Римэйхиндэ 11:16 - Библи

¹⁶ Хэрбээ дээжынь Бурханда зорюулаатай байбал, үлэһэнииньшье арюун сэбэр байхал. Хэрбээ модоной үндэһэниинь Бурханда зорюулаатай байбал, эшэ һалаануудыньшье баһа арюун сэбэр байха.

Шэнэ Хэлсээн

¹⁶ Хэрбээ дээжынь Бурханда зорюулаатай байбал, үлэһэнииньшье арюун сэбэр байхал. Хэрбээ модоной үндэһэниинь Бурханда зорюулаатай байбал, эшэ һалаануудыньшье баһа арюун сэбэр байха юм.

Римэйхиндэ 11:16 Iomraidhean Croise

Эхин 17:7

Би энэ хэлсээ шамтай баталаад, шинии хойто үе удамтай мүн лэ баталнаб. Энэ хэлсээн хадаа үеын үедэ хүсэн түгэлдэр байха. Хэлсээнэй ёһоор, та бүгэдэнэй хүндэлхэ, шүтэхэ Бурхан гэбэл, Бил болохоб!

Египедһээ гаралга 22:29

Бурханиие бү муушала, арадайнгаа удамаршые хараажа бү бай.

Египедһээ гаралга 23:16

Таряа хадалгын һайндэр гэжэ шинии тариһан таряалангай газарһаа түрүүшын ургаса абан сасуу тэмдэглэдэг бай. Жэлэй эсэстэ таряаланһаа ургасаяа хуряаһан хойноо Ургаса суглуулгын һайндэр тэмдэглэдэг бай.

Египедһээ гаралга 23:19

Газарһаа абтаһан түрүүшынгээ ургасын дээжыень Эзэн Бурханайнгаа гэртэ асардаг бай. Эшэгэнэй мяха эхынь һүн соо бү шана.

Һургаал 3:9

Эд зөөриһөө ба бүхы бүтээгдэһэнэй дээжэһээ Эзэндэ үргэн хүндэлэ.

Ерэмияа 2:21

Би шамайе шэлэгдэн абтаһан, эгээл эрхим үрэһөө тариһан үзэмэй модоной эшэ мэтээр һуулган дүмөө бэлэйб. Теэд яагаад шимни гашуун муу үзэм үгэдэг эгээлэй ондоо эшэ мэтэ болошоо гээшэбши?

Эзэкээл 44:30

Ургаса хуряаха бүхэндөө зон эгээл түрүүшын ургасаһаа хуби санаартадта үгэхэ ёһотой. Зоной Намда үргэһэн бүхы бэлэгэй хубинь санаартадай болохо. Зон хилээмэ болгоходоо, түрүүшынгээ хүбриг санаартанда үгэдэг байха. Тиихэдэнь Би тэдэнэй гэр байрануудые үреэн үршөөн байхаб.

Левит 23:10

– Израильшуудта соносхо: Минии үгэһэн газарта ерээд, таряа тарихадаа, өөрынгөө түрүүшын ургасын нэгэдэхи боолто таряае санаартада асаржа үгэхэт.

Римэйхиндэ 11:17

Һуулгагдаһан модоной зарим һалаануудыень таһалаад, орондонь зэрлиг оливай һалаануудые һуурижуулба ха. Бусад арадуудай түлөөлэгшэ таанад эгээл тэрэ зэрлиг оливай модотой адлит, мүнөө таанад үндэһэндэ, шэмэ шүүһэндэ баһа хабаатай болобот.

Римэйхиндэ 8:23

Гансашье бүтээгдэһэн бүхы юумэнүүд ёолоно бэшэ, харин Бурханай түрүүшын үршөөл бэлэгтэ, Һүлдэдэнь хүртэһэн бидэшье Бурханай маанадые үхибүүдынь болгохые, бэеыемнай сүлөөлхые хүлеэжэ байхадаа, баһал зосоогоо ёолонобди.

Коринфынхидтэ 1-дэхи 7:14

Юундэб гэхэдэ, һүзэглэдэггүй эрэ һүзэглэдэг һамганайнгаа ашаар арюудхагдана, тон тиигэжэл һүзэглэдэггүй эхэнэр һүзэглэдэг нүхэрэйнгөө ашаар Бурханай урда арюудхагдана. Тиигээгүй һаа, тэдэнэй үхибүүдынь сэбэр бэшэ байха һэн, үнэндөө болбол тэдэ үхибүүд Бурханай урда арюун сэбэр юм.

Хуули дабталга 18:4

Орооһоной, үзэмэй дараһан архиин, оливын тоһоной дээжэ, хонидһоо хайшалһан түрүүшын нооһо тэрээндэ мүн лэ үгэгты.

Хуули дабталга 26:10

Мүнөө Эзэндэ үршөөһэн газарайнь ургасын дээжэ асарааб». Эдэ бүгэдые Эзэн Бурханайнгаа урда табижа, Тэрээндэ һүгэдэн мүргэ.

Яковай хандалга 1:18

Бурхан Өөрынгөө һайн дураар үнэн зүб мэдээсэлэй ашаар бүхы зохёон бүтээгдэһэн юумэнүүдэйнгээ дээжэнь болгохын тула маанадые мүндэлүүлээ.

Гэршэлгэ 14:4

Тэдэ хүнүүд эхэнэрнүүдээр орёоһолдон бэеэ бузарлаагүй, гэр бүлэ болоогүй зандаа үлөө, Үргэлэй Хурьганай ошоһон тээшэ дахажа ябаа. Гансал тэдэ хүнүүд газар дэлхэйһээ абтан абарагдаа. Тэдэнэр Бурханда болон Хурьганда үргэһэн түрүүшын ургасын дээжэ мэтэ.