Михей 5:4 - Библи

⁴ Удамарша заларжа, Эзэнһээ абаһан хүсөөрөө болон Эзэн Бурханайнгаа нэрын һүр жабхалангаар арад түмэниие зонхилон байха. Тэрэнэй арад аюулгүй байдалда ажамидаран байха, юуб гэбэл, дэлхэйн бүхы арадууд агууехыень мэдэрэнхэй байха юм.

Михей 5:4 Iomraidhean Croise

Псалманууд 72:19

Хосоролынь гэнтэ ерэхэ! Тэдэ үхэхэ, эсэсынь угаа муухай байха.

Псалманууд 72:8

Тэдэ баһажа, гүжэр үгэ тараадаг, бардамлан дуугардаг.

Псалманууд 93:1

Үһөөгөө абалгын Бурхан болохо Эзэн, үһөөгөө абалгын Бурхан, Өөрыгөө харуулыт!

Псалманууд 98:3

Танай агуу, һүрдэмөөр нэрые тэдэ магтан дуулаг! Тэрэ хадаа арюун!

Египедһээ гаралга 23:21

Тэрээнһээ айжа ябагты, үгыень дуулагты, тэрээндэ харша юумэ бү хэгты. Тэрэ танай эсэргүүе тэбшэхэгүй, юуб гэхэдэ, тэрээн соо Минии нэрэ алдар оршоно.

Исай 45:22

Дэлхэйн бүхы зон, Нам руу эрьежэ абарагдагты! Би болбол ори ганса Бурхан гээшэб!

Исай 49:5

Зай, иигээд, Яковай зониие суглуулжа бусаахын тула, Израилиин арад зониие суглуулхын тула Эзэн намайе эхымни умай соо бүрилдүүлээ, Өөрынгөө богоол болгоо. Тэрэ намда ехэ хүндэ үзүүлээ, Бурхан – минии хүсэн.

Исай 52:10

Бүхы үндэһэ яһатанай хараһаар байтар Эзэн нангин хүсэ шадалаа үзүүлээ: Өөрынгөө арад түмэндэ абарал буулгахыень үлгэн дэлхэйн бүхы булангай зон хараа.

Исай 52:13

Эзэн иигэжэ айладхана: «Минии зараса урагшатай байха, ехэ хүндэтэй, нэрэ түрэтэй хүн тэрэ болохо.

Исай 8:7

Би, Эзэн Бурхан, тэдээндэ бүхы сэрэгээрээ добтолхыень Ассириин хааниие асархаб. Эрьеһээ халин үерлэгшэ Евфрат мүрэнэй ехэ урасхал уһандал адли тэрэнэй сэрэг нэбтэрэн-халин ерэхэл.

Михей 7:14

Өөрынгөө арад түмэниие дахуулан ябыт, Эзэн! Өөрын уг залгамжалгын хуби зониие хони харюулдаг мэтээр очирто баягаараа харюулан байгыт! Тэдэ зон ой модон соо амяараа ажаһууна, теэд эртэ урда сагтал адляар, тэдэ үрэжэлтэ Башаан болон Галаадта ажаһууг лэ!

Захарияа 13:7

Түмэн Сэрэгтэ Эзэн иигэжэ айладхана: Эритэ илдэ, Минии хони адуулагшада, Намда дүтын болохо хүндэ эсэргүү бодон таһа сабшыш! Хонишонииень дайража һалгаахадаш, һүрэг хонидынь тарашаха. Би мутараа хорхойдо хорогүй хурьгадта эсэргүү эрьюулхэм.

Захарияа 9:10

Энэ хаан тунхаглана: «Эпрааимай дайшалхы тэргэнүүдые бута сохихоб, Иерусалимда моритониие таһа татахаб. Дайнай һурша номо усадхагдаха». Энэ хаан энхэ тайбаниие тунхаглажа, Тэрэнэй эзэрхэл далайһаа далай хүрэтэр, Евфрадай заха хүрэтэр оршохо.

Малаахи 1:5

Таанад энээниие нюдөөрөө үзэжэ, «Эзэн Израилиин хизаарта үргэмжэлэгдэхэ болтогой» гэжэ хэлэнэт.

Матвей 16:18

Тиимэһээ Би шамда хэлэнэб: ши, Пётр – шулуун гээшэш, тиин Би энэ шулуун дээрэ Өөрынгөө һүзэглэгшэдэй бүлгэмые бодхоохоб, тэрэнииемни үхэлшье өөрөө диилэхэгүй.

Матвей 2:6

«Иудейн орон дайдын Бэтлэһээм хото, ши Иудын мэдэлэй бусад шухала хотонуудһаа юугээрээшье дутанагүйш, юундэб гэхэдэ, Минии Израилиин арад зониие хүтэлхэ ехэ ударидагша шамһаа мүндэлэн гараха».

Матвей 25:31

– Хүн түрэлхитэнэй Хүбүүн алдар солотойгоор бүхы Эльгээмэлнүүдтэйгээ хамта ерэхэдээ, Өөрынгөө алдарта шэрээдэ һууха.

Лука 1:32

Тэрэшни агууехэ хүн болохо, Дээдэ Бурханай Хүбүүн гэжэ нэршэхэ. Эзэн Бурхан хүбүүешни үбгэ эсэгэ Давидтайнь адли хаан болгохо.

Иоанн 10:38

Эсэгынгээ хэрэгүүдые бэелүүлжэ байха үедөө хэлэһэн үгэнүүдтэмни этигээгүй һаа, Минии бүтээдэг хэрэгүүдтэ этигэгты! Тиихэдээ Эсэгэмни Минии досоо байна, Би Эсэгынгээ досоо байнаб гэжэ таанар мэдэхэт, мэдэжэшье байхат.

Иоанн 20:17

– Намайе бү бари! – гэжэ Иисүүс тэрээндэ хэлэбэ. – Би Эсэгэдээ үшөө бусаагүй байнаб. Минии аха дүүнэртэ ошоод, «Би Өөрынгөө, мүн таанарай Эсэгэдэ, Өөрынгөө, мүн таанарай Бурханда бусанаб», – гэжэ хэлэ.

Эфесэйхиндэ 1:3

Манай Эзэн Иисүүс Христоосой Эсэгэ болохо Бурханда магтаал соло дуудаял! Маанадай Христоостой нэгэдэһэн ушарһаа дээдын тэнгэриһээ оюун ухаанда хабаатай буян хэшэг Тэрэ маанадта хайрлаа.

Пётрой 1-дэхи хандалга 1:5

Бурханай хүсэн этигэл һүзэгэйтнай ашаар сагай эсэстэ абаралгада хүртэтэртнай таанадые һахижа байна.

Иудын хандалга 1:1

Эсэгэ Бурханай хайра дурада хүртэһэн, Иисүүс Христоосой харьяалда байһан Бурханай дуудаһан хүнүүд аа, таанадые Иисүүс Христоосой зараса, Яковай дүү Иуда амаршална.

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.