Марк 10:24 - Библи

²⁴ Эдэ үгэнүүдыень дуулахадаа, шабинарынь сошолдон гайхалдаба. Харин Иисүүс дабтажа: – Үхибүүдни, Бурханай хаан орондо орохонь бэрхэтэйл байха даа!

Шэнэ Хэлсээн

²⁴ Эдэ үгэнүүдыень дуулахадаа, шабинарынь сошолдон гайхалдаба. Харин Иисус дабтажа: «Үхибүүдни, Бурханай хаан орондо орохонь бэрхэтэйл байха даа!

Марк 10:24 Iomraidhean Croise

Псалманууд 17:14

Эзэн огторгойдо хүнхинэжэ, Дээдэ Бурхан дуугаа үгэбэ. Мүндэр болон галта нүүрһэн.

Псалманууд 52:7

Израилиин абарал Сионһоо ерэхэнь болтогой! Арад зоноо баряанһаа Бурханай бусаахада, Яков баярлаха, Израиль баясаха!

Псалманууд 62:10

Харин намайе алахаяа бэдэрэгшэд газарай гүн руу шабагдахал!

Һургаал 11:28

Гансал баяндаа найдагша хүн унаха. Үнэн шударга хүн ургажа байһан ногоон набша мэтэ һалбарха.

Һургаал 18:11

Баян хүнэй эд зөөри тэрээндэ бэхи хото, үндэр хана мэтээр һанагдадаг.

Һургаал 23:5

Баялигаа һайнаар харажашье үрдеэгүй байтаршни тэрэшни үгы болошоод байха: эд баялигта дали ургадаг, тэнгэри өөдэ дүүлиһэн бүргэд мэтэ ниидэжэ арилшаха.

Ерэмияа 9:23

Эзэн иигэжэ айладхана: Мэргэн хүн мэргэн ухаагаараа, хүсэ шадалтай хүн шадалаараа, баян хүн эд баялигаараа бү һайрхаг.

Аввакуум 2:9

Өөрын гэр байрада хуули бусаар эд зөөри суглуулааша, гэнэ усалһаа болгоомжолон, үндэр газарта гэр уурхайгаа түхеэрээшэ хэн нэгэн абарагдахагүй!

Цэпаанияа 1:18

Эзэнэй хилэнсэгтэ үдэрэй мандахада, алта мүнгэншье тэдэниие абаржа шадахагүй. Бүхы дэлхэй Тэрэнэй уур хилэнгэй гал дүлэн соо дууһан шатаха. Ушарынь гэбэл, дэлхэйн бүхы ажаһуугшадые Тэрэ гэнтэ дүрэлзэһэн уур хилэнгээр хюдаха юм!

Матвей 19:25

Энээниие дуулаад, шабинарынь ехээр гайхалдан: – Тиигэхэдээ хэн абарагдаха аргатайб? – гэлсэбэ.

Марк 1:27

Хүн зон булта аргагүй ехээр гайхажа, бэе бэедээ: – Энэ юун бэ? Һүр хүсэтэй шэнэ һургаал байнал! Яаһан ехэ эрхэ засагтайб? Ада шүдхэрнүүдшье Тэрэнэй үгэ дууланал, – гэлдэбэ.

Марк 10:23

Иисүүс тойрожо хараад: – Баян хүнүүдэй Бурханай хаан орондо орохонь бэрхэтэйл байха даа! – гэжэ шабинартаа хэлэбэ.

Лука 16:14

Энэ хэлээшыень фарисейнүүд дуулаба. Тэдэ алта мүнгэндэ ехэл дуратай хадаа Иисүүсые наада бариба.

Иоанн 13:33

Үхибүүдни, таанартай суг хамта байха сагни бага үлөө. Таанар Намайе бэдэрхэт, теэд еврейнүүдэй ахамадуудта хэлэһэндэл адляар, Би таанарташье мүнөө хэлэхэмни: «Минии ошохо газарта таанар ерэжэ шадахагүйт».

Иоанн 21:5

– Хүбүүд, загаһа бариба гүт? – гэжэ Иисүүс тэдэнһээ асууба. – Баряагүйбди, – гэжэ тэдэнь харюусаба.

Иоанн 6:60

Эдэ үгэнүүдые шагнаһан олон шабинарынь: – Энэнь жэгтэй һонин һургаал байнал! Шагнахыншье аргагүйл! – гэлсэбэ.

Галадуудта 4:19

Үхибүүдни, амидаралтнай Христоосоор халин дүүрэхын тула би түрэжэ байһан эхэнэртэл адли зобоноб.

Тимофейдэ 1-дэхи 6:17

Баян хүнүүдэй зөөри зөөшөөрөө бүдүүрхэхэгүйень, иимэ мэтын найдабаригүй баялигта найдахагүйень захира, зүгөөр аяшаажа байха юумэ элбэг дэлбэгээр маанадта үршөөжэ байдаг амиды Бурханда найдажа байхыень заабаришалжа бай.

Иоаннай 1-дэхи хандалга 2:1

Үхибүүдни, саашадаа нүгэл шэбэл хэхэгүйнтнай тула би энээниие бэшэнэб. Хэрбээ хэн нэгэнэй нүгэл хээ һаа, Эсэгэ Бурханай урда маниие Хамгаалагша, үнэн сэдьхэлтэ Иисүүс Христоос бии.

Иоаннай 1-дэхи хандалга 4:4

Үхибүүд, таанар Бурханһаат, тиимэһээ худал хуурмаг лүндэншэдые диилээт, яахадааб гэбэл, таанарай досоо байдаг Бурхан газар дэлхэйдэ байдаг шолмосһоо ехэ юм.

Иоаннай 1-дэхи хандалга 5:21

Үхибүүд, өөһэдыгөө хуурмаг бурхадһаа һэргылжэ ябагты.

Гэршэлгэ 3:17

Юундэб гэхэдэ, „Би баяжааб, ехэ зөөритэй болооб, юугээршье дутанагүйб!“ – гэнэт. Теэд ямаршье зол хубигүй, үгытэй ядуу, баарһан, һохор балай, нюсэгэн болоод байһанаа мэдэнэгүйт!