Псалманууд 95:6 - Библи

⁶ Нэрэ хүндэ болон һүр жабхалан урдань, хүсэ шадал ба үзэсхэлэн байдал нангин газартань оршодог.

Бурятский Библия. Отдельные книги Ветхого Завета

⁶ Ерэгты, мүргэе, доро дохиё, бидэниие бүтээгшэ Эзэнэй урда унан мүргэе.

Псалманууд 95:6 Iomraidhean Croise

3 Хаан түрэнүүд 8:54

Соломоон Эзэндэ эдэ бүхы зальбарал гуйлта хэхэдээ, Эзэнэй үргэлэй шэрээгэй урда үбдэг дээрээ, гараа огторгой руу һунгаад мүргөө бэлэй. Зальбарһанай удаа тэрэ бодобо.

2 Угай бэшэг 29:28

Түгэс шатаалта үргэлэй дууһан үргэгдэтэр сугларагша бүхы зон мүргэн зальбаржа, дуушад дуулажа, үхэр бүреэнүүд дуугаралдажа байгаа бэлэй.

2 Угай бэшэг 29:29

Энэ ёһололой дүүрэхэдэнь, хаан болон бүхы байгааша зон доро дохин Эзэндэ мүргэбэ.

2 Угай бэшэг 29:30

Давидай болон Асаап лүндэншын бэшэһэн дуунуудые дуулажа, Эзэндэ магтаал үргэхыень Хэзэкияа хаан болон түшэмэлнүүд левидүүдтэ захирба. Тэдэнь баяртайгаар магтаал үргэжэ, һүгэдэн, доро дохин мүргэн байгаа бэлэй.

2 Угай бэшэг 6:13

уридшалан тэрэ утаашаа-хүндэлөөшөө табан тохой утатай, дээшээ гурбан тохой үндэр гуулин табсан дархалуулжа, нангин үргөөгэй хорёогой тэгэн дунда, үргэлэй шэрээгэй хажууда табюулһан байгаа. Соломоон табсан дээрэ гараад, Израилиин улад зоной хараһаар байтар үбдэглэн һуужа, гараа дээшэнь һунгажа,

Эзраа 9:5

Үдэшын үргэлэй болоходо, би гэмшэжэ һууһанаа бодожо, дотор гадаргүй хахархай хубсаһатай, үбдэг дээрээ һэхэржэ һуугаад, гарнуудаа өөдэнь һарбайжа, Эзэндээ, өөрынгөө Бурханда зальбарбаб,

Псалманууд 100:3

Муу муухай юумэ хаража байхагүйб, урбагшадай хэрэг үзэн яданаб, тэрэнь намда няалдахагүй.

Псалманууд 139:13

Эзэн хадаа зобоһон зоной хэрэг шиидэдэг, ядуу зоной түлөө үнэн шударгые үйлэдэдэг гэжэ би мэдэнэм.

Псалманууд 149:2

Израиль өөрын Бүтээгшын урда баясан байг, Сионой хүбүүд өөһэдын Хаанай урда хүхилдэн байг лэ.

Псалманууд 72:9

Амаа огторгой руу ангайн, хэлэниинь газараар тэнэгшэ.

Псалманууд 95:1

Эзэндэ шэнэ дуу дуулагты, бүхы дэлхэй, Эзэндэ дуулагты.

Египедһээ гаралга 20:5

Тэдээндэ бү һүгэдэ, бү мүргэ. Юуб гэхэдэ, Би, Эзэн Бурханшни, жүтөөрхэн сахидаг Бурхан гээшэб. Намайе хэрэгсээнгүй ябаһан эсэгэнэрэй түлөө үри хүүгэдыень, аша гушанарыень гурбадахи, дүрбэдэхи үе хүрэтэрынь хэһээдэгби.

Экклезиаст 12:1

Хүшэр үдэрнүүд ерэжэ, амидаралай жаргал үзөөгүйб гэжэ хэлэхээр жэлнүүдэй ерэхэһээ урид шадал дундаа залуу ябахадаа, Зохёон бүтээгшые һанадаг бай.

Исай 17:7

Тэрэ сагай ерэхэдэ, зон туһа эрижэ, Бүтээгшэдээ, Израилиин арюун Бурханда, эрьехэ.

Исай 44:2

Таанадые байгуулһан Эзэнтнай гээшэб, хэбэл соо таанадые бүтээһэн Би, таанадта туһалдаг Би иигэжэ айладанаб: Минии богоол Яков, Минии шэлэн абаһан Ешүрүүн, бү айгты!

Исай 54:5

Шамайе Бүтээгшэ бол үбгэншни мүн, нэрэнь – Түмэн Сэрэгтэ Эзэн. Израилиин арюун Бурхан шинии Абарагша мүн, бүхы дэлхэйн Бурхан гэжэ нэрлэгдэдэг.

Исай 64:8

Гэбэшье, Эзэн, Та манай Эсэгэт. Бидэ шабар мэтэ, харин Та шабараар амһарта бүтээдэг хүн мэтэт. Бидэ бултадаа – Танай бүтээлнүүд мүн!

Даниил 6:10

Даниил иимэ зарлигай гараһан тушаа мэдэһэншье һаа, гэртээ ошоходоо урданайхидал адляар үдэртөө гурба дахин үбдэглэн, өөрын Бурханда зальбардаг, магтаал үргэдэг байба. Мүргэдэг дээдэ таһалгынь сонхонууд Иерусалим руу харанхай, нээгдэнхэй байдаг һэн.

Һошээ 6:1

Арад зон зоболон гасаландаа ядажа, иигэжэ хэлэжэ эхилхэ: «Эзэндээ бусая! Тэрэ бидэниие дайраа, тиигээ хадаа аргалжа шадаха; Тэрэ маанадые шархатуулаа, тиигэбэл, шархануудыемнай эдэгээхэ.

Һошээ 8:14

Израилиин арад түмэн, Би таанадые байгуулааб, харин таанад Намайе мартаат. Иудын улад зон, таанар олон ордон байшангуудые, бүхэлэгдэһэн олон хотонуудые баряат. Теэд Би хотонууд руутнай гал түймэр эльгээхэб, тиихэдэм байшангуудтнай дууһан шатаха.

Матвей 4:2

Иисүүс дүшэн үдэр, дүшэн һүни масаглаад, һүүлдэнь гэдэһэниинь аргагүй ехээр үлдэбэ.

Матвей 4:9

– Хэрбээ хүлдэм унажа мүргөө һаатнай, би эдэ бүгэдые Танда үгэхэб! – гэжэ Тэрээндэ шолмос хэлэбэ.

Марк 14:35

Тиигээд тээ хажуу тээшээ ошожо, үбдэг дээрээ һуугаад, зальбарба: – Аба, Эсэгэмни! Та ямаршье юумэ хэхэ аргатайт! Энэ аягаһаа амсуулангүй, иимэ ехэ зоболон Намһаа зайлуулыт даа. Тиигэбэшье Минии хүсэлөөр бэшэ, харин Танайхяар болог.

Лука 22:41

Тиигээд Иисүүс шэдэһэн шулуунай хүрэхэ зайда тэдэнһээ холодожо, үбдэглэн һуугаад, Бурхандаа мүргэбэ:

Иоанн 1:3

Бүхы юумэн Үгөөр лэ бүтээгдээ, нэгэшье бүтээгдэһэн юумэн Тэрээнгүйгөөр бүтээгүй. Тэрэ Өөрөө бүхы амидаралай эхин мүн. Амидарал гээшэ бүхы хүнүүдые гэрэлтүүлдэг Гэрэл туяа мүн.

Хэрэгүүд 20:36

Иигэжэ хэлээд, Павел үбдэглэн һуугаад, бусад зоноор хамта зальбарба.

Хэрэгүүд 21:5

Долоон хоногой үнгэрхэдэ замдаа гарахадамнай, һүзэглэгшэд эхэнэр үхибүүдээрээ хамта бидэниие корабль хүрэтэрнай үдэшэбэ. Эрье дээрэ бидэ үбдэглэн һуужа зальбараад,

Хэрэгүүд 7:60

Тэрэ үбдэг дээрээ һэхэрэн һуугаад: – Эзэн аа, эдэнэй энэ нүгэлыень хүлисыт даа, – гэжэ шангаар хашхарба. Иигэжэ хэлээд, Стефан амяа табяа.

Коринфынхидтэ 1-дэхи 6:20

Бурхан таанадые үнэтэй сэнгээр худалдажа абаа. Тиимэһээ бэеэрээ Бурханиие алдаршуулжа байгты.

Эфесэйхиндэ 3:14

Эсэгэдээ би үбдэгөө бохиилгон мүргэнэб.

Филиппынхидтэ 2:10

Тиимэһээл Иисүүсэй алдарта нэрэ түрэдэ дээдэ огторгойн, газар дэлхэйн, доодо тамын амитан бүхэн мүргэн һүгэдэхэ,

Пётрой 1-дэхи хандалга 4:19

Тиимэһээ Бурханай дура хүсэлөөр зоболон эдлэжэ байһан хүнүүд үнэн сэхэ Бүтээгшэдэ өөһэдыгөө бүрин бүтэн даалгаг лэ, дэмбэрэлтэ хэрэгүүдые бүтээжэ байг лэ.

Гэршэлгэ 22:17

Арюун Һүлдэшье, хадамай басаганшье: «Ерэ!» – гэнэд. Шагнажа байгаашашье: «Ерэ!» – гэг. Ундаа ехээр хүрэгшэдшье ерэг! Амидаралгын уһа абаха дуратайшуул ерэжэ, тэрэ уһа миинтэ абаг лэ!

Гэршэлгэ 22:8

Би, Иоанн энээниие дуулааб, харааб. Энэниие дуулаад, хараад байхадаа, эдэ бүгэдые намда харуулһан Эльгээмэлэй хүлдэнь унажа, һүгэдэн мүргөөб.