Лука 9:16 - Библи

¹⁶ Иисүүс тэрэ табан монсогор хилээмэ, хоёр загаһа абаад, тэнгэри өөдэ шэртэн, Бурханда баяр баясхалан хүргөөд, хилээмэ загаһаяа хухалаад, зондо хубаахыень шабинартаа дамжуулба.

Шэнэ Хэлсээн

¹⁶ Иисус тэрэ табан монсогор хилээмэ, хоёр загаһа абаад, тэнгэри өөдэ шэртэн, Бурханда баяр баясхалан хүргөөд, хилээмэ загаһаяа хухалаад лэ, зондо хубаахыень шабинартаа дамжуулба.

Лука 9:16 Iomraidhean Croise

Матвей 14:19

Тэрэ улад зондо ногоон дээрэ һуухыень дурадхаба. Тиигээд табан хилээмэ, хоёр загаһа абажа, тэнгэри өөдэ шэртэн, Бурханда баяр баясхалан хүргэбэ. Удаань хилээмэ хухалжа, шабинартаа үгэбэ, тэдэнь улад зондо дам тарааба.

Матвей 15:36

Тиигээд байгаа долоон хилээмэ, загаһа абажа, Бурханда баяр баясхалан хүргэбэ, тэдэнииень хухалан, шабинартаа үгэбэ, шабинарынь улад зондо дам тараажа үгөө һэн.

Марк 7:34

Тиигээд огторгой өөдэ хаража, ехэтэ һанаа алдаад: – Эффата! (энэнь «Нээгдыш!» гэһэн удхатай) – гээд үнөөхи хүндөө хэлэбэ.

Лука 22:19

Иисүүс зүһэм хилээмэ абаад, Бурханда баяр баясхалан хүргөөд, хилээмэеэ хухалаад, шабинартаа хубаажа үгэхэ зуураа: – Энэ танай түлөө үргэл болохо бэемни гээшэ. Намайе дурсан энээние эдижэ байгаарайгты, – гэжэ хэлэбэ.

Лука 24:30

Тэдэнтэй хамта эдеэлхэеэ һуухадаа, Иисүүс хилээмэ гартаа абажа зальбараад, хухалжа нүгөө хоёртоо үгэбэ.

Лука 9:15

Тэдэнь бүхы зониие бүлэг бүлэгөөрнь таһалжа һуулгаба.

Лука 9:17

Хүнүүд булта эдеэлжэ садаа. Үлөөдэһыень суглуулхадань, арбан хоёр түрсүүг болоо һэн.

Иоанн 6:11

Иисүүс хилээмыень абаад, Бурханда баясхалан хүргэжэ, тэндэ һуугшадта хубаан үгэбэ. Мүн загаһыень баһал хүн бүхэндэ дураарнь хубаажа үгэбэ.

Иоанн 6:23

Тиихэдэ Тибериадаһаа зон хэдэн онгосонуудта һуугаад, Эзэнэй Бурханда баясхалан хүргэһэнэй һүүлдэ олошоруулагдаһан хилээмэ зоной эдиһэн газарта тамаран ерэбэ.

Хэрэгүүд 27:35

Иигэжэ хэлээд, Павел хилээмэ абажа, бултанай байхада Бурханда баясхалан хүргэн зальбаржа, хилээмэеэ хухалан эдижэ оробо.

Римэйхиндэ 14:6

Нэгэ үдэрые бусад үдэрнүүдтэ орходоо шухала тусхай гэжэ тоолодог хүн Эзэнэй алдарай ашада тиигэнэ. Ямаршье юумэ эдидэг хүн Эзэнэй алдарта эдинэ, тэрэ эдеэнэйгээ түлөө Бурханда баяр талархалаа хүргэнэ. Зарим юумэнүүдые эдидэггүй хүн Эзэнэй алдарта тиигэнэ, тэрэ хүн Бурханда баяр талархалаа хүргэдэг.

Коринфынхидтэ 1-дэхи 10:30

Хэрбээ үгтэһэн хоолой түлөө Бурханда баяраа хүргэбэлни, баяр хүргэһэн эдеэнэймни түлөө яахадаа намайе хүн шүүмжэлхэб?

Коринфынхидтэ 1-дэхи 11:24

Бурханда баяр баясхалан хүргөөд, хилээмэеэ хухалаад: «Энэ танай түлөө үргэл болохо бэемни гээшэ. Намайе дурсан энээниие эдижэ байгаарайгты», – гэжэ хэлээ.

1 Хаан түрэнүүд 9:13

Таанад хото руу оромсоороо үргэлэй газарта гарахынь, хоол барихынь урда тээ тэрээнтэй золгогты. Юуб гэхэдэ, тэрэнэй үргэл үреэхэеэ ерэтэр арад зон хоол барихагүй. Үргэлые тэрэнэй үреэһэнэй удаа уригдагшад хоол барижа эхилдэг. Тиимэһээ яарагты, мүнөө үшөө тэрэниие олохолта.