Левит 5:13 - Библи

¹³ Тиигээд санаарта али нэгэ нүгэл хэһыень арюудхаха. Тиигэжэ үршөөл хайра олгогдохо. Талхан үргэл мэтээр санаартада хүртэн үгтэхэ.

Левит 5:13 Iomraidhean Croise

Һошээ 4:8

Арадайм нүгэл шэбэл үйлэдэхэдэ, тэдэ баяжажа байна. Бүри ехээр нүгэл хэг лэ гээд тэдэ сэдьхэнэ.

Левит 2:10

Талхан үргэлэй үлэгдэл хадаа Аһароондо ба тэрэнэй хүбүүдтэ хүртэхэ ёһотой: энэ хадаа Эзэнэй үргэлнүүдһээ абтаһан нангинай нангиниинь гээшэ.

Левит 2:3

Талхан үргэлэй үлэгдэл хадаа Аһароондо ба тэрээнэй хүбүүдтэ хүртэхэ ёһотой. Энэ хадаа нангин, юуб гэхэдэ, Эзэндэ үргэһэн үргэлнүүдһээ абтаһан мүн.

Левит 4:20

Нүгэл сагааруулгын үргэлдэ үргэһэн буруунтай юу хэдэг бэ, тэрээнииень бүтээхэ. Иигэжэ санаартын арюудхан бүтээхэдэнь, нүгэл хилэнсэнь арилгагдаха.

Левит 4:26

Амгалан байдалай түлөө үргэһэн үргэл шэнгеэр, бүхы өөхыень үргэлэй шэрээ дээрэ шатааг. Иигээд санаарта нүгэл хилэнсыень арюудхаад, тэрээндэ хүлисэл үршөөгдэхэ.

Левит 4:31

Амгалан байдалай түлөө үргэһэн үргэлдэл адляар бүхы өөхыень илгаад, санаарта үргэлэй шэрээ дээрэ галдажа, Эзэндэ таатай һайхан, үргэлэй хуншуу үнэр гаргаха. Иигэжэ тэрээниие санаарта арюудхаад, тэрээндэ хүлисэл үршөөгдэхэ.

Левит 5:10

Нүгөөдыень номын ёһоор түгэс шатаалта үргэлдэ зорюулха. Тиигээд санаарта хэһэн нүгэлыень арюудхаад, тэрээндэ хүлисэл үршөөгдэхэ.

Левит 5:12

Тэрээнээ санаартада асархадань, тэрэнь дүүрэн адха гурил абаад, үргэлэй тэмдэг хуби гээд, Эзэндэ зорюулһан бэлэгүүдтэй хамта үргэлэй шэрээ дээрэ шатааха. Энэ хадаа нүгэл сагааруулгын үргэл болоно.

Левит 5:14

Эзэн Моисейдэ үгүүлбэ:

Левит 5:16

Ямар нэгэн нангин зүйлдэ гарза хохидол ушаруулбал, сэнгыень бусааха ёһотой, мүн үшөө дээрэнь үнэ сэнгэйнь табадахи хубиие нэмэжэ, санаартада бариг. Санаарта хэһэн гэмыень хусаар сагааруулха, тиигээд тэрэнэй гэм зэм хүлисэгдэхэ.

Левит 5:4

Хэрбээ али нэгэн ама алдажа, ямаршье бодолгүйгөөр алибаа муу, һайншье хэрэгэй түлөө тангариг үгөөд, ойлгомторгүй ябаад, һүүлдэнь мэдээ һаа, тэрэ хүн гэмтэй болохо.

Левит 5:5

Хэрбээ хэн нэгэн эдэ олон гэмүүдэй али нэгэндэнь гэмтэй байгаад, нүгэлөө мэдэрээ һаа,

Левит 5:6

нүгэл хэһэнэйнгээ түлөө Эзэндэ жэжэ малһаа хони гү, али ямаа асараад, нүгэл сагааруулгын үргэл үргэг. Санаарта нүгэлыень арюудхаха.

Левит 7:6

Бүхы санаарта эрэшүүл энээниие эдихэ эрхэтэй. Эдихэдээ, нангин газарта эдихэ ёһотой: энэ хадаа аргагүй ехэ нангин шүтөөн мүн.

Коринфынхидтэ 1-дэхи 9:13

Һүмэдэ алба хэгшэдэй Һүмэһөө эдеэ хоолоо олодогые, тиин тахилай газарта ажаллагшадай тахилай юумэнһээ хубаалсажа абадагые таанад мэдэхэгүй аалта?

1 Хаан түрэнүүд 2:28

Минии санаартан боложо, Минии үргэлэй шэрээдэ үндэрлэн гаража, санзай ууюулжа, Минии урда эфод үмдэн ябахынь тула Би Израилиин бүхы обогуудһаа тэдэниие шэлэн абаа бэшэ аалби? Израилиин зоной галаар үргэдэг бүхы үргэлнүүдһээ хуби абажа байхыень Би эсэгыншни гэр бүлэдэ зүбшөөгөө бэшэ аалби?