Римэйхиндэ 11:29 - Библи

²⁹ Ушарынь юуб гэбэл, Бурхан шэлэжэ абаһан, буян хэшэгтээ хүртөөһэн хүнүүд тухайгаа һаналаа хубилгадаггүй.

Шэнэ Хэлсээн

²⁹ Ушарынь юуб гэбэл, Бурхан шэлэжэ абаһан, буян хэшэгтээ хүртөөһэн хүнүүд тухайгаа һаналаа хубилгадаггүй.

Римэйхиндэ 11:29 Iomraidhean Croise

Һошээ 13:14

Үхэлэй оронһоо таанадые Би абархагүйб, үхэлһөө мултаруулхагүйб. Ай, Үхэл, зоболонгуудшни хаанаб? Үхэл, хадхуураараа зониие хадхан алыш, бултыень усадхыш! Би энээн тушаа оройдоошье халаглахагүйб.

Малаахи 3:6

«Юуб гэхэдэ, хубилдаггүй Эзэнби, тиимэһээ Яковай хүбүүд һүнэхэгүй.

Тоололго 23:19

худал зүйл хэлэжэ байха хүн бэшэл Бурхан. Ушар болоод лэ һанаһанаа хубилгаха, уладай хүбүүн бэшэл Тэрэ. Айладаһан зарлигаа хубилгаха юм аал Тэрэ? Найдуулһанаа хубилгахагүйл Тэрэ. Айладаанаал Тэрэ айладаха, айладажа найдуулагшаяа Тэрэ бүтээхэл.

Римэйхиндэ 11:30

Бусад арад таанадай урдань Бурханай үгэ дууладаггүй байһантайтнайл адляар мүнөө еврейнүүд баһа Бурханай үгэ дууладаггүй. Тэрээнһээнь боложо таанад Бурханай үршөөл хайрада хүртэбэт.

Римэйхиндэ 8:28

Бурханда дуратай, Тэрэнэй эрхэ хүсэлөөр дуудуулагдаһан хүнүүдэй бүхы юумэнүүдтэнь Бурхан урагшатай байдаг.

Римэйхиндэ 8:30

Бурхан шэлэжэ абаһан хүнүүдээ дуудаа, дуудаһан хүнүүдээ үнэн сэдьхэлтэй болгоо, үнэн сэдьхэлтэнгүүдые алдар солодоо хүртөөгөө.

Коринфынхидтэ 1-дэхи 1:26

Аха дүүнэр, Бурханай таанадые дуудахада таанад ямар байһанаа һаныт: хүнүүдэй хэмжээгээр харабал, үсөөнтнайл сэсэн ухаантай, хэдыхэнтнайл һүр хүсэтэй, хэдыхэнтнайл дээгүүр уг изагууртай байгаа.

Эфесэйхиндэ 1:18

Бурханай таанадые дуудахада таанадта үгтэһэн найдабариин ямар байдагые, Өөһэдынгөө хүнүүдтэ Тэрэнэй үгэхэб гэһэн найдуулгын элбэг дэлбэг байдагые, Тэрээндэ этигэһэн бидэн соо хүдэлжэ байһан хүсэ шадалынь аргагүй ехэ байдагые мэдэжэ байхынтнай тулада оюун ухаанайтнай нюдые Тэрэ нээжэ үгэг лэ.

Эфесэйхиндэ 4:1

Эзэндэ алба хэжэ байһан дээрэһээ хаалтада һууһан би Бурханай таанадта даалгаһан уялгада зохистойгоор амидарагты гэжэ ехэтэ гуйнаб.

Эфесэйхиндэ 4:4

Бурханай таанадые дуудаһан найдуулгын гансал хадань таанад нэгэ бэе гээшэт, нэгэ Арюун Һүлдэтэй байнат.

Филиппынхидтэ 3:14

Тиимэһээ би мүнхын амидаралай шагналые абахаар сэхэ зорижо ябанаб. Тэрэ амидаралда Бурхан намайе Иисүүс Христоосоор дамжуулан дуудаа.

Фессалоникиинхидтэ 2-дохи 1:11

Тиимэһээл бидэ таанадай түлөө ходо зальбаржа байдагбди. Зохистой ажамидархынтнай тула Бурхан таанадые дуудаа. Тиин тэрэ ажамидаралые Бурхан таанадта үршөөг лэ. Дэмбэрэлтэй юумэ бүтээхэ гэһэн хүсэлэнгүүдыетнай Бурхан Өөрынгөө хүсөөр бэелүүлэг лэ, этигэлтэйгээр хэжэ байһан хэрэгүүдыетнай эсэстэнь хүргэг лэ.

Тимофейдэ 2-дохи 1:9

Бурхан хэһэн хэрэгүүдэймнай түлөө бидэниие абараа бэшэ, харин Өөрынгөө һайн хүсэлөөр ба үршөөл хайраар бидэниие абаржа, нангин арад болгохоёо дуудаа. Бурхан сагай урадхалай эхи абахаһаа урда бидэндэ Иисүүс Христоосой ашаар Өөрынгөө үршөөлые хайрлаа.

Еврейнүүдтэ 3:1

Бурханай баһал Өөртөө дуудаһан арюун гэгээн аха дүүнэрни! Баримталжа байһан һүзэгэймнай Ахамад Санаарта болгогдон эльгээгдэһэн Иисүүс тухай һанажа байгты.

Еврейнүүдтэ 7:21

Харин Иисүүс болбол Бурханай Тэрээндэ үгэһэн тангаригай ёһоор санаарта болоо: «Эзэн „Ши хэтын хэтэдэ санаарта байхаш“ гээд тангариглаа, тиин айладхаһан үгөө бусаажа абахагүй».

Пётрой 2-дохи хандалга 1:10

Тиимэһээл, аха дүүнэр, Бурханда дуудуулһанаа, шэлэгдэжэ абтаһанаа баталхые һайса оролдогты. Тиигэбэл таанад зүб замһаа хадуурхагүйт.