Римэйхиндэ 11:26 - Библи

²⁶ Тиигэжэ Израилиин бүхы арад зон абарагдаха. «Сион хадаһаа Абарагша ерэхэ, Яковай үри һадаһадһаа нүгэл шэбэлые зайсуулха.

Шэнэ Хэлсээн

²⁶ Тиигэжэ Израилиин бүхы арад зон абарагдаха. «Сион хадаһаа Абарагша ерэхэ, Яковай үри һадаһадһаа нүгэл шэбэлые зайсуулха.

Римэйхиндэ 11:26 Iomraidhean Croise

Исай 45:17

Харин Израиль Эзэнээр хэтэ мүнхэдөө абарагдаха, арад түмэниинь эшэхээр, нэрээ гутаахаар байдалда хэзээдэшье орохогүй!

Исай 59:20

Эзэн иигэжэ айладхана: «Сионой зондо болон муу муухайһаа зайлагша Яковай үринэртэ Абарагша заларха.

Ерэмияа 31:1

Эзэн ииигэжэ айладхана: – Минии Израилиин бүхы обогуудта Бурхан болохо, мүн тэдэнэй Минии арад түмэн болохо саг дүтэлжэ байна.

Эзэкээл 39:25

Харин мүнөө Израилиин арад түмэндэ нигүүлэсхыгээр хандажа, таран сасагдаһан арадуудайнь дундаһаа бусаахаб. Яковай үри һадаһадые үреэжэ, нангин байһанаа гэршэлхэб.

Һошээ 3:5

Энээнэй удаа Израилиин арад эрьежэ, өөһэдын Эзэн Бурханиие, өөһэдын Давид хааниие шүтэн-хүндэлэн байдаг болохо. Эсэсэй үдэрнүүдтэ Эзэндэ болон Тэрэнэй һайн һайхан оршом руу тэдэ шэшэрэн ерэхэ болоно.

Ёһээл 2:32

Эзэнэй нэрэ дуудаһан хүн бүхэн абарагдаха. Ушарынь хадаа Сион хада дээрэ, Иерусалим хотодо абаралга бууха гэжэ Эзэн хэлэнэ. Абарагдагшадай дунда Эзэнэй дуудаһан бусадшье зон байха.

Матвей 1:21

Тэрэшни хүбүү түрэхэ, Тэрээндэ Иисүүс гэжэ нэрэ үгэхэш, юундэб гэбэл, Тэрэ арад зоноо нүгэл хилэнсэгһээ абарха.

Хэрэгүүд 3:26

Хүн бүхэнииетнай муу муухай хэрэгүүдһээ зайсуулжа, буян хэшэгтээ хүртөөхын тула Бурхан Зарасаяа амидыруулаад, Тэрэнээ анха түрүүн таанадта эльгээгээ юм.

Тидтэ 2:14

Христоос маанадые бузар муухай нүгэлнүүдһээмнай аршалан, мэдэлдэнь байдаг, үлзытэй хэрэгүүдые хэхэ гэжэ зүдхэдэг сэбэр арад болгохын тула Өөрыгөө бидэнэй түлөө үргөө.