Марк 9:19 - Библи

¹⁹ Иисүүс улад зондо хандан: – Этигэл һүзэггүй зон аа! Үшөө хэды шэнээн таанадтай байхабиб? Үшөө хэды болотор таанадые тэсэжэ тэбшэжэ байхабиб? Тэрэ хүбүүе Намда асарагты! – гэжэ хэлэбэ.

Шэнэ Хэлсээн

¹⁹ Иисус улад зондо хандан: «Этигэл һүзэггүй зон аа! Үшөө хэды шэнээн таанадтай байхабиб? Үшөө хэды болотор таанадые тэсэжэ байхабиб? Тэрэ хүбүүе намда асарагты!» – гэжэ хэлэбэ.

Марк 9:19 Iomraidhean Croise

Тоололго 14:11

Эзэн Моисейдэ иигэжэ айладаба: – Хэды болотор энэ арад Намһаа буруу харахаб? Хэды болотор эдэнэр Намда этигэхэгүйб? Эдээндэ оло дахин дүлгэ үзэгдэл боложо Минии харагдаашье һаа, эдэнэр Намда этигэнэгүйл.

Тоололго 14:22

Минии алдар солые, дүлгэ тэмдэгүүдые Египедтэ ба элһэн сүл губида хараашье һаа, Минии айладаһан захяа үгэнүүдые дуулаагүй, арба дахин Минии тэсэбэриие шалгаһан тэдэ бултадаа

Тоололго 14:27

– Хэрүүлшэ энэ арад Намда хэды болотор дураа гутахаб? Израильшуудай Намда гомдожо байхые Би соносожо байнаб.

Матвей 17:17

– Этигэл һүзэггүй, забхай ябадалтай зон аа! Үшөө хэды шэнээн таанадтай байхабиб? Үшөө хэды болотор таанадые тэбшэхэбиб? Хүбүүгээ наашань Намда абаад ерэ, – гэжэ Иисүүс хэлэбэ.

Марк 16:14

Һүүлдэнь Иисүүс үдэшын хоол барижа байһан арбан нэгэн шабинартаа ерэбэ. Амидырһан хойнонь хараһан зондо үнэншэжэ үгэнгүй зүрюутэһэнэйнь түлөө, этигэлгүй байһанайнь түлөө шабинараа Тэрэ харааба.

Марк 9:18

Ада шүдхэр добтолходоол хүбүүемни газараар мухарюулна, аманһаань хөөһэ бурана, шүдэнь хабирна, бэень хүшэлдэнэ. Тэрэ ада шүдхэрые намнажа үгыт гээд шабинарыетнай гуйхадамни, тэдэтнай оролдоод шадабагүй.

Марк 9:20

Хүбүүе асарба. Иисүүсые харамсаараа ада шүдхэр хүбүүе таталзуулан һалагануулба. Хүбүүнэй аманһаа хөөһэ буран, тэрэ газараар мухариба.

Лука 24:25

– Лүндэншэдэй уридшалан айладхаһан бүхы юумэндэ этигэхэ талаар мохоо модохир, тэнэг амитад аа!

Лука 9:41

– Этигэл һүзэггүй, забхай ябадалтай зон аа! Үшөө хэды шэнээн таанадтай байхабиб? Үшөө хэды болотор таанадые тэсэжэ байхабиб? Хүбүүгээ абаад ерэ! – гэжэ Иисүүс тэрээндэ хэлэбэ.

Иоанн 12:27

Мүнөө сэдьхэлни ехээр зобоно! Юушье гэжэ хэлэхэбиб даа? «Эсэгэ аа! Намайе энэ зоболонто сагһаа абарыт даа!» – гэхэ гүб? Теэд Би энэл зоболонто сагай түлөө ерээ ха юмбиб!

Иоанн 20:27

Удаань Фомада хандажа: – Хургаяа үгэ! Энэ Минии гарые барижа үзэ. Гараа һарбайгаад, һүбээгэйм шарха руу хэ! Юумэндэ һэжэг түрэхэеэ боли, этигэжэ яба! – гэбэ.

Хуули дабталга 32:20

Тиигээд Тэрэ иигэжэ айладхаба: «Тэдээнһээ буруу хаража, һүүлдэнь юун бологшо ааб гээд хүлеэхэмни. Тэдэ ёһоо алдаһан зон, аша харюулхаяа мартаһан үхибүүд мэтэ.