Марк 12:12 - Библи

¹² Иисүүсэй хэлэһэн һургаалта үгэнүүдые дуулаад, түрүү санаартан ба фарисейнүүд өөһэд тухайнь хэлэжэ байна гэжэ ойлгобо. Тиимэһээ Иисүүсые барижа хэһээхэеэ хүсэбэ, теэд улад зонһоо айжа, Тэрэниие хүрэбэгүй.

Шэнэ Хэлсээн

¹² Иисусай хэлэһэн һургаалта үгэнүүдые дуулаад, түрүү санаартан ба фарисейнүүд өөһэд тухайнь хэлэжэ байна гэжэ ойлгобо. Тиимэһээ Иисусые барижа хэһээхэеэ хүсэбэ, теэд улад зонһоо айжа, тэрэниие хүрэбэгүй.

Марк 12:12 Iomraidhean Croise

Матвей 21:26

Хэрбээ хүнүүд үгөө гээ һаамнай, зон маниие яахаб бү мэдэе, аймшагтай юумэ болохо, – гэлдэбэ, юундэб гэбэл, хүн зон бултадаа Иоанные лүндэншэн гэжэ тоолодог байгаа.

Матвей 22:22

Иимэ харюу дуулахадаа, үнөөхи зон ехээр гайхалдажа, Иисүүсые орхёод саашалба.

Марк 11:18

Тиигэжэ хэлэхыень түрүү санаартан, Хуули заадаг багшанар дуулаад, Тэрэниие хюдаха арга бэдэрбэ. Юундэб гэбэл, бүхы зон Тэрэнэй һургаал гайхан анхаржа байгаа, тиимэһээл тэдэнэр Иисүүсһээ айжа байгаа.

Марк 11:32

Нүгөө талаһаа, хүн зон булта Иоанные лүндэншэн гэжэ тоолодог. Тиимэһээ уһаар арюудхаха эрхэ тэрээндэ юрэ хүнүүд үгөө гэхын аргагүйбди. Тэдэнэр хүн зонһоо айжа байгаа ха юм.

Лука 20:19

Хуули заадаг багшанар ба ахамад санаартан Иисүүс маниие хадхажа, энэ һургаалта үгэ хөөрэбэ гэжэ ойлгоод, тэрэ дороо Тэрэниие барижа абаха гэһэн аад, улад зонһоо айба.

Лука 20:6

Хүнүүд үгөө гээ һаамнай, Иоанные лүндэншэ гэжэ этигэдэг бүхы энэ арад маниие шулуугаар шэдэжэ алаха.

Иоанн 7:25

Иерусалимда байгшадай зариманиинь иигэжэ хэлэбэ: – Энэл хүниие засаг баригшад алахаяа һанана бэшэ аал?

Иоанн 7:30

Тиигэжэ хэлэхэдэнь Иисүүсые засагаархин барижа хаахаяа һанаба, теэд хэншье Тэрээнэй ойро хүрэбэгүй, юундэб гэхэдэ, Тэрэнэй сагынь үшөө ерээдүй байгаа.

Иоанн 7:44

Зариманиинь Иисүүсые барижа тушаахаяашье һанаба, теэд Тэрээндэ хэншье гар хүрэбэгүй.