даханагүйт, тиин зосоотнай Бурханай Һүлдын оршожо байхадань, Һүлдын эрхэ хүсэлөөр ажамидарнат. Зосоогоо Христоосой Һүлдэгүй хүн Тэрэнэй бэшэ.

Шэнэ Хэлсээн

⁹ Таанад нүгэлтэ мүн шанарайгаа хүсэлэнгүүдые даханагүйт, тиин зосоотнай Бурханай Һүлдын оршожо байхадань, Һүлдын эрхэ хүсэлөөр ажамидарнат. Зосоогоо Христосой Һүлдэгүй хүн тэрэнэй бэшэ юм.

Римэйхиндэ 8:9 Iomraidhean Croise

Эзэкээл 11:19

Би тэдээндэ ондоо зүрхэ, ондоо сэдьхэл үршөөхэб, үсэд шулуун зүрхыень абажа, үгэ дууламгай зүрхөөр һэлгэхэб.

Лука 11:13

Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэ гуйһан хүн бүхэндэ Арюун Һүлдэеэ бүришье дуратайгаар үршөөхэл!

Иоанн 14:17

Туһалагша болбол Үнэн зүйлэй Һүлдэ мүн, тэрэ Һүлдые дэлхэйн зон абажа шадахагүй, юундэб гэбэл, Тэрэниие харанагүй, мэдэнэгүй бшуу. Харин таанар Тэрэниие мэдэнэт, Тэрэ таанартай мүнөө байна, ерээдүйдэшье досоотнай байха.

Иоанн 14:23

Иисүүс харюусаба: – Намда дуратай хүн Минии һургадаг ёһоор ябаха, тиихэдэнь Минии Эсэгэ тэрээндэ дуратай байха. Бидэ Эсэгэтэеэ хамта тэрэ хүндэ ерэжэ, тэрээнтэй байхабди.

Иоанн 3:34

Бурханай эльгээгшэ Бурханай үгэ номноно, юундэб гэбэл, Бурхан Тэрээндэ Арюун Һүлдэ хизааргүй ехээр үршөөнэ.

Иоанн 3:6

Хүнэй бэеһээ түрэһэн юумэн бэе махабад мүн, имагтал Һүлдэһөө Һүлдэ түрэдэг.

Хэрэгүүд 16:7

Тэдэнэй Мисси можын хилэдэ хүрэжэ ерээд, Битиини орохоёо байхадань, Иисүүсэй Һүлдэ тиишээ орохыень зүбшөөбэгүй.

Римэйхиндэ 7:5

Энэ дэлхэйн жама ёһоор ажамидархадамнай Хуули бэеымнай нүгэлтэ хүсэлэнгүүдые һэргээдэг байгаа, бидэ булта үхэхэ хойшолонтой байгаабди.

Римэйхиндэ 8:1

Иисүүс Христоостой нэгэдэн һууһан хүнүүд мүнөө зэмэлэгдэхэгүй.

Римэйхиндэ 8:11

Иисүүсые үхэхэдэнь амидыруулһан Бурханай Һүлдын зосоотнай оршожо байхадань, Христоосые Амидыруулагша зосоотнай оршожо байһан Һүлдөөрөө таанадайшье үхэлтэ бэедэ ами үршөөхэл.

Римэйхиндэ 8:2

Ушарынь юуб гэбэл, Иисүүс Христоостой хамта ажамидаруулжа байһан Һүлдын хуули намайе нүгэлэй ба үхэлэй хуулиһаа сүлөөлөө.

Коринфынхидтэ 1-дэхи 15:23

Гэхэдээ хүн бүхэн өөрынгөө ээлжээгээр, хамагай түрүүн Христоос, тиигээд Тэрэнэй ерэхэдэ, бүхы Тэрэнэй хүнүүд амидыруулагдаха.

Коринфынхидтэ 1-дэхи 3:16

Таанад Бурханай һүмэ гээшэт, зосоотнай Бурханай Һүлдэ оршоно гэжэ таанад мэдэхэгүй аалта?

Коринфынхидтэ 1-дэхи 6:17

Харин Эзэнтэй ниилэһэн хүн һүнэһэ һүлдөөрөө Тэрээнтэй нэгэдэдэг.

Коринфынхидтэ 1-дэхи 6:19

Бэетнай Бурханһаа таанадта үгтэһэн зосоотнай оршодог Арюун Һүлдын һүмэ юм гэжэ мэдэхэгүй аалта? Таанад өөһэдынгөө дураар бэшэт, Бурханай мэдэлдэ байнат.

Коринфынхидтэ 2-дохи 10:7

Таанад юумэнүүд тухай гансал гадаада талаарнь тухайлнат. Христоосой мэдэлдэ байнаб гэһэн бата этигэлтэй хүн өөртэйнь тон адляар Христоосой мэдэлдэ бидэнэйшье байһые мэдэрхэ ёһотой.

Коринфынхидтэ 2-дохи 6:16

Яажа Бурханай Һүмэ онгонуудта хамаатай байхаб? Бидэл амиды Бурханай Һүмэ гээшэбди. Бурхан Өөрөө иигэжэ хэлээ: «Өөрынгөө хүнүүдэй дунда Би гэр бодхоохоб, тиигээд тэдэнэйнгээ дунда оршожо байхаб, тэдэнэйнгээ Бурханиинь байхаб, харин тэдэнэр Минии арад болохо».

Галадуудта 4:6

Таанадай Бурханай уг залгамжалагшад болоһон хадатнай, Бурхан таанадта: «Аба, Эсэгэ», – гэжэ ооглоһон Хүбүүнэйнгээ Һүлдые эльгээгээ.

Галадуудта 5:24

Өөһэдыгөө Христоос Иисүүстэ зорюулһан хүнүүд махабад бэеэ хорхойтолготойнь, хурисал ташаяантайнь хэрээһэндэ хадаа.

Эфесэйхиндэ 1:13

Таанадшье баһа өөрынгөө абаралга тухай үнэн зүб Бурханай үгэ дуулаад, Христоосто этигээт, тиин Бурхан Арюун Һүлдэеэ таанадта үгэн, Өөрынгөө тамга таанад дээрэ дараба.

Эфесэйхиндэ 2:22

Христоостой нэгэдэн, таанадшье баһа Һүлдын ашаар Бурханай байдаг байра болохын тулада бодхоогдожо байнат.

Эфесэйхиндэ 3:17

Танай һүзэгэй ашаар зүрхэ сэдьхэлдэтнай Христоос һууришаһай, инаг дуран танай үндэһэ, һуури болоһой гэжэ би баһал зальбарнаб.

Филиппынхидтэ 1:19

Ушарынь гэхэдэ, танай зальбаралай ашаар, Иисүүс Христоосой Һүлдын туһаламжаар би сүлөөдэ гарахаб гэжэ һайн мэдэнэб.

Тимофейдэ 2-дохи 1:14

Шамда даалгагдаһан үлзытэй һайхан зүйлнүүдые сэдьхэлдэмнай оршоһон Арюун Һүлдын хүсэ шадалаар хадагалжа байгаарай.

Пётрой 1-дэхи хандалга 1:11

Ямар сагта, яажа тэрэ буян хэшэгэй үгтэхые лүндэншэд досоогоо байһан Христоосой Һүлдын зааһан сагаар тодоруулха гэжэ оролдоо. Тиихэдээл Христоос зоболонгуудые дабажа гараад, һүүлдэнь алдаршаха гэжэ Һүлдэ уридшалан хэлээ.

Иоаннай 1-дэхи хандалга 3:24

Бурханай захяа заабариие сахигшад Тэрээнтэй нэгэн хамта байна, Бурхан тэдэнтэй нэгэн хамта байна. Иигэжэл Бурханай бидэнтэй нэгэн хамта байдагые бидэ мэдэхэ аргатайбди, бидэндэ Бурханай заяаһан Арюун Һүлдын ашаар мэдэхэ аргатайбди.

Иоаннай 1-дэхи хандалга 4:13

Бурхан бидэнтэй нэгэн хамта байна гү, бидэ Бурхантай нэгэн хамта байна гүбди гэжэ маанадта Бурханай заяаһан Арюун Һүлдөөрнь мэдэнэбди.

Иоаннай 1-дэхи хандалга 4:4

Үхибүүд, таанар Бурханһаат, тиимэһээ худал хуурмаг лүндэншэдые диилээт, яахадааб гэбэл, таанарай досоо байдаг Бурхан газар дэлхэйдэ байдаг шолмосһоо ехэ юм.

Гэршэлгэ 13:8

Үргэлэй Хурьганай тэмдэглэдэг амидаралай ном соо нэрэнүүдэйнь бэшэгдээгүй бүхы газар дайдын зон тэрэ арьяатанда һүгэдэн мүргэхэ. Үргэлэй Хурьган тахил болгогдон Бурханда үргэгдэхэ гэжэ газар дэлхэйн бүтээгдэхэһээ түрүүн хараалагдаа.

Гэршэлгэ 20:15

Амидаралай ном соо бэшэгдээгүйшүүлые гал дүлэтэ нуур худар шэдээ һэн.