Нэхэмьяа 2:13 - Библи

¹³ Иерусалимай ханануудые шэнжэлэн, Нугын үүдэн гэдэг хаалгаар һүни гараад, би Луу могойн булаг, Шэбхэ шоройн үүдэн гэдэг хаалганууд руу шэглэн ошобоб. Ханануудынь һандаргагданхай, үүдэнүүдынь галдагданхай байба.

Нэхэмьяа 2:13 Iomraidhean Croise

2 Угай бэшэг 26:9

Иерусалимда Булангай, Нюруугай үүдэнүүд дээгүүр болон углуу тохойгоор самхагуудые тэрэ барижа, хотые бүхэлбэ.

Нэхэмьяа 1:3

Тэдэнэр иигэжэ харюусаба: – Баряанһаа амиды бусаашад тэрэ газарта аргагүй хүшэр хүндэ байдалда, ехэ доромжолго доро байна. Иерусалим һандаргагданхай, үүдэнүүдынь галдагданхай.

Нэхэмьяа 12:31

Би Иудын обогой удамаршадые ханада асаржа, тиигээд баяр баясхалангай ябаган дуушадай хоёр ехэ жагсаал эмхидхэн байгуулбаб. Тэрэнэй нэгэниинь ханын баруун талаһаа Бог шоройн үүдэн тээшэ ошобо.

Нэхэмьяа 2:12

Һүни би гэрһээ гарабаб; намтай нэгэ хэдэн хүнүүд байгаа. Иерусалимай аша туһада иимэ хэрэг бэелүүлхыем минии Бурхан даалгаба гэжэ хэндэшье хэлээгүй байгааб. Би элжэгэ унаад, харин намайе үдэшэгшэд ябагаар ябаба.

Нэхэмьяа 2:15

Би һүни дахин хана шэнжэлэн, жалга үгсэн дээшэлбэб, һүүлээрнь Нугын үүдээр гэдэргээ хото бусабаб.

Нэхэмьяа 2:17

Харин мүнөө би тэдэнэртэ иигэжэ хэлэбэб: – Ямар гай тодхорто байһанаа таанад хаража байнат. Иерусалим һандаргагдаа, хаалга үүдэнүүдынь галда шатаагданхай. Иерусалимай хэрэм ханануудые бодхооёл, өөһэдһөө эшхэбтэр муухайе зайлуулаял!

Нэхэмьяа 2:3

хаанда иигэжэ хэлэбэб: – Хаан хэтэ мүнхэдэ ажаһууг лэ! Минии элинсэгүүдэймни хүдөөлүүлэгдэһэн хотын һандаргагдаад, үүдэнүүдэйнь галдагдаад байхада муудангүй яахабиб?

Ерэмияа 5:10

Үзэмэй таряалан мэтэ арад зон руу сүйд хэхыень дайсадые эльгээхэб, гэбэшье бүримүһэн усадхуулхагүйб, харин мүшэрнүүдыень хухалхые захирхаб, юуб гэхэдэ, тэдэ Минии арад бэшэ.