Лука 11:13 - Библи

¹³ Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэ гуйһан хүн бүхэндэ Арюун Һүлдэеэ бүришье дуратайгаар үршөөхэл!

Шэнэ Хэлсээн

¹³ Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэ гуйһан хүн бүхэндэ Нангин Һүлдэеэ бүришье дуратайгаар үршөөхэл!»

Лука 11:13 Iomraidhean Croise

Эхин 8:21

Эзэндэ энэ үнэр ехэ һайшаагдажа, Тэрэ иигэжэ шиидэбэ: – Саашадаа Би хүнэй түрэлхиин муу шанар, хара һанаанда голхорон, хүрьһэтэ газарта хараал шэнгээхэеэ болёоб. Дахин Би хэзээшье амиды амитадые иимэ аргаар усадхахагүйб.

Псалманууд 51:5

Ши муу муухайда һайн юумэнһээ үлүү дуратайш, үнэнһөө шамда худал хуурмаг дээрэ! [Хүгжэм]

Һургаал 1:23

Анхарагты, минии зэмэлэл шагнагты, би таанарта сэсэн ухаанай һүр һүлдэһөө дуһаан хүртөөхэм, тиин хэлэхэ үгэеэ хэлэхэм.

Исай 49:15

Тиихэдэнь Эзэн иигэжэ харюусана: Эхэ хүн хүхүүлһэн хүүгэдээ мартажа шадаха гү? Түрэһэн үхибүүгээ хайрлангүй байжа шадаха гү? Мартабашье гэлэй, харин Би таанадые хэзээдэшье мартахагүйб!

Эзэкээл 36:27

Өөрын һүнэһэ таанад руу оруулжа, таанадые Өөрын хуули, зарлигуудые сахигшад болгохоб.

Ёһээл 2:28

Би Өөрын Һүлдөөрөө хүн бүхэниие нэбтэрүүлхэб. Таанадай хүбүүд басагад зүн бэлиг мэдэдэг болохо, үбгэд хүгшэдтнай зүүдэ зүүдэлхэ, залуушуултнай үзэгдэл үзэжэ захалха.

Матвей 5:16

Энээндэл адляар танай гэрэл туяа улад зоной урда гэрэлтэжэ байхань болтогой, тиигэбэл дэмбэрэлтэ һайхан хэрэгүүдыетнай зон хараад, тэнгэридэхи Эсэгэдэтнай магтаал соло дуудахал.

Матвей 5:45

Тиигээ һаа, огторгойдо байгша Эсэгэдээл адли бэеэ абажа ябадаг болохот. Юундэб гэбэл, Эсэгэтнай өөрынгөө муушуулдашье, һайшуулдашье нара гэрэлтүүлнэ, мүн зүбтэндэшье, буруутандашье хура бороо оруулна.

Матвей 6:14

Хэрбээ ондоо хүнүүдэй танда хэһэн муу юумэнүүдые хүлисэжэ байбалтнай, тэнгэридэ оршодог Эсэгэтнайшье таниие хүлисэхэл.

Матвей 6:30

Мүнөөдэр эндэ ургажа байгаад, үглөөдэрынь, магад, галда шатаагдажашье болохо хээрэ ургаһан алишье ногоое Бурхан үзэсхэлэнтэ гоёор шэмэглэдэг юм. Харин таанадые Бурхан тэрэ ногоонһоо һураггүй ехээр анхараа бэзэ, этигэл багатан!

Матвей 6:32

Юундэб гэбэл, Бурханиие мэдэхэгүй хүнүүд лэ иимэ асуултануудаар һанал бодолоо бүрин эзэлүүлдэг гээшэ. Эдэ бүгэдэ юумэнүүдэй таанадта хэрэгтэй байһые Огторгойн Эсэгэтнай һайн мэдэжэ байна бшуу.

Матвей 7:11

Хэрбээ нүгэл шэбэлтэй таанадай үхибүүдтээ һайн юумэ үгэжэ шададаг байхадатнай, Огторгойн Эсэгэтнай эрижэ байһан хүндэ бүришье бэлэнээр һайн һайханиие үршөөхэ бэшэ аал?

Лука 11:12

Үгышье һаа, хүбүүнэйнгээ үндэгэ эрихэдэ, тэрээндээ хорото абаахай үгэхэ эсэгэ байха аал?

Лука 11:2

Иисүүс шабинартаа хэлэбэ: – Бурхандаа иигэжэ мүргэгты: Эсэгэмнай! Нангин нэрэтнай алдаршахань болтогой. Хаан түрэтнай мандахань болтогой,

Лука 18:7

Тэрэнэй тиигэжэ байхадань, Бурхан шэлэжэ абаһан зонойгоо үдэр һүнигүй туһаламжа гуйхадань, бүришье һайнаар харгалзаха хамгаалха бэшэ гү? Тэдэндээ анхаралаа табиха бэшэ гү?

Иоанн 4:10

– Бурханай юу үршөөдэгые, шамһаа уһа эриһэн хүнэй Хэн байһые мэдэжэ байгаа һаа, ши өөрөө Тэрэниие гуйха бэлэйш, тиихэдэшни Тэрэ шамда амидаралта уһа үгэхэ һэн, – гэжэ Иисүүс харюусаба.

Хэрэгүүд 2:38

– Нүгэл хэхэеэ болигты. Нүгэлыетнай Бурханай хүлисэхын тула хүн бүхэн Иисүүс Христоосой нэрэ алдараар уһаар арюудхуулаг. Тиихэдээ таанад Бурханай үршөөһэн Арюун Һүлдэдэ хүртэхэт.

Римэйхиндэ 5:17

Ганса хүнэй нүгэлөөр дамжан, тэрэ ганса хүнһөө боложо, үхэл захиржа байгаа. Гэхэтэй сасуу ганса хүнэй, Иисүүс Христоосой бүтээһэн үрэ дүн бүришье агууехэ юм. Бурханай элбэг үршөөл бэлэгээр үнэн зүб болоһон хүн бүхэн Иисүүс Христоосой ашаар ажамидаржа, захиржа байха.

Римэйхиндэ 7:18

Үлзы дэмбэрэлтэй юумэн зосоомни, бэе соомни оршоногүй гэжэ би мэдэнэб. Үлзы дэмбэрэлтэй юумэ бүтээхэ хүсэлтэй байдагшье һаа, үнэндөө бүтээжэ шададаггүй хүм.

Римэйхиндэ 8:32

Бурхан Өөрын Хүбүүниие хайрлангүй, бидэнэй бултанаймнай түлөө үргөө. Бурхан маанадта Хүбүүгээ үгэжэ байхадаа, бусадшье бүхы юумэнүүдээ элбэгээр үгэхэ бэшэ гү?

Тидтэ 3:3

Бидэшье өөһэдөө урдань баһал тэнэг, үгэ дууладаггүй, эндүүржэ ябадаг һэмди. Ташаяан хүсэлэнгүүдэй болон элдэб янзын сэдьхэлээ ханалгын мэдэлдэ байгаабди. Бидэ атаархалдан, хара һанаатайгаар амидардаг, бэе бэеэ үзэн ядадаг һэмди.