Левит 5:7 - Библи

⁷ Хэрбээ хони асарха шадалгүй байгаа һаа, нүгэлэйнгөө түлөө хоёр эмэ гү, али хоёр эрэ тагтаа шубуу асараг: нэгыень – нүгэл сагааруулгын үргэл гээд, нүгөөдынь – түгэс шатаалта үргэлдэ.

Левит 5:7 Iomraidhean Croise

Левит 12:6

Арюудхалгын хоног хүсөөгөөд, тэрэ эхэнэр хүбүүнэйнгээ гү, али басаганайнгаа түлөө хурьга түгэс шатаалта үргэл болгон, залуу тагтаа шубуу гү, али түүтэй шубуу нүгэл сагааруулгын үргэл болгон, майхан һүмын үүдэндэ санаартада асаржа үгэхэ ёһотой.

Левит 12:8

Хэрбээ нарайлһан эхэнэр хурьга асарха шадалгүй байгаа һаа, хоёр залуу тагтаа шубуу гү, али хоёр түүтэй шубуу, нэгыень түгэс шатаалта үргэл болгон, нүгөөдыень нүгэл сагааруулгын үргэл болгон асараг. Санаартын арюудхалга хэхэдэнь, тэрэ үдэрһөө хойшо нарайлһан эхэнэр арюун сэбэр гэжэ тоологдохо.

Левит 14:30

Тэрэ арюудхагдагша хүнэй шадалаараа хүргэһэнһөөнь нэгэ түүтэй шубуу гү, али нэгэ тагтаа шубуу асарха ёһотой.

Левит 14:31

Тэрэнэй хабаараа хүргэһэнһөөнь нэгыень нүгэл сагааруулгын үргэл болгон, нүгөөдыень түгэс шатаалта үргэл болгон талхан үргэлтэй сугтань үргэжэ, санаарта арюудхагдагшые Эзэнэй үмэнэ арюудхаха ёһотой.

Левит 15:30

Санаарта тэрэ шубуудай нэгыень нүгэл сагааруулгын үргэл болгон үргэхэ, нүгөөдыень түгэс шатаалта үргэл болгон үргэхэ. Тиигээд санаарта эхэнэрэй һарынхиин гоожожо бузарлуулһан юумэнһээнь Эзэнэй үмэнэ арюудхаха.

Левит 16:5

Бүхы израильшуудай нэрэһээ нүгэл сагааруулгын үргэлдэ хоёр тэхэ абаг, нэгэ хуса түгэс шатаалта үргэлдэ зорюулжа абаг.

Левит 27:8

Хэрбээ шинии сэнгээр үгэхэ шадалгүй, үгытэй байгаа һаань, тэрэ хүниие санаартада абааша, санаарта өөрөө сэн үгэхэ бэзэ. Тангариг үгэһэн хүнэй шадал зэргэ санаарта харалсана бэзэ.

Левит 5:11

Хэрбээ хоёр эмэ гү, али хоёр эрэ тагтаа шубуу асарха шадалгүй байгаа һаань, нүгэл сагааруулгын үргэл гэжэ эфаагай арбанай нэгэ хуби шэниисын гурил асараг. Тэрээн дээрээ оливын тоһо бү адхаг, гүгэл бү хэг, юундэб гэхэдэ, энэ хадаа нүгэл сагааруулгын үргэл гээшэ.

Левит 7:1

Энэ хадаа гарза харюулгын үргэлэй ёһо гурим гээшэ. Энэ болбол нангинай нангин зүйл мүн.

Левит 9:3

Тиигээд израильшуудта хэлэ: «Нүгэл сагааруулгын үргэл болохо нэгэ эрэ ямаа, түгэс шатаалта үргэл болохо нэгэ тугал, нэгэ хурьга абагты».

Тоололго 5:6

– Израильшуудта иигэжэ хэлэ: Хэрбэеэ эрэ гү, али эхэнэрэй ямар нэгэ муу юумэ хүндэ хэбэлнь, энэнь Эзэндэ нүгэл хэһэнтэй адли болохо һэн тула гэмтэ ябадалай зэмэдэ ороходоо,

Тоололго 6:10

Наймадахи үдэр Эзэндэ өөрыгөө зорюулагша хоёр зэрлиг гү, али тэжээмэл хоёр залуу гулабхаа абаад, санаартада асаржа, Уулзалгын майхан һүмын үүдэндэ үгэг.

Тоололго 6:11

Санаарта тэдэ шубуудайнь нэгые нүгэл сагааруулгын, нүгөөдыень түгэс шатаалта үргэл болгон тахилай шэрээ дээрэ табижа, үхэгшэһөө бузарлаһан тэрэнэй бэеые сэбэрлэн, толгойень арюудхаг.

Матвей 10:16

Һүрэг шононууд руу хонидые тууһан мэтээр Би таанадые эльгээнэб. Тиимэһээ таанар могой мэтэ сэсэн, гулабхаа мэтэ эгээлэй даруу байгты.

Матвей 21:12

Иисүүс Һүмэ ошожо, тэндэ хонжоо наймаа хэгшэдые, юумэ худалдажа абагшадые бултыень намнажа гаргаба. Мүнгэ һолигшодой шэрээнүүдые, гулабхаа худалдагшадай һандалинуудые хүмэрюулбэ.

Матвей 3:16

Уһаар арюудхууламсаараа Иисүүс уһанһаа гараба. Тиихэдэнь Тэрээндэ огторгой сэлигдэн нээгдэбэ, гулабхаагай дүрсэтэйгөөр Бурханай Һүлдын дээрэнь буухые Тэрэ хараба.

Коринфынхидтэ 2-дохи 8:12

Туһалхые аргагүй хүсэжэ байбал, өөһэдтөө байхагүй юумэнһээ бэшэ, харин байһан юумэнһээ үгэхэт гэжэ Бурхан хүлеэнэ ха юм.