Лука 1:7 - Библи

⁷ Елизавета һамганиинь анханай үригүй байжа, тэдэ хоёр үндэр наһа наһалтараа үхибүүгүй байгаа.

Шэнэ Хэлсээн

⁷ Елизавета һамганиинь анханай үригүй байжа, тэдэ хоёр үндэр наһа наһалтараа үхибүүгүй байгаа.

Лука 1:7 Iomraidhean Croise

Эхин 17:17

Абраһаам урдань һүгэдэн мүргэн унабашье, үнэншэжэ ядангяар бүтүү энеэсэгээгээд, досоогоо бодобо: «Зуу наһатай би хүүгэдтэй болохо юм аалби? Ерэ хүрэһэн Сарра түрэжэ шадаха юм гү?»

Эхин 18:11

Абраһаам Сарра хоёр тиихэдэ үтэлһэн, Саррын эхэнэрэй һарынхиншье гарахаяа болинхой һэн.

Эхин 25:21

Рэбээккаагай үхи хүүгэдтэй болодоггүй ушарһаа Исаак Эзэн Бурханда һамган тухайгаа зальбаран гуйба. Тиихэдэнь Эзэн Бурхан мүргэлыень анхаржа, Рэбээккаа хээлитэй болобо.

Эхин 30:1

Харин Рахээл Яковһаа үхибүүтэй боложо шадахагүй байһанаа хараад, эгэшэдээ атаархан, Яковта иигэжэ хэлэбэ: – Намда хүүгэдые үгөөгүй һааш, би үхэхэм.

3 Хаан түрэнүүд 1:1

Давид хаан үндэр наһатай үбгэн болобо. Тэрэниие хэдэн дабхар хүнжэлөөр хушабашье, дулаасахаяа болёо бэлэй.

4 Хаан түрэнүүд 4:14

Элишаа Гэһаазиһаа иигэжэ һураба: – Бидэ энэ эхэнэртэ ямар туһа хүргэжэ шадахабибди? – Энэ эхэнэр үхибүүгүй, үбгэниинь үбгэршэнхэй, – гэжэ Гэһаази хэлэбэ.

Лука 1:5

Иудейн орон нютагые Ирод хаанай зонхилжо байхада Захарияа ба Елизавета гэжэ нэрэтэй үбгэ һамга хоёр ажаһуугаа: үбгэниинь Абияа бүлэгэй санаартан, тиин һамганиинь Аарон гэжэ ахамад санаартанай үри һадаһан мүн байгаа.

Лука 1:6

Тэдэ хоюулан Бурханай хүсэл бодото дээрэнь бэелүүлэн, Хуулиин захяа заабаринуудые жэншэдгүй һайханаар сахидаг һэн.

Лука 1:8

Нэгэтэ Захарияа санаартанай Бурханда алба хэхэ уялгата үдэрэй ерэхэдэ, тэрээндэ жээрэбээр Эзэнэй Һүмэ соо орожо, сан табиха ехэ үршөөл тудаба.

Римэйхиндэ 4:19

Тэрэ үедэ Абраһаам зуун наһа шахажа байгаа, зүгөөр үхэхын наана болоһон бэе тухайгаа, үри хүүгэдые түрэхэ сагайнь үнгэрһэн Сарра тухайгаа бодоходоо, тэрэнэй этигэл һүзэгынь һулараагүй.

Еврейнүүдтэ 11:11

Абраһаамай ехэ наһатай болоод, Саррын үхибүү түрэдэггүй байһаншье хада, тэдэнэр этигэл һүзэгөөрөө үхибүүтэй болоо. Бурхан найдуулһанаа бэелүүлхэ гэжэ Абраһаам ехэ этигэжэ байгаа.

1 Хаан түрэнүүд 1:2

Тэрэ хоёр һамгатай байгаа: нэгэнь Ханнаа, нүгөөдэхинь Пэниннаа гэжэ нэрэтэйнүүд бэлэй. Пэниннаа үхи хүүгэдтэй, харин Ханнаа хүүгэдгүй һэн.