Римэйхиндэ 12:6 - Библи

⁶ Тиимэһээ Бурханай маанадта хайрлаһан элдэб янзын абьяас бэлигүүдээ хэрэглэнэбди. Хэрбээ Бурханай хэлэһые дамжуулха абьяас бэлигтэй байгаа һаа, һүзэгэйнгөө хэмжээгээр лэ хүргэхэ ёһотойбди.

Шэнэ Хэлсээн

⁶ Тиимэһээ Бурханай маанадта хайрлаһан элдэб янзын абьяас бэлигүүдээ хэрэглэнэбди. Хэрбээ Бурханай хэлэһые дамжуулха абьяас бэлигтэй байгаа һаа, этигэл һүзэгэйнгөө хэмжээгээр лэ хүргэхэ ёһотойбди.

Римэйхиндэ 12:6 Iomraidhean Croise

Матвей 23:34

Мүнөө Би таанарта лүндэншэдые, сэсэн мэргэшүүлые, Хуули заадаг багшанарые эльгээхэмни. Харин таанар тэдэнэймни заримыень алахат, хэрээһэндэ хадажа саазалхат, нүгөөдүүлыень мүргэлэй гэрнүүдтэ сохихот, нэгэ хотоһоо нүгөөдэ хото руу мүрдэн намнахат.

Матвей 25:22

Мүн хоёр мянган алтан мүнгэ абаһан хүниинь ерэжэ: «Эзэн аа! Та намда хоёр мянган алтан мүнгэ үгөө бэлэйт, би тэрээгээртнай үшөө хоёр мянгые олооб», – гэжэ хэлэбэ.

Лука 11:49

Бүхы юумые уридшалан мэдэдэг Бурхан танай нүгэлтэ хэрэгүүд тухай: «Лүндэншэдые болон мэдээсэгшэдые тэдээндэ эльгээхэб, зүгөөр тэдэнэймни заримыень алаха, заримыень намнаха», – гэжэ хэлэһэн байгаа.

Хэрэгүүд 13:1

Антиохой һүзэглэгшэдэй бүлгэмдэ зарим лүндэншэд, багшанар: Барнааба, Нигер гэһэн ара нэрэтэй Симеон, Хэрээн хотын Лукий, Саул, бага байхадаа хаанай хүбүүн Иродтэй хүмүүжүүлэгдэһэн Мэнааһэм гэгшэд бии һэн.

Хэрэгүүд 15:32

Иуда Сила хоёр лүндэншэд байһан туладаа үгэ хэлэжэ, һүзэглэгшэдые зоригжуулан урмашуулба.

Хэрэгүүд 2:17

«Иимэл юумэн һүүлшын үдэрнүүдтэ болохо гэжэ Бурхан хэлэнэ: Би Өөрын Һүлдөөрөө хүн бүхэниие нэбтэрүүлхэб, таанадай хүбүүд басагад зүн бэлигээр мэдэдэг болохо, залуушуултнай үзэгдэл үзэжэ захалха, үбгэд хүгшэдтнай зүүдэ зүүдэлхэ.

Хэрэгүүд 21:9

Тэрэ хадамда гараагүй дүрбэн басагатай һэн. Басагадынь булта лүндэншэд байгаа.

Римэйхиндэ 1:11

Би таанадтай уулзажа, Бурханай Һүлдын үршөөһэн аша буянгаар хубаалсахаяа аргагүй ехээр хүсэжэ байнаб. Тиигэбэл һүзэгтнай бэхижэхэ байгаа.

Римэйхиндэ 12:3

Бурханай намда үршөөһэн абьяас бэлигэй ашаар таанадай хүн бүхэндэ хэлэнэб: байһанһаан үлүү ехээр өөр тухайгаа бү һанажа байгты. Зүгөөр Бурханай шамда үгэһэн этигэл һүзэгэй хэмжээгээр өөр тухайгаа дарууханаар бодомжолжо байгты.

Коринфынхидтэ 1-дэхи 12:18

Гэхэтэй зэргэ Бурхан бүхы эрхэтэнүүдые бэе соо Өөрынгөө дураар байрлуулаа.

Коринфынхидтэ 1-дэхи 13:2

Абарал буулгаха абьяастай, бүхы нюусануудтай болон мэдэсэтэй, хада уулануудые һууряарнь һэлгэхэ ехэ һүзэгтэй аад, хайра дурагүй юм һаа, би юуншье бэшэб.

Коринфынхидтэ 1-дэхи 14:1

Таанад хайра дураяа дэлгэрүүлжэ байгты. Оюун сэдьхэлэй абьяастай байхые, илангаяа Бурханай мэдээсэл элирүүлхэ абьяастай байхые хүсэжэ байгты.

Коринфынхидтэ 1-дэхи 14:24

Хэрбээ хүн бүхэнэй Бурханай үгэ номножо байхада, юрын гү, али һүзэглэдэггүй хүн орожо ерэбэл, дуулаһан юумэнүүдынь тэрэнэй нүгэлнүүдые шүүмжэлэн элирүүлхэ, гэмнэхэ.

Коринфынхидтэ 1-дэхи 14:29

Хоёр гү, али гурбан хүн Бурханай мэдээсэл элирүүлэг, харин бусад зон хэлэһэн тухайнь бодомжолжо байг.

Коринфынхидтэ 1-дэхи 3:5

Эсэсэй эсэстэ Аполлос гэдэгтнай хэн бэ? Тиихэдэ Павел гэдэгтнай хэн бэ? Бидэ таанадай Христоосто һүзэглэхэдэ туһалһан юрэ Бурханай зарасанар гээшэбди. Бидэ Эзэнэй хүн бүхэндэмнай үгэһэн ажалыел бүтээгээбди:

Коринфынхидтэ 1-дэхи 7:7

Хүн бүхэн намдал адли һамгагүй байһай гэжэ би хүсэнэб, гэхэтэй сасуу хүн бүхэн Бурханһаа өөрын тусгай абьяас бэлигтэй юм, нэгэ хүн иимэ абьяастай, нүгөө хүн тиимэ абьяастай.

Коринфынхидтэ 2-дохи 8:12

Туһалхые аргагүй хүсэжэ байбал, өөһэдтөө байхагүй юумэнһээ бэшэ, харин байһан юумэнһээ үгэхэт гэжэ Бурхан хүлеэнэ ха юм.

Эфесэйхиндэ 3:5

Энэ нюусые урданай хүнүүдтэ нээдэггүй байгаа, харин мүнөө Бурхан Арюун Һүлдөөрөө дамжуулан гэгээн элшэнэртээ ба лүндэншэдтэ тэрэ нюусаа нээгээ.

Эфесэйхиндэ 4:11

Тэрэл хүнүүдые абьяас бэлигтээ хүртөөбэ, хэһэг зониие элшэнэр болгожо табиба, үшөө хэһэг зониие лүндэншэд болгожо табиба, зарим зониие Һайн Мэдээсэл номнохыень табиба, бусадые һүзэглэгшэдэй хүтэлэгшэдөөр, багшанараар томилбо.

Филиппынхидтэ 3:15

Оюун сэдьхэлээрээ болбосон хүн бүхэмнай иимэл һанал бодолтой байха ёһотой. Хэрбээ зариманайтнай ондоо һанал бодолтой байбал, Бурхан тэрэнииетнай эли болгожо харуулхал.

Фессалоникиинхидтэ 1-дэхи 5:20

Уридшалан хэлэгдэһэн юумэнүүдые бү доромжологты.

Пётрой 2-дохи хандалга 1:20

Нангин Бэшэг соо хэлэгдэһэн лүндэншэдэй үгэнүүдые хүн өөрөө тайлбарилжа шадахагүй гэжэ таанад нэн түрүүн һанажа байгты.