Марк 11:18 - Библи

¹⁸ Тиигэжэ хэлэхыень түрүү санаартан, Хуули заадаг багшанар дуулаад, Тэрэниие хюдаха арга бэдэрбэ. Юундэб гэбэл, бүхы зон Тэрэнэй һургаал гайхан анхаржа байгаа, тиимэһээл тэдэнэр Иисүүсһээ айжа байгаа.

Шэнэ Хэлсээн

¹⁸ Тиигэжэ хэлэхыень түрүү санаартан, Хуули заадаг багшанар дуулаад, тэрэниие хюдаха арга бэдэрбэ. Юундэб гэбэл, бүхы хүн зон тэрэнэй һургаал гайхан анхаржа байгаа, тиимэһээл тэдэнэр Иисусһаа айжа байгаа.

Марк 11:18 Iomraidhean Croise

3 Хаан түрэнүүд 21:20

Ахааб Элияа гэгшые харахадаа: – Зай, дайсамни, олобо гүш намайе? – гэбэ. Элияа тэрээндэ хэлэбэ: – Олоол бэзэб. Юуб гэхэдэ, ши Эзэндэ таагүй хэрэг үйлэдэжэ байнаш.

3 Хаан түрэнүүд 22:18

Израилиин хаан Ёшапаадта: – Тэрэ нам тушаа һайнаар бэшэ, гансал муугаар уридшалан айладхадаг гэжэ би хэлээ бэшэ һэн гүб? – гэбэ.

3 Хаан түрэнүүд 22:8

Израилиин хаан Ёшапаадта: – Эзэнэй харюу дамжуулан хэлэдэг үшөө нэгэ хүн биил даа, теэд би тэрээндэ дурагүйб, юуб гэхэдэ, тэрэ нам тушаа гансал муугаар уридшалан хэлэдэг, һайн юумэ хэлээгүй. Имлаагай хүбүүн Михай гээшэ, – гэбэ. Ёшапаат тэрээндэ: – Үгы, хаан, тиигэжэ бү хэлыш, – гэбэ.

Исай 49:7

Үндэһэ яһатанда үзэн ядуулдаг, баһуулдаг, зонхилогшодой зараса байгша хүндэ хандан, Израилиин Абарагша, Арюун Эзэн Бурханиинь иигэжэ айладхана: «Хаашуул шамайе хаража, хүндэлжэ байһанаа гэршэлэн, хүл дээрээ бодохо, ударидагшад шамда доро дохихо. Минии, Эзэнэй, түлөө эдэ бүгэдые тэдэ хэнэ, Минии, Израилиин арюун Бурханай, түлөө!»

Матвей 21:15

Иисүүсэй бүтээһэн гайхамшагта хэрэгүүдые хараад, мүн Һүмэ дотор: – Давидай үри һадаһан алдар солотой байһай! – гэжэ үхибүүдэй шанга шангаар хашхаралдахые дуулаад, түрүү санаартан, Хуули заадаг багшанар сухалаа хүрэжэ:

Матвей 7:28

Иисүүсэй иигэжэ һургажа дүүргэхэдэ, үй түмэн зон тэрэнэй һургаалда гайхажа байба.

Марк 1:22

Тэрэнэй һургаал шагнаһан хүнүүд булта ехээр гайхадаг һэн, юундэб гэхэдэ, тэрэ Хуули заадаг багшанарта адляар бэшэ, харин эрхэ засаг баригшада адляар улад зониие һургажа байгаа.

Марк 11:32

Нүгөө талаһаа, хүн зон булта Иоанные лүндэншэн гэжэ тоолодог. Тиимэһээ уһаар арюудхаха эрхэ тэрээндэ юрэ хүнүүд үгөө гэхын аргагүйбди. Тэдэнэр хүн зонһоо айжа байгаа ха юм.

Марк 12:12

Иисүүсэй хэлэһэн һургаалта үгэнүүдые дуулаад, түрүү санаартан ба фарисейнүүд өөһэд тухайнь хэлэжэ байна гэжэ ойлгобо. Тиимэһээ Иисүүсые барижа хэһээхэеэ хүсэбэ, теэд улад зонһоо айжа, Тэрэниие хүрэбэгүй.

Марк 3:6

Фарисейнүүд мүргэлэй гэрһээ гараад, дары Иродэй талынхидаар уулзажа, Иисүүсые яажа алаха тухайгаа зүбшэн хэлсэбэ.

Марк 6:20

Иоаннай эрхим һайн, гэгээн хүн байһыень ойлгоод, Ирод тэрээнһээ айдаг, мүн хамгаалдаг бэлэй. Иоаннай хэлэһэн үгэнүүдэй һанааень зобоодогшье һаань, Ирод тэрэниие шагнаха дуратай байгаа, шагнадагшье һэн.

Лука 19:47

Иисүүс үдэр бүри Һүмэ руу ерэжэ, һургаалаа номнодог байгаа. Түрүү санаартан, Хуули заадаг багшанар, ахамадууд хамтаржа, Иисүүсые алаха гэлсээ.

Лука 2:47

Өөртэнь табигдаһан асуудалнуудта хурса тодо харюу үгэхыень шагнаад, Һүмэ соо байгшад булта сэсэн ухаатайень гайхажа байба.

Лука 20:19

Хуули заадаг багшанар ба ахамад санаартан Иисүүс маниие хадхажа, энэ һургаалта үгэ хөөрэбэ гэжэ ойлгоод, тэрэ дороо Тэрэниие барижа абаха гэһэн аад, улад зонһоо айба.

Лука 4:22

Бүгэдэ зон Иисүүс тухай хэлсэбэ, уран һайхан үгэнүүдтэнь гайхалсан: – Энэмнай Иосифой хүбүүн бэшэ аал? – гэлдэбэ.

Иоанн 7:1

Удаань Иисүүс Галилейгээр ябаба. Иудейдэ ошохогүй гэжэ Тэрэ шиидэбэ, юундэб гэхэдэ, Иудейн ахамадууд Тэрэниие алаха һанаатай байгаа.

Иоанн 7:19

Моисей таанарта Хуули үгөө бэшэ аал? Теэд таанарай хэнтнайшье тэрэ Хуули сахинагүйл! Юундэ таанар Намайе алахаяа һананабта?

Иоанн 7:46

– Энэ хүндэ адляар нэгэшье хүн хэзээдэшье номноогүйл! – гэжэ харуулшад харюусаба.

Хэрэгүүд 24:25

Теэд Павелай үнэн зүб ажамидарха, бэеэ бариха тухай, ерээдүй зарга шүүбэри тухай хөөрэхэдэнь, Феликс айгаад: – Зай, иигээд мүнөөдэр болоо. Яба. Сүлөө саг гарабал, би шамайе дуудуужаб, – гэжэ хэлэбэ.