Наум 3:7 - Библи

⁷ Шамайе харамсаараа хүн бүхэн шамһаа холодон гүйжэ, «Нинэвээ дээрмэдэ орожо хооһороо! Хэн тэрээн тушаа гашуудан байхаб? Хэн тэрэниие аргадан тайшаруулхаб?» гэхэ.

Наум 3:7 Iomraidhean Croise

Исай 51:19

Дабхар гай тодхор шамайе дайраа! Хэн шамайе хайрлахаб?! Дээрмэдэлгэ ба хюдалга, үлэсхэлэн байдал ба һэлмээр усадхалга! Шамайе һаатуулха хэншье үгы!

Ерэмияа 15:5

Эзэн айладхана: Иерусалим, үнэндөө хэн шамайе хайрлахаб? Хэн шинии хойноһоо гашуудан уйлахаб? Хэр байһыеш асуухаяа хэн эрьен ерэхэб?

Ерэмияа 50:18

Тиимэһээ Би, Түмэн Сэрэгтэ Эзэн, Израилиин Бурхан, Навуходоносор хааниие, гүрэн түрыень Ассириин хааниие хэһээһэндэл адляар хэһээхэб.

Ерэмияа 51:9

Тэндэ ажаһуугша хариин зон иигэжэ хэлэбэ: – Бидэ Вавилоониие аргалхаяа һэдээбди, теэд болобогүй. Тэрэниие орхижо, гэртээ хария. Бурхан бии шадал соогоо Вавилоониие хэһээгээ, энээн тушаа бүхы арадууд мэдэнэ.

Гашуудал 2:13

Иерусалим! Шамда юу гэжэ хэлэхэбиб, юунтэй жэшээлхэбиб? Сионой басаган, шамайе юунтэй сасуулха, яажа һатааруулхабиб? Гай зоболоншни тэнгис далайдал хизааргүй. Хэн шамайе аргалжа шадахаб?

Наум 1:1

Элкоошой Наумай Нинэвээ тушаа буулгаһан лүндэн, үзэһэн үзэгдэлэй ном гэбэл, энэ.

Цэпаанияа 2:13

Тэрэ гараа хойто зүг руу һунгажа, Ассири үгы хэхэ. Нинэвээ хотые эзэгүйрүүлэн, сүл губи мэтэ болгон хатааха.

Тоололго 16:34

Хажуугаарнь байгаа израильшууд тэдэнэй хашхаралдаае дуулаад: «Бидэнииешье баһал газар үрэбхижэ магад!» – гэлдэн, тэндэһээ тэрьедэн гүйлдэшэбэд.

Гэршэлгэ 18:10

Тиин хаашуул холо зогсон тэрээниие хараад, ядарал зоболонһоонь үхэтэрөө айжа, иигэжэ хэлэхэ: – Аргагүй хүсэтэй, агуу ниислэл Вавилоон, аймшагтай ехэ гашуудал зоболон шамда тудаба – зарга шүүбэридэ шаамайе үгэжэ хэһээхэ саг гэб гэнтэ ерэбэ!