Левит 9:23 - Библи

²³ Тиигээд Моисей Аһароон хоёр майхан һүмэ руу орожо, тэндэһээ гараад, арад зоноо адислаба. Тиихэдэнь Эзэнэй Алдар соло хамаг зондо үзэгдэбэ.

Левит 9:23 Iomraidhean Croise

2 Угай бэшэг 7:1

Соломооной зальбаран мүргэжэ дүүргэхэдэ, огторгойһоо гал дүлэн зуралзаад, түгэс шатаалта үргэлые болон бусад үргэлнүүдые бултыень шатаан үрэбхижэрхибэ. Эзэнэй алдар соло Һүмые дүүргэбэ.

Египедһээ гаралга 16:10

Эдэ үгэнүүдые Аһарооной Израилиин зондо дамжуулхадань, тэдэ губи тээшэ харасаа шэглүүлбэ. Тэндэхи зэрэлгээтэ огторгойдо Эзэнэй һүр һүлдэ үүлэн түхэлөөр үзэгдөө һэн.

Египедһээ гаралга 39:43

Моисей ябажа хараба, Эзэнэй захирһанай ёһоор нарин хэгдэһэн байба. Моисей тэдэниие адислан үреэбэ.

Левит 9:4

Эзэнэй урда амгалан байдалай түлөө үргэл хэхын тула нэгэ хашараг, нэгэ эрэ түлгэ, тиигээд оливын тоһотой холигдоһон талхан үргэлые асарагты. Юундэб гэхэдэ, мүнөөдэр танда Эзэн үзэгдэхэ!

Левит 9:6

Тиигээд Моисей тэдээндэ хандаба: – Өөрынгөө Алдар соло танда үзүүлхын тула Эзэнэй юу хэхыетнай таанадта захиһаниинь энэ болоно.

Тоололго 14:10

Теэд арад зон «Тэдээниие шулуудажа алая!» гэжэ хашхаралдажа байтараа, майхан һүмын дээрэ Эзэнэй ялбама гэрэл бахана харабад.

Тоололго 16:19

Коорах бүхы арад зоноо Моисей Аһароон хоёрой урдаһаа харуулан, майхан һүмын үүдэнэй урда суглуулба. Тэндэ байһан хүн бүхэн Эзэнэй ялбама гэрэл харажархиба!

Тоололго 16:42

Арад зоной тэндэ сугларжа, буһалгаа хэгшэдые дэмжэхэдэнь, Моисей Аһароон хоёр майхан һүмэ тээшэ эрьелдэн хараба. Одоо тэндэ майхан һүмые үүлэн бүрхөөн хушаад байба. Тэрэ үүлэнһээ Эзэнэй һаруул гэрэл туяаржа эхилбэ.