Псалманууд 95:3 - Библи

³ Тэрэнэй алдар солые үндэһэтэдэй дунда, Тэрэнэй гайхамшагта хэрэгүүдые бүхы арадуудай дунда тунхаглагты!

Бурятский Библия. Отдельные книги Ветхого Завета

³ Юуб гэбэл, Эзэн бол агууехэ Бурхан бүхы бурхад дээрэ Агууехэ Хаан мүн.

Псалманууд 95:3 Iomraidhean Croise

Нэхэмьяа 8:6

Эзраа Эзэндэ, агуу Бурханда, мүргэбэ, тиихэдэнь бүхы арад гараа дээрэ үргэн иигэжэ харюусабад: «Болтогой, болтогой!» Эзэндээ бултадаа доро дохин, нюураараа газар мүргэн унабад.

Псалманууд 104:1

Эзэниие магтан дуулагты, нэрыень дурдан дуудагты. Арадуудта хэрэгүүд тушаань дуулгагты.

Псалманууд 135:5

Мэргэн сэсэн ухаагаараа тэнгэри бүтээгшэ Тэрээндэ. Юуб гэбэл, энэрэл хайрань хэтэ мүнхын.

Псалманууд 145:3

Ноёд һайдта бү этигэгты, хүндэ бү этигэгты, тэрэ абаржа шадахагүй.

Псалманууд 47:2

Агууехэ Эзэн Бурханаймнай хото соо, нангин хада дээрээ угаа магтагдана.

Псалманууд 47:3

Үзэсхэлэнтэ һайхан үндэр, бүхэдэлхэйн баяр болохо Сион хада, Цапооной ташалангууд, агууехэ Хаанай хото.

Псалманууд 96:4

Сахилгаануудынь юртэмсые гэрэлтүүлнэ, газар дэлхэй хаража, шэшэрэн байна.

Псалманууд 97:9

Эзэнэй урда! Юуб гэбэл, Тэрэ газар дэлхэйе шүүхэеэ заларжа байна. Тэрэ юртэмсые зүб шударгаар, арадуудые сэхэ тэгшээр шүүбэрилхэ!

Египедһээ гаралга 12:12

Харин Би тэрэ һүниндөө Египет орониие һэтэ гаража, тэндэхи хамаг зоной гэр бүлэдэ түрэһэн ехэ хүбүүдэйнь, малайнь түрүүшын эрэ түлнүүдэй ами таһалан нэрбэхэб. Египедэй бурхан шүтөөнгүүдые бүгэдые хэһээхэ Эзэн мүн гээшэб.

Египедһээ гаралга 18:11

Энээнһээ хойшо Эзэн лэ хамаг бурхадһаа үлүү гэжэ мэдэхэ болобо гээшэб.

Исай 44:8

Бү айгты, бү һүрдэгты! Эртэ урда сагһаа мүнөө болотор юун болохыень Би таанадта уридшалан айладажа мэдүүлээ һэм. Таанад гэршэнэрнит. Намһаа ондоо Бурхан бии юм гү?! Ондоо Хабсагай байхагүй! Би мэдэхэгүйб!

Ерэмияа 46:18

Би, Түмэн Сэрэгтэ Эзэн, хаан гээшэб. Би амиды Бурхан гээшэб. Табоорой уулануудай дунда эгээл үндэр байһандал, Кармээл уулын далайһаа дээгүүр ербыһэндэл, тон тиимэ агууехэ хүсэтэй нэгэн таанадта добтолон орохо.

Ерэмияа 48:15

Моһааб болон хотонуудынь һандаргагдаа, эгээл бэрхэ залуу зониинь алуулагдаа. Энэ болбол Би, Түмэн Сэрэгтэ Эзэн, хаан, айладхана мүн!

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Малаахи 1:14

Хонин һүрэгтэнь һайн хусын байхада, тэрэниие үргэхэб гэжэ тангариглаһан аад, Эзэндэ асархадаа, үбшэн малаар андалдаад үргэлдэ асардаг хуурмаг зон хараалда хүртэг. Ушарынь хадаа Би агууехэ Хаанби, арад үндэһэтэд Минии нэрэһээ һүрдэдэг! Иигэжэ Түмэн Сэрэгтэ Эзэн айладана.

Матвей 5:35

Газар дэлхэйгээршье бү тангаригла, юундэб гэбэл, газар дэлхэй Бурханай хүлэйнь түшэг гээшэ. Иерусалимааршье бү тангаригла, юундэб гэбэл, Иерусалим агууехэ Хаанай хото гээшэ.

Хуули дабталга 7:21

Тэдэ арадуудһаа бү һүрдэгты, юуб гэхэдэ, Эзэн Бурхантнай – агууехэ, һүрөөтэй Бурхан. Тэрэ таанадтай хамта байна.