Римэйхиндэ 5:20 - Библи

²⁰ Нүгэл шэбэлые элеэр харуулхын тула Хуули үгтөө. Зүгөөр нүгэл шэбэлэй ехэ элбэг байһан газарта Бурханай үршөөл хайрашье бүри элбэг дэлбэг үгтэжэ байгаа.

Шэнэ Хэлсээн

²⁰ Нүгэл шэбэлые элеэр харуулхын тула Хуули үгтэһэн байгаа. Зүгөөр нүгэл шэбэлэй ехэ элбэг байһан газарта Бурханай үршөөл хайрашье бүри элбэг дэлбэг үгтэжэ байгаа.

Римэйхиндэ 5:20 Iomraidhean Croise

Псалманууд 25:11

Харин би үнэн сэхээр ябанам, намайе абарыт, хайрлыт!

Исай 1:18

Эзэн иигэжэ айладхана: «Эбээрээ хэлсэе. Таанадай улайтараа нүгэлөөр бузарлагдаһаншье һаатнай, Би саһан мэтэ сагаан болотортнай угааха бэлэйб. Хүрин улаан болотороо нүгэлдэ баригдаһаншье һаатнай, сагаан нооһон мэтэ болотортнай угаан сэбэрлэхэ һэм.

Эзэкээл 16:52

Тиигээд мүнөө ши нэрээ хухарһанаа амасан бай. Самари, Содомдо орходоо шинии нүгэл хүндэ, тиимэһээ хэһээлтэшни хүндэ байха. Мүнөө эшэжэ улайжа, нэрээ хухарһанаа амасажа бай.

Тоололго 21:9

Моисей зэдээр могой бүтээжэ, тугайнгаа эшэдэ тэрэнээ тодхобо. Могойдо хадхуулһан хүнүүд туг дээрэхи зэд могойе харахадаа, амиды үлэдэг болобо.

Матвей 20:9

Табан сагта хүдэлхэеэ гараһан хүнүүд нэгэ-нэгэ динари ажалай хүлһэ абаба.

Матвей 9:13

Таанад ошожо, «Намда тахил тахихын орондо бусад зондо үршөөл хайратай байхыетнай хүсэнэб» гэжэ Нангин Бэшэг соо хэлэгдэһэн үгын удха мэдэжэ абагты. Би үнэн сэдьхэлтэниие бэшэ, харин нүгэл хэгшэдые дуудахаяа ерээ хүнби.

Лука 7:47

Энэ эхэнэрэй хэһэн олон нүгэлынь хүлисэгдөө. Тиимэһээл энэ Намайе иимэ ехээр энхэржэ хайрлажа байна. Зүгөөр багаар хүлисүүлэгшэд бирагүйхэн энхэрэл хайра үзүүлдэг юм.

Иоанн 10:10

Харин хулгайшан гансал хулуухаяа, алахаяа, һандаргаха хюдахаяа ерэдэг. Харин би хүнүүдэй амидархын тула, тэрээнһээ гадна, хүнүүдэй юрын амидаралһаа үлүү амидаралда хүртэхынь тула эндэ ерээб.

Иоанн 15:22

Хэрбээ эдэ зондо Минии ерэжэ, хөөрэлдөөгүй һаа, тэдэ нүгэл хилэнсэггүй байха һэн, харин мүнөө тэдэнэр нүгэлнүүдэйнгөө түлөө хүлисэл гуйжа шадахагүй.

Римэйхиндэ 4:15

Хуули эбдэхэдэ Бурханай уур сухалынь хүрэдэг. Харин Хуулиин үгы байбал, тэрэниие эбдэхын аргагүй юм.

Римэйхиндэ 6:1

Зай, яахабибди? Бурханай үршөөл хайрын дэлгэржэ байхын тула саашадаашье нүгэл шэбэл хэжэл байхамнай гү?

Римэйхиндэ 6:14

Нүгэл танай ажамидаралые захирха ёһогүй. Таанад Хууляар бэшэ, харин Бурханай үршөөл хайраар ажамидарна ха юмта.