Нэхэмьяа 7:3 - Библи

³ Би тэдээндэ иигэжэ хэлэбэб: – Үдын халуунай үедэ Иерусалимай үүдэнүүдые нээлтэтэй орхижо болохогүй. Харуулшад харуулда гаратараа үүдэнүүдые хаалгатай, шэбхэдээтэй байлгаг. Иерусалимда ажаһуудаг хүнүүдһээ харуулшад томилогдохо ёһотой, хүн бүхэниинь харуулда, өөһэдынгөө гэрнүүдэй хажууда хаража байг.

Нэхэмьяа 7:3 Iomraidhean Croise

Нэхэмьяа 13:19

Суббото эхилхын урда, Иерусалимай үүдэндэ боро хараанай эхилхэдэ, би үүдэнүүдыень хааха, субботын үнгэртэр нээхэгүй гээд захирбаб. Субботын үдэр хото руу ямаршье юумэ оруулхагүйн тула би үүдэнүүдэй хажууда өөрынгөө зарамалнуудые табибаб.

Нэхэмьяа 3:23

саашань Бэньямиин ба Хашшууб өөһэдынгөө гэрэй шанха урдахиие, саашань Анаанияагай аша, Маашэяагай хүбүүн Азаарияа өөрынгөө гэрэй хажуудахиие.

Нэхэмьяа 7:2

Иерусалимые зонхилхо хэрэг хоёр хүндэ даалгабаб: өөрынгөө дүү Ханаанида, хэрэмэй дарга Ханаанияада (тэрэ ехэ найдамтай, һүзэгтэй, энээн шэнги хүн тон үсөөн бэлэй).

Нэхэмьяа 7:4

Тэрэ үедэ хото үргэн, ехэшье, зүгөөр тэндэ хүн зониинь үсөөн, гэрнүүдэй диилэнхынь үшөө заһабарилагдаагүй байгаа.

Псалманууд 127:1

[Үгсэлгын дуун.] Эзэнһээ түбэгшөөдэг, Тэрэнэй харгы замаар ябааша хүн бүхэн юрөөлтэй.

Матвей 10:16

Һүрэг шононууд руу хонидые тууһан мэтээр Би таанадые эльгээнэб. Тиимэһээ таанар могой мэтэ сэсэн, гулабхаа мэтэ эгээлэй даруу байгты.