Марк 13:9 - Библи

⁹ Таанад өөһэдөө һэргэг байха ёһотойт. Таанадые зарга шүүбэриин газарта абаашажа тушааха, мүргэлэй гэр соо сохихо. Минии түлөө таанад захирагшадай, хаашуулай урда зогсоод, һүзэг тухайгаа хэлэхэт.

Шэнэ Хэлсээн

⁹ Таанад өөһэдөө һэргэг байха ёһотойт. Таанадые зарга шүүбэриин газарта абаашажа тушааха, мүргэлэй гэр соо сохихо. Минии түлөө таанад захирагшадай, хаашуулай урда зогсоод, этигэл һүзэг тухайгаа хэлэхэт.

Марк 13:9 Iomraidhean Croise

Матвей 5:22

Хүндэ дэмы уурлаһан хүн зарга шүүбэридэ орохо зэргэтэй гэжэ Би мүнөө таанадта хэлэнэб. Хүниие «рака» гэһэн хүн Зүблэлэй гэшүүдэй заргада үгтэхэ ёһотой; хүниие «тэнэг» гэһэн хүн гал тамада унаха ёһотой гэжэ Би таанадта хэлэнэб.

Марк 1:44

– Энээн тухай ши хэндэшье бү хэлээрэй. Зүгөөр санаартада сэхэ ошожо, бэеэ үзүүлэ, тиигээд аргалуулһанаа хүн бүхэндэ гэршэлхын тула ши Моисейн зарлигай ёһоор үргэл хээрэй.

Марк 13:5

– Хэн нэгэнэй мэхэдэ орохоһоо болгоомжолжо байгты.

Марк 13:8

Нэгэ арад нүгөө арадтаа добтолон орохо, хаан оронууд хоорондоо хёморолдон тэмсэхэ; эндэ тэндэ газар хүдэлхэ, үлэсхэлэн зоболон, үхэл тахал тохёолдохо. Зүгөөр эдэ бүхэн бэрхэшээл зоболонгуудай эхииень лэ табиха.

Марк 6:11

Хэрбээ ямар нэгэ нютагта таанадые угтажа абаха дурагүй гү, али хэлэһыетнай дуулаха дурагүй байбал, хүлдэтнай халдаһан тооһо һэжэрэн дурагүйлхэһэнөө мэдүүлээд, тэрэ нютагһаа гаража ошогты.

Лука 9:5

Харин таанадые хүн зоной хүлеэжэ абахагүй байбалнь, хотоһоонь гарахадаа, хүлдэтнай халдаһан тооһо һэжэрэн дурагүйлхэһэнөө мэдүүлээрэйгты, – гээд Иисүүс захиба.

Иоанн 15:20

«Зараса болбол өөрынгөө эзэнһээ ехэ бэшэ» гэжэ хэлэһыемни һанана гүт? Намайе харшалаа, тиин таанарыешье харшалха. Минии үгэ дуулаа, тиин таанарайшье үгэ дуулаха.

Иоанн 16:2

Таанадые мүргэлэй гэрһээ намнаха; энээнһээ гадна, таанарые алаха хюдахадаа Бурханда алба хэнэбди гэжэ һанаха саг ерэхэ.

Хэрэгүүд 21:11

Агааб манай байһан газарта ерэжэ, Павелай бүһэ абажа, хүл гараа хүлеэд: – «Энэ бүһын эзэниие еврейнүүд Иерусалимда иигэжэ хүлеэд, бусад арадуудта тушааха» гэжэ Арюун Һүлдэ соносхоно, – гэбэ.

Хэрэгүүд 7:54

Эдэ бүхэниие дуулахадаа Зүблэлэй гэшүүд хоро шараяа бусалжа, шүдөө хабиралдабад.

Хэрэгүүд 9:16

Минии түлөө аргагүй ехэ зоболон эдлэхыень Би Өөрөө тэрээндэ харуулхаб, – гэжэ хэлэбэ.

Филиппынхидтэ 1:29

Ушарынь хэлэбэл, таанад Христоосто гансал һүзэглэн алба хэхэ бэшэ, харин Тэрэнэй түлөө зоболон амсан үүргээ бэелүүлхэ табилантайт.

Фессалоникиинхидтэ 2-дохи 1:5

Эдэ бүхэн Бурханай зарга шүүбэриин үнэн зүб байһыень батална. Саашадаа таанад Бурханай хаан орондо орохо эрхэтэй болохот, юундэб гэхэдэ, тэрэнэй түлөө зобожо байнат.

Иоаннай 2-дохи хандалга 1:8

Тиимэһээ бэеэ нарин нягтаар абажа ябагты, юунэй түлөө бидэнэй ажаллаһые миин бү хосороогты, теэд ажалайнгаа түлөөһые хүсэд дүүрэнээр абаха гэжэ оролдогты.

Гэршэлгэ 1:9

Би Иисүүсэй шаби, Иоанн ахатнай гээшэб. Бурханай хаан түрын эрхэтэн мүн туладаа би таанартал адляар зобон тулижа, тэбшэн тэсэжэ байнаб. Бурханай үгэ номноһонойнгоо, Иисүүсые гэршэлһэнэйнгээ түлөө би Патмос гэжэ олтирогто сүлэгдөө һэм.

Гэршэлгэ 2:10

Зобохо тулихаяа байнабди гэжэ бү айгаарайгты. Туршажа үзэхэеэ заримыетнай шолмос түрмэдэ хааха, арбаад хоног соо тамалуулхат. Теэд үхэн үхэтэрөө үнэн сэхэ байгаарайгты, Би танда мүнхын амидарал үршөөхэб!

Гэршэлгэ 2:13

таанад сатанагай хаан шэрээгэй газарта байдагта гэжэ Би мэдэнэб. Зүгөөр таанад Намда үнэн сэхээр хандадагта, сатанагай байдаг газартатнай Минии үнэн сэхэ гэршэ Антипын алуулһан үдэрнүүдтэшье Намһаа арсаагүйт.