Лука 4:25 - Библи

²⁵ Таанадта нэгэ иимэ ушар хөөрэһүү: лүндэншэ Элияагай ажамидарха үедэ Израильда олон бэлбэһэн эхэнэрнүүд байгаа, тиихэдэ гурбан жэл хахад хура бороо оронгүй, ехэ ган боложо, хүнүүд хаа хаанагүй айхабтар ехэ үлэсхэлэндэ нэрбэгдэһэн юм.

Шэнэ Хэлсээн

²⁵ Таанадта нэгэ иимэ ушар хөөрэһүү: лүндэншэ Илиягай ажамидарха үедэ Израильда олон бэлбэһэн эхэнэрнүүд байгаа, тиихэдэ гурбан жэл хахад хура бороо оронгүй, ехэ ган боложо, хүнүүд хаа хаанагүй айхабтар ехэ үлэсхэлэндэ нэрбэгдэһэн юм.

Лука 4:25 Iomraidhean Croise

3 Хаан түрэнүүд 17:1

Галаадтахи Тишбиигэй лүндэншэ Элияа Ахаабта иигэжэ хэлэбэ: – Минии зальбардаг Израилиин Эзэн Бурханай нэрээр тангаригланаб! Удаадахи хоёр жэлэй туршада шүүдэршье унахагүй, бороошье орохогүй. Гансал минии хэлэхэдэ орохо.

Исай 55:8

Эзэн иигэжэ айладана: Минии һанаа бодол таанадайхидал адли бэшэ, Минии харгы зам таанадһаа ондоо.

Матвей 20:15

Өөрынгөө мүнгэтэй би дуратай юумэеэ хэхэ эрхэтэй бэшэ гүб? Али минии гар бардам байһанда ши атаархахаяа һанаба гүш?»

Лука 10:21

Энэ үедэ Арюун Һүлдын Иисүүсые баяраар дүүргэхэдэ, Тэрэ: – Газар тэнгэриин Эзэн, Эсэгэмни! Сэсэн мэргэн, эрдэм номтой зонһоо далдалан нюуһан юумэеэ эгээлэй юрын зондо нээжэ элирүүлһэнэйтнай түлөө Танда баяр баясхалан хүргэнэб. Зүб даа, Эсэгэмни, Та иимэл юумэнэй болохые хүсэжэ байгаа ха юмта.

Римэйхиндэ 9:15

Тэрэ Моисейдэ: «Хэниие үршөөлдэ хүртөөхэ гэбэл, хүртөөхэб, хэниие хайрлаха гэбэл, хайрлахаб», – гэжэ хэлээ.

Римэйхиндэ 9:20

Ай, нүхэр, Бурханда үсэрхэжэ байхаар ши хэн гээшэбши? Бүтээлынь тэрэниие бүтээгшэдэ: «Юундэ намайе иигэжэ бүтээгээбта?» – гэжэ хэлэхэ аал?

Эфесэйхиндэ 1:11

Бурхан Өөрынгөө зорилгоор, заяаһан ёһоороо маанадые Христоостой нэгэдхүүлэн Өөрын арад болгон шэлэжэ абаа.

Эфесэйхиндэ 1:9

зориһон юумээ бүтээгээ, Христоосоор дамжан бүтээхэ гэжэ анханһаа шиидэһэн Өөрынгөө эрхэ мэдэлэй нюусые бидэндэ нээгээ.

Яковай хандалга 5:17

Элияа маанадтал адли хүн байгаад, бороо бү ороһой гэжэ ханалтайгаар зальбаран мүргөө, тиин бороо гурба хахад жэл соо ороогүй.

Гэршэлгэ 11:6

Тэдэ хоёрой Бурханай үгэ айладхажа байха бүхы үдэрнүүдтэнь хура бороогой орохогүйн тула тэдэндэ огторгойе хаажархиха эрхэ засаг үгтэхэ; уһа мүрэнүүдые шуһан болгожорхихо, газар дэлхэйдэ өөһэдынгөө дура зоргоор гай аюул тохёолдуулха эрхэ засаг үгтэхэ.