Левит 21:7 - Библи

⁷ Тэдэ һалихай эхэнэртэй, нэрээ хухарһан эхэнэртэй ушарха ёһогүй, үбгэндөө голуулһан эхэнэрые һамга абаха ёһогүй, юуб гэхэдэ, тэдэ өөрынгөө Бурханай үмэнэ арюун нангин ха юм.

Левит 21:7 Iomraidhean Croise

Эхин 38:24

Гурбан һарын үнгэрөөд байхада, Иудада зон дуулгаба: – Танай бэри Тамаар янхан мэтэ һальхайраад, тэрээнһээ байтагай хээлитэй болоод байна. – Тэрэниие гэрһээнь шэрэжэ гаргаад, олоной урда галдаха хэрэгтэй, – гэжэ Иуда харюусаба.

Исай 50:1

Эзэн иигэжэ айладхана: «Һамгантаяа һалажа байһан хүндэл адли Өөрынгөө арад түмэниие Намайе үлдөө гэжэ һанаа гүт? Тиимэ юм һаа, һалаһанай гэршэлгэ саарһанууд хаанаб? Өөрынгөө үхи хүүгэдые богоол болгон худалдагша хүндэл адли таанадые үритэй хүндөө худалдаа гэжэ Нам тушаа һанаба гүт? Үгы, таанад өөрынгөө нүгэлэй түлөө баряанда туугдан ошоот, өөрынгөөл зэмэтэйдэ үлдүүлээт.

Эзэкээл 44:22

Үбгэнһөө һалаһан гү, али нүхэрөө гээгдэхүүлһэн эхэнэрые тэрэ һамга абаха ёһогүй. Гансал Израилиин басага гү, али нүгшэһэн ондоо санаартанай бэлбэһэн эхэнэрые тэрэ һамга абаха эрхэтэй.

Левит 21:8

Тэрэниие арюудха, юуб гэхэдэ, шинии Бурханда хилээмэ үргэнэ: нангин арюун байг лэ, юуб гэхэдэ, Би таниие арюудхадаг арюун нангин Эзэн гээшэб.

Тимофейдэ 1-дэхи 3:11

Тэдэнэй һамгадыньшье һайхан зантай, хоб-жэб зөөдэггүй, архинша бэшэ, ямаршье юумэндэ этигэл найдабаритай байха ёһотой.