Римэйхиндэ 6:10 - Библи

¹⁰ Христоос нэгэл дахин манай нүгэлнүүдэй түлөө үхөөд, мүнөө Бурханай түлөө ажамидарна.

Шэнэ Хэлсээн

¹⁰ Христос нэгэл дахин манай нүгэлнүүдэй түлөө үхөөд, мүнөө Бурханай түлөө ажамидаржа байна.

Римэйхиндэ 6:10 Iomraidhean Croise

Лука 20:38

Бурхан болбол үхэһэн хүнүүдэй бэшэ, харин амиды хүнүүдэй Бурхан мүн. Тэрээндэ бүгэдөөрөө амиды юм.

Римэйхиндэ 6:11

Тиимэһээ таанадшье нүгэлэй талаар үхөөбди, харин Иисүүс Христоосой үгэһэн амяар Бурханай түлөө ажамидарнабди гэжэ өөһэд тухайгаа бодохо ёһотойт.

Римэйхиндэ 6:9

Ушарынь юуб гэбэл, Христоос үхөөд амидыруулагдаа, тиигээд дахин үхэхэгүй, юундэб гэбэл, үхэл Тэрээн дээрэ ондоо ямаршье эрхэ засаггүй.

Римэйхиндэ 8:3

Манай нүгэлтэ мүн шанарһаа боложо Хуулиин бүтээжэ шадаагүй юумые Бурхан бүтээбэ. Тэрэ Хүбүүгээ нүгэлтэ маанадтайл адли бэетэйгээр нүгэлнүүдэймнай түлөө тахил болгон эльгээжэ, бэеэрнь манай нүгэлнүүдые гэмнэн шүүбэрилээ.

Коринфынхидтэ 2-дохи 5:15

Бүхы хүнүүдэй түлөө Тэрэ үхөө. Тиимэһээ амиды байһан хүнүүд өөһэдынгөө түлөө ажамидарха бэшэ, харин тэдэнэй түлөө үхөөд, амидырһан Христоосойл түлөө ажамидарха ёһотой.

Коринфынхидтэ 2-дохи 5:21

Бурхан маанадай түлөө ямаршье нүгэлгүй байһан Христоосто манай нүгэлнүүдые ашаа. Тиигэжэ бидэ Христоостой нэгэдэн, Бурханда зохистой болообди.

Пётрой 1-дэхи хандалга 3:18

Бидэниие Бурханда хандуулхын тула Христоос манай нүгэл шэбэлэй түлөө нэгэтэ зоболон эдлээ. Тэрэ үнэн сэдьхэлтэн хара һанаатай зоной түлөө бэеэ һүнөөлгэжэ, һүлдөөрөө амидыраа.

Пётрой 1-дэхи хандалга 4:6

Тиимэһээл Христоос Һайн Мэдээсэлые үхэһэн хүнүүдтэ баһа номноо гээшэ. Тэдэнэр махабад бэеэрээ хүн бүхэндэл адли зарга шүүбэридэ үгтэхэ, харин һүлдөөрөө тэдэнэр Бурхандал адляар амидарха боломжотой юм.