Марк 15:43 - Библи

⁴³ Аримафейн Иосиф гэдэг хүн Пиладта орохоёо зүрхэлжэ, тэрээнһээ Иисүүсэй бэе үгэхыень эрибэ. Иосиф өөрөө дээдын Зүблэлэй ехэ хүндэтэ гэшүүниинь һэн, тиин тэрэ Бурханай хаан түрын мандахые хүлеэжэ байгаа.

Шэнэ Хэлсээн

⁴³ Аримафейн Иосиф гэдэг хүн Пиладта орохоёо зүрхэлжэ, тэрээнһээ Иисусай шарил эрибэ. Иосиф өөрөө дээдын Зүблэлэй ехэ хүндэтэ гэшүүниинь һэн, тиин тэрэ Бурханай хаан түрын мандахые хүлеэжэ байгаа.

Марк 15:43 Iomraidhean Croise

Матвей 19:30

Зүгөөр мүнөө түрүү зэргэдэ байгшадай олониинь һүүл хабида орохо, тиихэдэ мүнөө һүүл зэргэдэ байһанай олониинь түрүүлэн гараха.

Матвей 20:16

Тон тиигэжэл адагай һүүлдэ байгшад түрүү зэргэдэ гараха, тиин түрүү зэргэдэ байгшад адагай һүүлшын болохо.

Матвей 27:57

Үдэшэ болоходо Иисүүсэй шабинь байһан Иосиф гэдэг баян хүн Аримафейһээ хүрэжэ ерээ.

Марк 14:54

Пётр зай баряад ахамад санаартын хорёо хүрэтэр Иисүүсэй хойноһоо гэтэн ерэбэ. Тиигээд хорёо соо орожо, харуулшадтай хамта галай хажууда дулаасажа һууба.

Марк 15:44

Иисүүсэй тиимэ түргөөр үхэһэн тухай дуулаад, Пилат гайхаба. Тиигээд зуунай нэгэ даргые дуудаад, Иисүүс хэзээ үхөөб гэжэ һураба.

Лука 2:25

Боди һайхан сэдьхэлтэй, Бурханда бэшэрэн һүгэдэдэг, Арюун Һүлдэдэ хүртэһэн Симеон гэжэ хүн Иерусалим хотодо ажаһуугаа. Тэрэ хүн Израилиин абарагдахые хүлеэжэ байгаа.

Лука 2:38

Энэшье үедэ эндэ ерэжэ, Бурханда магтаал соло дуудажа, Иерусалимай эрхэ сүлөөтэй болохые хүлеэжэ найдажа байһан хүн бүхэндэ Иисүүс нялха тухай хөөрэжэ үгэбэ.

Лука 23:50

Тэндэ баһа Иудей можын Аримафей хотын Иосиф гэдэг хүн байба. Тэрэ үнэн сэхэ, сагаан сэдьхэлтэй хүн Бурханай хаан ороной мандахые ехэл хүлеэжэ байгаа. Тэрэ баһа Зүблэлэй гэшүүн аад, Зүблэлэй гаргаһан шиидхэбэриие, үйлэдэһэн хара хэрэгые яашье зүбшөөжэ шадахагүй байба.

Иоанн 19:38

Аримафейн Иосиф гэдэг хүн ерэжэ, Иисүүсэй бэеые абаашаха зүбшөөл Пиладһаа гуйба. Иосиф еврейнүүдэй засагаархинһаа айжа байһан дээрэһээ, Иисүүсэй нюуса шабинь байгаа. Пилат тэрээндэ зүбшөөлөө үгэбэ. Иосиф Иисүүсэй бэеые абаашаба.

Хэрэгүүд 13:50

Гэбэшье еврейнүүд хотын түрүү хүнүүдые болон Бурханда һүзэглэһэн хүндэтэ эхэнэрнүүдые Павел Барнааба хоёрто эсэргүү һанаатай болгобо. Тэдэ хоёрые хашан мүрдэжэ, нютагһаан намнаба.

Хэрэгүүд 17:12

Тиигэжэ тэдэ зоной олониинь этигэбэ. Тэдэнэй дунда олон нэрэ хүндэтэ грек эхэнэрнүүд, эрэшүүл байгаа.

Филиппынхидтэ 1:14

Түрмэдэ һууһан ябадални һүзэглэгшэдэй олоной һүзэг бүри бэхижүүлбэ, тэдэнэр бүри зоригтойгоор, айлтагүйгөөр Бурханай мэдээсэл номножо захалба.