Левит 8:23 - Библи

²³ Тэрэниие гаргаһанай хойно Моисей шуһанһаань абаад, Аһарооной баруун шэхэнэй омогто, тиигээд баруун гарайнь эрхыдэ ба баруун хүлэйнь эрхыдэ түрхибэ.

Левит 8:23 Iomraidhean Croise

Египедһээ гаралга 29:20

Хониёо алаад, шуһыень Аһарооной ба тэрэнэй хүбүүдэй баруун шэхэнэй омогто, баруун гарайнь эрхыдэ, баруун хүлэйнь эрхыдэ түрхихэш. Мүн үргэлэй шэрээ дээрэ тойруулан шуһанһаа сүршэхэш.

Египедһээ гаралга 29:21

Удаань шэрээ дээрэһээ шуһа ба оливын тоһо абажа, Аһароондо, хубсаһандань сүршэхэш, хүбүүдтэнь, хубсаһандань мүн лэ сүршэхэш. Тиигэжэ Аһароониие хүбүүдтэйнь, тэдэнэй хубсаһые арюудхаха болонош.

Левит 14:14

Мүн тэрэшэлэн санаарта гарза харюулгын үргэлэй шуһанһаа абаад, арюудхагдажа байһан хүнэй баруун шэхэнэйнь үзүүртэ, баруун гарайнь эрхыдэ, тиигээд баруун хүлэйнь эрхыдэ түрхихэ ёһотой.

Левит 14:17

Санаарта гарайнгаа альган дээрэхи үлэһэн тоһонһоо арюудхагдагша хүнэй баруун шэхэнэйнь үзүүртэ, баруун гарайнь эрхыдэ ба баруун хүлэйнь эрхыдэ: гарза харюулгын үргэлэй шуһа түрхиһэн газарнуудтань түрхихэ ёһотой.

Левит 14:25

Тиигээд гарза харюулгын үргэл болохо хурьга гаргаад, санаарта гарза харюулгын үргэлэй шуһанһаа абаад, арюудхагдажа байһан хүнэй баруун шэхэнэйнь үзүүртэ, баруун гарайнь эрхыдэ, тиигээд баруун хүлэйнь эрхыдэ түрхихэ ёһотой.

Левит 14:28

Тиигээд санаарта альган дээрэхи тоһонһоо арюудхагдагша хүнэй баруун шэхэнэйнь үзүүртэ, баруун гарайнь эрхыдэ, баруун хүлэйнь эрхыдэ: гарза харюулгын үргэлэй шуһа түрхиһэн газарнуудтань түрхихэ ёһотой.

Левит 7:37

Эдэ хадаа түгэс шатаалта, талхан, нүгэл сагааруулгын, гарза харюулгын, һахил хүртөөлгын, амгалан байдалай түлөө үргэлнүүдэй хуулинууд мүн.

Римэйхиндэ 12:1

Зай, аха дүүнэрни, Бурханай үршөөл хайраар өөһэдыгөө арюун сэбэр, таатай, амиды үргэл болгон Бурханда асарагты гэжэ гуйнаб. Тиигэбэл, тэрэтнай танай бодото алба болохо.

Римэйхиндэ 6:13

Бэеынгээ алишье эрхэтэниие нүгэлдэ хүтэлхэ хуурмаг ябадалай зэбсэг бү болгогты. Зүгөөр үхөөд амидырһан зондол адляар өөһэдыгөө Бурханда зорюулан, бэеынгээ алишье эрхэтэниие Бурханай хэрэглэхэ зүб ябадалай зэбсэг болгогты.

Римэйхиндэ 6:19

Таанадай үшөөл гүйсэд болбосороогүй хадатнай би юрын жэшээнүүдые хэрэглэнэб. Урдань таанад бузар муухай юумэнүүдые үйлэдэхэ зорилготойгоор бэеынгээ эрхэтэнүүдые нүгэлэй барлаг болгоһон байгаат. Харин мүнөө бэеынгээ бүхы эрхэтэнүүдые үлзытэй хэрэгүүдые бүтээжэ байхаарнь зүб юумэнэй барлагууд болгогты.

Коринфынхидтэ 1-дэхи 1:30

Юуб гэбэл, Бурхан лэ таанадые Христоос Иисүүстэй нэгэдүүлээ, Христоосые манай сэсэн ухаан болгоо. Христоосой ашаар бидэ үнэн сэдьхэлтэнгүүд, Бурханай нангин хүнүүд, сүлөөтэй хүнүүд болообди.

Коринфынхидтэ 1-дэхи 6:20

Бурхан таанадые үнэтэй сэнгээр худалдажа абаа. Тиимэһээ бэеэрээ Бурханиие алдаршуулжа байгты.

Филиппынхидтэ 1:20

Үүргэеэ дүүргэхэдээ, эшэхэ улайхаар юумэ хэхэгүйб, харин хэтын хэтэдэ, илангаяа энэ сагта зоригтой байхаб, тиин ямаршье юумэ хэхэдээ, амиды байна гүб, али үхэхэ гүб, илгаагүй, Христоосые алдаршуулхаб гэжэ бүхы һанал бодолоороо хүсэжэ, найдажа байнаб.

Филиппынхидтэ 2:17

Танай этигэл һүзэгтнай, албантнай Бурханда үргэгдэһэн үргэлдэ адли юм. Тэрэ үргэлтэйтнай хамта миниишье шуһан үргэл болон адхарха ёһотой байжа магадгүй. Тиигэбэл би та бүхэнтэй хамта баярлажа байнаб.

Фессалоникиинхидтэ 1-дэхи 5:22

Элдэб гэмтэ ябадалнуудые хэнгүй байхые хэшээгты.

Еврейнүүдтэ 2:10

Бурхан бүхы юумэ бүтээгөө, бүхы юумэн Тэрэнэй тула оршодог. Тэрэ олон үхибүүдые алдар солодоо хүртөөхэ һанаатай байгаа. Тиимэһээ хүнүүдые абаралгада Хүтэлэгшэ Иисүүсые Бурхан зоболон дабуулаад, эрхим түгэс болгоо.

Еврейнүүдтэ 5:8

Бурханай Хүбүүншье һаа, зоболонгуудые дабан, Тэрэ Бурханай мэдэлдэ байжа һураа.