Лука 1:8 - Библи

^8-9 Нэгэтэ Захарияа санаартанай Бурханда алба хэхэ уялгата үдэрэй ерэхэдэ, тэрээндэ жээрэбээр Эзэнэй Һүмэ соо орожо, сан табиха ехэ үршөөл тудаба.

Шэнэ Хэлсээн

^8-9 Нэгэтэ Захария санаартанай Бурханда алба хэхэ уялгата үдэрэй ерэхэдэ, тэрээндэ жээрэбээр Эзэн Бурханай Һүмэ соо орожо, сан табиха ехэ үршөөл тудаба.

Лука 1:8 Iomraidhean Croise

1 Угай бэшэг 24:19

Израилиин Бурханай, Эзэнэй тэрээндэ захиһан заабариин ёһоор тэдэнэй эсэгэ Аһарооноор дамжуулгын гуримаар Эзэнэй гэртэ ерээд, албаяа эрхилхэ гуримынь иимэ юм.

1 Угай бэшэг 24:2

Надааб Абиһуу хоёр эсэгэһээ урид наһа бараһан юм, тэдэнэр хүбүүгүй байгаа; тиимэһээ Эльазаар Итамаар хоёр санаартанай уялгануудые дүүргээ.

2 Угай бэшэг 11:14

Юуб гэбэл, Еробоһаам болон хүбүүдынь Эзэнэй санаартад байхаһаань тэдэниие болюулһан байгаа. Тиихэдэнь тэдэ левидүүд өөһэдын хото байра орхижо, Иуда руу, Иерусалим руу, ерээ һэн.

2 Угай бэшэг 31:19

Хото бүхэндэ тусхай зон табигдажа, хото соо, мүн хажуугаарнь оршодог һууринуудта ажаһуугша Аһарооной угай эрэ зондо, мүн левидүүдэй данса соо бэшүүлэгдэнхэй зондо газар хубаарилжа үгэдэг байгаа.

2 Угай бэшэг 31:2

Хэзэкияа санаартадые болон левидүүдые уялгануудайнь ёһоор хубаарилжа, түгэс шатаалта болон амгалан байдалай үргэлнүүдые үргэхэ ажалда, Эзэндэ магтаал үргэхэ, алдар соло дуудаха хэрэгтэ, мүн Эзэнэй Һүмын үүдэнүүдэй хажууда табиба.

2 Угай бэшэг 8:14

Давид эсэгынгээ захиралта дүүргэн, санаартадай үдэр бүриин ажал, санаартадта туһалдаг левидүүдэй Бурханиие магтан дуулаха ажалаа жэншэдгүй ябуулхаар гурим Соломоон эмхидхэбэ. Һүмын хашаа бүхэндэ харуул тэрэ табюулаа. Бурханай хүн болохо Давид эсэгынь захяа тиимэ байгаа юм.

Эзраа 6:18

Моисейн ном соо бэшэгдэһэнэй ёһоор, Иерусалимай Һүмэдэ алба хэхэ санаартадые зэргэ зэргээрнь, левидүүдые зиндаа зиндаагаарнь томилбод.

Египедһээ гаралга 28:1

Израилиин үри һадаһад сооһоо шинии аха Аһароониие хүбүүдтэйнь дуудажа асара. Аһароон болон тэрэнэй хүбүүд Надааб, Абиһуу, Эльазаар ба Итамаар Минии санаартад болохо табилантай.

Египедһээ гаралга 28:41

Аһароон ахадаа, хүбүүдтэнь эдэ хубсаһа хунар үмдэхүүлэ. Аһарооной болон хүбүүдэйнь магнайда оливын тоһо түрхи, санаартан болгохо ёһолол бүтээ, арюудха. Тэдэ Минии санаартад болохо.

Египедһээ гаралга 29:1

Минии санаартад болохынь тулада хайшан гэжэ арюудхаха болоноб? Гэмтэлгүй буха, хоёр хуса шэлэжэ аба.

Египедһээ гаралга 29:44

Майхан һүмые болон үргэлэй шэрээ нангин болгохоб. Аһароон болон тэрэнэй хүбүүдые адислажа, Минии санаартад болгохоб.

Египедһээ гаралга 29:9

Аһароондо болон хүбүүдтэнь бүһэ бүһэлжэ, толгойдонь боолтонуудые боохош. Санаартын нэрэ зэргэ Аһароон ба тэрэнэй хүбүүдтэ хэтэдээ үгтэхэ, тэдээндэ зорюулагдаһан ёһолол ши үнгэргэхэ болонош.

Египедһээ гаралга 30:30

Минии санаартад болохынь тулада Аһарооной, тэрэнэй хүбүүдэй магнайда түрхин арюудхахаш!

Тоололго 18:7

Гэбэшье ши, Аһароон, шинии үринэр гансал санаартын ажал хэхэт. Гансал таанад хүшэгын саана ородог, гансал таанад үргэлэй шэрээдэ дүтэлдэг байха ёһотойт. Санаартын нангин албые шамда Би бэлэг болгон үгэнэб. Шамһаа ондоо хэн нэгэн Нангинай Нангин таһалгада ороо һаа, шархияа хатааха тэрэ дары!

Лука 1:5

Иудейн орон нютагые Ирод хаанай зонхилжо байхада Захарияа ба Елизавета гэжэ нэрэтэй үбгэ һамга хоёр ажаһуугаа: үбгэниинь Абияа бүлэгэй санаартан, тиин һамганиинь Аарон гэжэ ахамад санаартанай үри һадаһан мүн байгаа.

Лука 1:7

Елизавета һамганиинь анханай үригүй байжа, тэдэ хоёр үндэр наһа наһалтараа үхибүүгүй байгаа.