Лука 8:15 - Библи

¹⁵ Үрэжэлтэй газарта унаһан үрэһэн гээшэнь – номнол үгэнүүдые шагнажа, сэдьхэлдээ бүхөөр хадагалжа, тэсэбэритэй ябажа, аша үрэ асарагшад тухай хэлэгдэнэ.

Шэнэ Хэлсээн

¹⁵ Үрэжэлтэй газарта унаһан үрэһэн гээшэнь – номнол үгэнүүдые шагнажа, сэдьхэлдээ бүхөөр хадагалжа, тэсэбэритэй ябажа, аша үрэ асарагшад тухай хэлэгдэнэ.

Лука 8:15 Iomraidhean Croise

Псалманууд 51:10

Харин би хадаа Бурханай нангин үргөө соо һалбаран ургажа байгаа чидүүн модон мэтэб, Бурханай энэрэл хайрада хэтэ мүнхэдөө найданаб.

Һургаал 3:1

Хүбүүмни! Минии һургаалые бү марта, зүрхэншни минии заабари сахиха болтогой.

Ерэмияа 15:16

Танай үгөөр үл хоол хэжэ байгааб, үгэ бүхэнтнай намда баяр асардаг, зүрхэ сэдьхэлыем сэнгүүлдэг юм. Би дууһан Танайб, Түмэн Сэрэгтэ Эзэн Бурхан!

Ерэмияа 31:33

Тэдэ үдэрнүүдэй һүүлдэ Израилиин арадтай баталха хэлсээн иимэ: Өөрын хуулиие тэдэнэй һанал бодолдо хадуулгахаб, зүрхэ сэдьхэлдэнь бэшэхэб. Би тэдэнэй Бурхан, тэдэ Минии арад түмэн болохо.

Ерэмияа 32:29

гал табиха. Ондоо бурхадта мүргэжэ, Баалда зорюулан сан санзай бааюулан, Намайе сухалдуулһан тэдэ байшангуудтайнь хамта дайсад энэ хотые дууһан шатааха.

Матвей 24:13

Зүгөөр эсэстэнь хүрэтэр тэсэжэ гараһаниинь абарагдаха.

Лука 11:28

– Бурханай үгэ шагнаад, тэрэниие наринаар сахидаг хүнүүд үлүү ехэ жаргалтай! – гэжэ Иисүүс харюудань хэлэбэ.

Лука 6:45

Һайн хүн сэдьхэлэйнгээ үнэтэ баялиг сооһоо һайнииень гаргадаг, харин хара һанаатай хүн харата дорой сэдьхэлэйнгээ суглуулбариһаа мууень гаргадаг. Зүрхэ сэдьхэлдэ байһан юумэн хэлэнэй үзүүртэ гарадаг ха юм.

Лука 8:14

Үүргэнэ соо унаһан үрэһэн гээшэнь – номнол үгэнүүдые шагнабашье, урдынхидаал адли хубиингаа хэрэгтэ дашуурһаар, эд зөөриин барлаг болоһоор, бэеэ жаргуулха шуналда абтаһаар ямаршье аша үрэ асарангүй һалагшад тухай хэлэгдэнэ.

Лука 8:16

Зула аһаагаад, хэншье тэрэнээ амһартаар бүглэдэггүй, орон дороо табидаггүй, харин ороһон хүнэй гэрэлыень харахын тула табюур дээрэ табидаг.

Иоанн 14:15

– Хэрбээ таанар Намда дуратай һаа, Минии захяа заабариие дүүргэхэт.

Иоанн 15:10

Минии захяа заабариие сахин дүүргэжэ байбал, хайра дуран соомни оршожо байхат. Тон тиигэжэл Бишье Эсэгынгээ захяа заабариие сахин дүүргэжэ, хайра дуран соонь оршожо байдагби.

Римэйхиндэ 2:7

Һайн һайхан хэрэгүүдые бүтээжэ ябадаг, алдар соло, нэрэ түрэ, һүнэшэгүй ажамидарал бэдэржэ байдаг зондо Бурхан мүнхын амидарал үршөөхэ.

Римэйхиндэ 6:22

Мүнөө таанад нүгэл шэбэлһээ сүлөөлэгдөөд, Бурханай барлагууд болобот. Тэрэнэй үрэ дүндэнь таанад арюун гэгээн болобот, мүнхын амидаралда хүртэбэт.

Римэйхиндэ 7:18

Үлзы дэмбэрэлтэй юумэн зосоомни, бэе соомни оршоногүй гэжэ би мэдэнэб. Үлзы дэмбэрэлтэй юумэ бүтээхэ хүсэлтэй байдагшье һаа, үнэндөө бүтээжэ шададаггүй хүм.

Римэйхиндэ 7:4

Аха дүүнэрни, таанадай нүхэсэл тон тиимэ. Таанад мүнөө Христоосой бэеын эрхэтэн болоод, Хуулитай холбоогоо таһалбат. Мүнөө таанад Бурханда алба хэжэ аша туһатай байхын тула үхөөд амидырһан Христоосой хүнүүд болобот.

Римэйхиндэ 8:25

Харин хараагүй юумэндээ найдахадаа бидэ ехэл тэсэбэритэйгээр хүлеэдэгбди.

Коринфынхидтэ 1-дэхи 7:19

Отолуулһан байна гү, али отолуулаагүй гү, ямаршье илгаагүй, гансал Бурханай захяа заабаринуудые дүүргэжэ байһаниинь шухала юм.

Эфесэйхиндэ 2:8

Этигэл һүзэгэйтнай ашаар таанадые Бурханай үршөөл хайра абараа. Тиин тэрэ этигэл һүзэгтнай өөһэдһөөтнай бэшэ, харин Бурханай үршөөһэн бэлэг гээшэ.

Хуули дабталга 30:6

Эзэн Бурхантнай таанадые болон уг удамыетнай Өөр руунь зүрхэ сэдьхэлээрээ тэгүүлдэг болгохо, тиихэдэнь Эзэн Бурхандаа бүхы зүрхэ сэдьхэлээрээ дурлахат, иигэжэ амиды мэндэ үлэхэт.

Филиппынхидтэ 1:11

Хэһэн бүхы үйлэ хэрэгүүдтнай Иисүүс Христоосой нүлөөгөөр үнэндөө һайн һайхан байхал. Тиигэжэл Бурхан алдаршаха, Тэрээндэ магтаал соло дуудаха.

Колоссынхидтэ 1:10

Тиигэбэл таанад Эзэнэй хүсэһэн ёһоор ажамидаржа, Тэрээндэ һайшаагдаха юумые хэжэ байхат. Таанад дэмбэрэлтэй хэрэгүүдые бүтээжэ, Бурханиие бүрил һайн мэдэрдэг болохо һэнта.

Колоссынхидтэ 1:6

Һайн Мэдээсэл бүхы замби түбеэр һайнаар дэлгэржэ, үрэ дүн асаржа байна. Бурханай буян хэшэг тухай анха дуулаад, үнэн ушарынь мэдэхэдэтнай тэрэ таанадай дунда баһа һайнаар дэлгэржэ байгаа.

Еврейнүүдтэ 10:36

Бурханай эрхэ хүсэлые бэелүүлэн, найдуулһан юумыень абаха гэбэл, таанад тэсэбэритэй байха ёһотойт.

Еврейнүүдтэ 2:1

Тиимэһээ урасхалда абтахагүйн тула бидэ дуулажа абаһан юумэеэ хатуугаар сахижа байха ёһотойбди.

Яковай хандалга 1:4

Эрхим түгэс, алишье талаһаа болбосон, дутагдал эрэмдэггүй байхын тула таанад ямаршье юумые эсэс хүрэтэрнь тэсэжэ гараха ёһотойт.

Иоаннай 1-дэхи хандалга 2:3

Бурханай захяа заабариие сахидаг болоходоол, Бурханиие бидэ мэдэнэбди гэжэ лаб найдахабди.