Римэйхиндэ 14:22 - Библи

²² Эдэ мэтэ һанамжануудаа зосоогоо баряад, Бурхандаал мэдүүлээд бай. Эдиһэн ууһан юумээрээ һэшхэлдээ гэмнүүлээгүй хүн жаргалтай байна!

Шэнэ Хэлсээн

²² Эдэ мэтэ этигэжэ бодожо байһан юумэнүүдээ зосоогоо баряад, Бурхандаал мэдүүлээд бай. Эдиһэн ууһан юумээрээ һэшхэлдээ гэмнүүлээгүй хүн жаргалтай байна!

Римэйхиндэ 14:22 Iomraidhean Croise

Хэрэгүүд 24:16

Тиимэһээ би Бурханайшье, хүнүүдэйшье урда арюун һайн сэдьхэлтэй байха гэжэ ходо оролдодогби.

Римэйхиндэ 14:14

Ямаршье хоол барижа болохо гэжэ Эзэн Иисүүс намда бата этигэл үгөө. Хэрбээ таанад зарим эдихэ юумээ бузартай гэжэ тоолоо һаа, тэрэ эдеэнтнай танда бузартай байха.

Римэйхиндэ 14:2

Зарим хүнүүдэй һүзэгынь ямаршье юумэ эдихые зүбшөөдэг, харин һүзэгөөр һула хүнүүд гансал ургамал эдидэг.

Римэйхиндэ 14:23

Харин эдижэ байһан юумэн тухайгаа һэжэглэһэн хүниие Бурхан тэрэ юумээ эдижэ байхадань гэмнэдэг, юундэб гэбэл, тэрэ хүн һүзэгэйнгөө ёһоор болоногүй ха юм. Тиин һүзэгэй ёһоор хэгдэдэггүй юумэнүүд булта нүгэлтэй юм.

Римэйхиндэ 14:5

Зарим хүнүүд нэгэ үдэрые бусад үдэрнүүдтэ орходоо шухала гэжэ тоолоод, тусгайгаар тэмдэглэдэг, тиихэдэнь нүгөө зарим хүнүүд үдэрнүүдые хоорондонь илгадаггүй. Хүн бүхэмнай хэжэ бодожо байһанайнгаа ушар шалтагынь ойлгожо байг.

Римэйхиндэ 2:1

Заримантнай буруу юумэ хэжэ байһан зониие шүүбэрилдэг. Зүгөөр тиигэжэ байһандатнай таанадта ямаршье хүлисэл байхагүй. Бусад зониие зэмэлхэдээ, таанад өөһэдыгөө зэмэлнэт, ушарынь юуб гэхэдэ, таанад үнөөхил зонтойгоо адли буруу юумэ хэһэн гэмтэй болонот.

Римэйхиндэ 7:15

Би юу хэжэ байһанаашье ойлгоногүйб, юундэб гэхэдэ, би хэхэ дуратай юумэеэ хэнэгүйб, харин хэхэ дурагүй байһан юумэеэ үйлэдэжэ байнаб.

Римэйхиндэ 7:24

Ямар азагүй хүн гээшэбиб! Үхэлдэ хүргэжэ байһан энэ бэеһээмни хэн намайе аршалхань гээшэб?

Коринфынхидтэ 1-дэхи 8:7

Энэ үнэн юумые зарим зон мэдэдэггүй. Зариман мүнөө болотор онгонуудта үргэгдэһэн хоол эдихые онгонуудые тахиһантай адляар урдынхяараа сэдьхэдэг. Тиин тэрэ эдеэ амсан, бирагүйхэн һэшхэлээ бузарлуулдаг.

Коринфынхидтэ 2-дохи 1:12

Энэ дэлхэйдэ байхадаа, илангаяа таанадтай харилсахадаа, бидэ Бурханһаа үгтэһэн үнэн сэхэ, арюун сэбэр ажамидаралтай байгаабди, һэшхэл бодолнайшье тэрэниие батална, тиимэһээл бидэ ехэл бахархадагбди. Бидэ хүнэй сэсэн ухаагаар бэшэ, харин Бурханай үршөөлөөр тиигэжэ ажамидараабди.

Галадуудта 6:1

Аха дүүнэрни, хэрбээ хэн нэгэнэй нүгэл хээ һаа, Һүлдын һургаһан ёһоор ажамидардаг таанад иимэ хүниие даруу зангаараа заһажа байгты. Тиихэдэ нүгэл шэбэл хэжэрхихэгүйн тулада өөһэдыгөө анхарагты.

Яковай хандалга 3:13

Танай хэнтнай сэсэн ухаатайб, юумэ ойлгодог бэ? Тэрэнээ үнэн зүбөөр ажамидаран, дарууханаар болон бодолтойгоор үлзытэй үйлэ хэрэгүүдые бүтээн гэршэлэгты.

Иоаннай 1-дэхи хандалга 3:21

Инаг хайрата аха дүүнэрни, хэрбээ зүрхэ сэдьхэлнай маниие зэмэлээгүй һаань, Бурханай урда этигэл зоригтой байхабди.