Римэйхиндэ 13:7 - Библи

⁷ Үгэхэ ёһотой юумэеэ бүхы хүнүүдтэ үгэжэ байгты: татабари үгэхэ ёһотой болбол, татабаряа үгэгты; алба түлэхэ ёһотой болбол, албаяа түлэгты; һүрдэхэ ёһотой болбол, һүрдэгты; хүндэлэл үзүүлхэ ёһотой болбол, хүндэлэл үзүүлэгты.

Шэнэ Хэлсээн

⁷ Үгэхэ ёһотой юумэеэ бүхы хүнүүдтэ үгэжэ байгты: татабари үгэхэ ёһотой болбол, татабаряа үгэгты; алба түлэхэ ёһотой болбол, албаяа түлэгты; һүрдэхэ ёһотой болбол, һүрдэжэ байгты; хүндэлэл үзүүлхэ ёһотой болбол, хүндэлэл үзүүлжэ байгты.

Римэйхиндэ 13:7 Iomraidhean Croise

3 Хаан түрэнүүд 3:17

Нэгэ эхэнэрынь: – Үндэр түрэлтэ хаан эзэмни, би энэ эхэнэртэй нэгэ гэртэ байдагби. Тэрэнэй байһаар байтар би үхибүү түрөө һэм.

Египедһээ гаралга 20:12

Эзэн Бурханайнгаа үршөөһэн газарта ута наһатай һуухын тулада эхэ, эсэгэеэ хүндэлжэ ябаарай.

Һургаал 24:21

Хүбүүмни, Эзэнһээ болон хаанһаа түбэгшөөдэг бай. Урбагшадһаа холо бай.

Һургаал 3:27

Шинии хүсэн хүрэхэ һаань, зондо туһа хэхэеэ бү марга.

Левит 19:3

Таанад өөһэдынгөө эхэ эсэгэһээ түбэгшөөгты. Минии субботонуудые сахигты. Би танай Эзэн Бурхантнай гээшэб.

Левит 19:32

Буурал толгойтой үбгэд хүгшэдэй урда бү һуугты, үбгэн хүниие хүндэлжэ, бодогты. Өөрынгөө Бурханһаа һүрдэн айгты.

Матвей 17:25

– Түлэнгүй яахаб, – гэжэ Пётр хэлээ. Тиигээд Пётрой гэртэ ороходонь, Иисүүс түрүүлэн: – Симон, ши юун гэжэ һананабши? Энэ дэлхэйн хаашуул хэнһээ түлөөһэ, алба татабари абадаг бэ? Өөһэдынгөө албатанһаа гү, али хариин зонһоо абадаг гү? – гэжэ һураба.

Матвей 22:21

– Хаанай, – гэжэ нүгөөдүүлэйнь харюусахада, Иисүүс: – Тиимэһээ хаанай юумые хаандань, Бурханай юумые Бурханда үгэгты, – гэжэ тэдэндэ хэлэбэ.

Марк 12:17

– Тиимэһээ хаанай юумэ хаандань, Бурханай юумэ Бурханда үгэгты, – гэжэ Иисүүс тэдэндэ хэлэбэ. Энээниие дуулахадаа, тэдэ зон Иисүүсэй сэсэн ухаанда гайхалдаба.

Лука 20:22

Бидэ Римэй хаанда алба татабари түлэхэ ёһотой гүбди, али үгы гү? – гэжэ асуубад.

Лука 20:25

– Тиигээ һаа, хаанай юумые хаандань, Бурханай юумые Бурханда үгэгты, – гэжэ Иисүүс хэлэбэ.

Лука 23:2

– Энэ хүн арад зонииемнай үймүүлнэ, худхуулна, Римэй хаанда алба татабари түлэхые хорино, Өөрыгөө Бурханай табисууртаб гэжэ нэрлэнэ, – гэжэ Тэрэниие зэмэлбэ.

Римэйхиндэ 12:10

Бэе бэедээ аха дүүнэртэйл адляар дуратай байгты, бусад зониие өөрһөөн дээгүүр хүндэлэгты.

Римэйхиндэ 13:6

Засаг баригшад Бурханай ажал хэхэ уялгатай, тиимэһээл таанад тэдэндэ татабари түлэнэт.

Эфесэйхиндэ 5:33

Гэхэдэ энэ бүхэн таанадташье хабаатай: ямаршье эрэ өөртөө дуратай байһандал адляар һамгандаа дуратай байха ёһотой, тиин ямаршье эхэнэр нүхэрөө хүндэлжэ ябаха ёһотой.

Эфесэйхиндэ 6:5

Барлагууд, Христоосой үгэ дуулажа байһандал адляар газар дэлхэйдэхи эзэдээ үнэн зүрхэнһөө хүндэлжэ, айн бэшэрэн, үгыень дуулажа байгты.

Тимофейдэ 1-дэхи 5:13

Тиигэхэтэйгээ сасуу тэдэнэр айлаар зайжа, юумэ хэнгүй байжа һурашадаг. Тэдэнэр гансашье юумэ хэдэггүй бэшэ, үшөө үргэеэ бэлюудэдэг, хүнэй хэрэгтэ оролсодог, хэлэжэ болохогүй юумэнүүдые шашадаг юм.

Тимофейдэ 1-дэхи 5:17

Һайн хэрэг бүтээжэ байгаа хүтэлэгшэд, аргагүй оролдосотойгоор номножо, һургажа байһан хүнүүд дабхар шагнал абаха эрхэтэй.

Тимофейдэ 1-дэхи 6:1

Бурханай нэрэ алдарые, манай һургаалые хүнүүдэй муулахагүйн тула дарлалтада байһан барлагууд эзэдээ алишье талаһаань хүндэлжэ байха ёһотой.

Пётрой 1-дэхи хандалга 3:7

Эрэшүүл, таанадшье һамгадаа хүндэлжэ, ойлгожо байгты, тэдэтнай таанадта орходоо һуланууд ха юм. Тиихэдэ тэдэтнай таанадтайл адлихан Бурханай ажамидаралай шагналда хүртэхэ. Бурханай үгын ёһоор эхэнэрнүүдтээ хандажа байбалтнай, ямаршье юумэн зальбархадатнай һаалта болохогүй.

1 Хаан түрэнүүд 12:18

Тиин Самуилай Эзэниие дуудахада, Эзэн тэрэ үдэр аянга, бороо эльгээбэ. Бүхы арад зон Эзэнһээ болон Самуилһаа угаа ехээр айба.