Псалманууд 104:15 - Библи

¹⁵ «Тоһолон шэлэһэн зондомни гар бү хүрэгты, лүндэншэдтэмни муу юумэ бү хэгты!»

Бурятский Библия. Отдельные книги Ветхого Завета

¹⁵ Иигэжэ эдэ бүгэдэ хүнэй зүрхые жэмэсэй архиин баясуулхын, нюурынь тоһонһоо яларан байхын тула, хүндэ тэнхээ оруулдаг хоол хүнэһэнэй тула юм.

Псалманууд 104:15 Iomraidhean Croise

Эхин 18:5

Тэрэ үедэтнай эдеэ хоол асархаб. Таанад холын замда үлэсхэлэн ябахагүйт. Манайда ерэһэндэтнай ехэ баяртайб. – Зай, һайн. Тиигэел даа, – гэжэ тэдэ харюусаба.

2 Хаан түрэнүүд 13:28

Абшалоом зарасанартаа захирба: – Анхарагты! Амнооной үзэмэй дараһан архи уужа, хүхижэ эхилхэдэнь, би таанарта «Амнооные хюдагты» гэхэб. Тиихэдэм тэрэниие алагты. Бү айгты. Би өөрөө таанарта захиржа байна ха юмбиб. Бү айгты, зоригтой байгты!

Псалманууд 105:16

Хотон хүреэндэ байхадаа тэдэ Моисейдэ болон Эзэнэй гэгээн хүн Аһароондо атаархаа.

Псалманууд 23:5

Иимэ хүниие Эзэн үреэхэ, Абарагша Бурханиинь үршөөхэ.

Һургаал 31:6

Үхэлдэ дүтэлһэн хүнүүдтэ үзэмэй дараһан архи бари, амидаралынь гашуун хүнүүдтэ үзэмэй дараһан архи аягала.

Һургаал 31:7

Тэрэ уухадаа ядуу байдалаа мартан, зоболон тухайгаа бү һанаг.

Экклезиаст 10:19

Хүнүүд найр нааданда баярлажа, үзэмэй дараһан архяар амидаралаа сэнгүүлдэг, мүнгэн бүхы юумэндэ харюу болодог.

Экклезиаст 8:1

Юумэнэй удха тайлажа мэдэдэг мэргэн ухаатантай хэниие жэшэхэб? Мэргэн ухааниинь хүнэй нюур гэрэлтүүлжэ, барагар дүрыень зөөлэрүүлнэ.

Экклезиаст 9:7

Зай иигээд яба, үйлэ хэрэгүүдыш Бурханай һайшаажа байгаа хадань, эдеэ талхаяа дорюун зоогло, сэдьхэл сэнгэлэн үзэмэй дараһан архияа уу.

Исай 3:1

Харагты, Түмэн Сэрэгтэ Эзэн Бурхан хангамжа, туһаламжа Иерусалим болон Иудын хан түрэһөө зайлуулха гэжэ байна. Тэрэ эдеэ хоол, уһыень,

Исай 55:10

Бороо, саһан тэнгэриһээ буугаад һөөргөө бусадаггүйдэл, ургамалай ургаха, тариха болон эдихэ орооһо үршөөхыень газар ундалуулдагтал,

Ерэмияа 31:12

Израилиин арад зон бусажа, Сионой хада ууланууд дээрэ баярлан шууялдаха, Минии үршөөһэн хэшэг болохо орооһо таряанда, шэнэ үзэмэй дараһан архида, оливын тоһондо, мал һүрэгэй түлдэ баярлаха. Сэсэглэжэ байгаа саадтал адли тэдэ боложо, дахин хэзээдэшье доройтохогүй.

Эзэкээл 14:13

– Хүнэй үри Эзэкээл! Хэрбээ ямар нэгэ улас түрын Намда урбажа, нүгэл үйлэдөө һаань, Би тэрээн руу гараа һарбайжа, эдеэ хоолыень абажа, үлэсхэлэн хооһон байдал тогтоохоб. Иигэжэ Би улад зонииень, мал адууень хюдажа эхилхэб.

Эзэкээл 4:16

Тиигээд Тэрэ иигэжэ нэмэбэ: – Хүнэй үри Эзэкээл! Иерусалимда эдеэ хоол хомор болгохо гэжэ байнаб. Эдихэ хоолоо, ууха уһаяа хэмжэжэ эхилхэдээ, зон ехэ уйдан һанаагаа зобохо.

Эзэкээл 5:16

Би эдеэ хоол таһалдуулжа, гэдэһыетнай ехэ үлдэхөөхэб. Үлэсхэлэн хооһон байдалай хорото годлинуудые таанад руу харбахадамни, туража үхэхэ туйлдаа хүрэжэ, хадхаһан мэтэ үбшэ мэдэрэн байхат.

Левит 26:26

Хилээмэгүй болгохоб. Нэгэ пеэшэн соо арбан һамгад танда хилээмэ бариха, хилээмэ таанадта шэгнээд үгэхэ, таанад тэрэ хилээмэ эдеэд, садахагүйт.

Захарияа 10:7

Эпрааим хүсэрхэг эрэ боложо, үзэмэй дараһан архи ууһан мэтэ баясаха. Хүүгэдынь энээниие харахадаа хүхижэ, тэдэнэй зүрхэ сэдьхэлые Эзэн баярлан хөөрүүлхэ.

Марк 14:23

Тиигээд үзэмэй дараһан архитай аяга абаад, Бурханда баяр баясхалан хүргөөд, шабинартаа үгэбэ. Шабинарынь булта тэрэ аягаһаань амсаба.

Лука 7:46

Ши толгойем оливай тоһооршье түрхеэгүйш, харин энэ эхэнэр үнэтэй хангалтай ургамалай тоһоор хүлыем түрхеэ.

Эфесэйхиндэ 5:18

Таанадые гансал уруунь татаха аргатай үзэмэй дараһан архи һогтотороо уунгүй, орондонь өөһэдыгөө Һүлдөөр дүүргэгты.

Хуули дабталга 28:40

Оливын модод бүхы газарааршни ургаха, гэбэшье оливын тоһо бэедээ түрхихэгүйш, юундэб гэхэдэ, оливанууд газарта унажа, үжэн илзарха.

Хуули дабталга 8:3

Хүн ганса хилээмээр амидардаггүй, харин Эзэнэй үгын ашаар амиды ябадаг гэжэ ойлгохынтнай тула Тэрэ таанадые даран номгоруулаа, гэдэһыетнай үлдэхүүлээ, удаань таанадай хараагүй, үбгэ эсэгэнэрэйтнайшье үзөөгүй сагаан будаагаар холлуулаа.

Еврейнүүдтэ 1:9

Ши үнэн зүбтэ дуратайш, муу юумэ үзэн яданаш. Энээнэй түлөө Бурхан, Шинии Бурхан, хажуудашни байһан хэнииешье баярай тоһоор тоһодоогүй, харин гансал Шамайе тоһодон ёһолоол!», – гэжэ айладаа.

Иоаннай 1-дэхи хандалга 2:20

Таанарта Арюун Һүлдэ Бурханһаа үгтөө, тиимэһээ таанар бүхы юумэ мэдэнэт.

Ударидагшад 19:5

Левит хүбүүн дүрбэдэхи үдэрэй эртэ үглөөгүүр бодоод, гэртээ харихаяа түхеэршэбэ. Тиихэдэнь хадам эсэгэнь тэрээндэ иигэжэ дурадхаба: – Эдеэлжэ хүсэ шадал ороод, гэртээ харииш даа.

Ударидагшад 9:13

Уһан үзэмэй эшэ тэдээндэ хандажа: «Би бурхан болон хүнүүдые хүхеэлгэдэг уһан үзэмэйнгөө шүүһые үгэхэеэ болижо, ондоо бусад модонуудые зонхилхо болоно аалби?» – гэжэ дурагүйгөөр асууба.

Ударидагшад 9:9

Теэд оливын модон тэдээндэ иигэжэ харюусаба: «Хүнүүд болон бурхад тоһонойм түлөө намда баяр хүргэнэд. Тиимэ һэн тула би тоһоёо үгэхэеэ болёод, бусад бэшэ модонуудые зонхилхо аалби?»