Левит 1:3 - Библи

³ Эбэртэ бодо малһаа түгэс шатаалта үргэл хэхээ һанаа бол, ямаршье дутагдалгүй буха шэлэн абаад, Эзэндэ һайшаагдахынь тула майхан һүмын үүдэндэ асараг.

Левит 1:3 Iomraidhean Croise

Эхин 22:13

Абраһаам толгойгоо үргэхэдөө, һөөг бургааһанда эбэрээрээ тээгэлдэһэн хуса гэнтэ обёорбо. Тэрээндэ ошоод, хусые хүбүүнэйнгээ орондо түгэс шатаалта үргэл болгон тэрэ үргэбэ.

Эхин 22:2

Тиихэдэнь Бурхан айладхал буулгаба: – Ори ганса хайрата Исаак хүбүүгээ абаад, Мориһаа нютаг руу ошо. Тэндэ ошоходош, Би шамда нэгэ хада заажа үгэхэб. Тэрэ хада өөдэ гараад, хүбүүгээ Намда түгэс шатаалта үргэл болгон тахи.

Эхин 22:8

– Хүбүүмни! Бурхан түгэс шатаалта үргэлэй хурьгые Өөрөө хаража олохо, – гээ бэлэй Абраһаам. Тиигээд тэдэ хоюулаа саашалба.

Эхин 8:20

Ной Эзэндэ үргэл үргэхэ шэрээ бүтээгөөд, янза бүриин сээргүй амитад болон шубуудһаа нэгэ нэгые шэлэжэ, амиинь таһалан, түгэс шатаалта үргэл болгон шатааба.

2 Угай бэшэг 29:32

Эзэндэ зорюулһан түгэс шатаалта үргэлэй тоо гэбэл, далан үхэр, зуун хуса, хоёр зуун хурьган бэлэй.

2 Угай бэшэг 35:12

Моисейн ном соо бэшэгдэһэнэй ёһоор, Эзэндэ зорюулагдаһан түгэс шатаалта үргэлэй мал түрэл гаралнуудаарнь улад зондо левидүүд хубаарилба. Эбэртэ бодо малые мүн лэ тиимээр тэдэ хубаарилба.

Псалманууд 110:3

Ажал хэрэгынь – һүр жабхалан ба гоё һайхан, ו Ваав зүб шударгань хэтэ мүнхэдөө оршоно. ז Заайин

Псалманууд 40:8

Намайе үзэн ядааша зон бултадаа нам тушаа мууе түсэблэн шэбэнэлдэнэ:

Египедһээ гаралга 12:5

Ямаршье дутагдал гажуугүй жэлтэй эрэ хурьган байха зэргэтэй. Хурьганай орондо эшэгэ абахада баһа болохо.

Египедһээ гаралга 24:5

Израиль угсаатан соохи залуу хүбүүдтэ хандажа, түгэс шатаалта үргэл ба амгалан байдалай түлөө үргэл хэхыень зонхилбо. Тэдэнь Эзэндэ бухануудые үргэбэ.

Египедһээ гаралга 29:18

үргэлэй шэрээ дээрэ түгэс шатаахаш. Энэ хадаа Эзэндэ зорюулһан түгэс шатаалта үргэл, Тэрээндэ аятай анхилал, тахил мүн.

Египедһээ гаралга 29:4

Аһароониие хүбүүдтэйнь Уулзалгын майхан һүмын үүдэндэ асархаш. Нюур, гарынь угаахаш.

Египедһээ гаралга 29:42

Түгэс шатаалта энэ үргэлые таанад саг үргэлжэ, үеһөө үедэ майхан һүмын үүдэнэй хажууда үргэдэг байхат. Би тэндэ таанадтай уулзадаг, шамтай хөөрэлдэдэг байхаб.

Египедһээ гаралга 32:6

Хойто үглөөгүүрнь тэдэ түгэс шатаалта үргэл ба амгалан байдалай түлөө үргэл үргэбэ. Һүүлээрнь эдихэ, уухаяа һууба, найрлажа хүхижэ оробо.

Египедһээ гаралга 35:21

Хүн бүхэн өөрын сэдьхэлэй уялгаар Эзэндэ үргэхэ хүсэлтэй бүхы юумэеэ, майхан һүмэдэ хэрэгтэй, зосоонь алба ёһолол хэхэдэ ба һахилай хубсаһанда хэрэгтэй алибаа хамаг зүйл асаржа ерэбэ.

Египедһээ гаралга 35:29

Иигэжэ Эзэнэй Моисейгээр дамжуулан зонхилһон хэрэгтэ хабаадахаяа хүсэһэн эрэ, эмын илгаагүй Израилиин хамаг зон Эзэндэ бэлэг үргэбэ.

Египедһээ гаралга 35:5

Эзэндэ үргэхэ зүйлнүүдээ суглуулагты. Үгэхэ һанаатай хүн байбал, алта, мүнгэ, зэд түмэр,

Египедһээ гаралга 36:3

Тэдэ Моисейһээ һүмын барилгада гэжэ зоной үргэһэн зүйлнүүдые абаба. Зон шэнэ шэнэ бэлэгүүдые үглөө бүри асаржал байба.

Египедһээ гаралга 38:1

Акаци модоор түгэс шатаалта үргэлэй шэрээ хэбэ. Тэрэнь тэбхэр – утаараа табан тохой ба үргэнөөрөө табан тохой, үндэрынь гурбан тохой болобо.

Исай 1:11

Тэрэ иигэжэ айладхана: «Танай эды олон үргэл Намда хэрэгтэй бэшэл. Хусын түгэс шатаалта үргэлдэ, тарган тобир малай өөхэндэ үни хада саданхайб. Бухын, хурьга, ямаанай шуһаншье Намда хэрэггүй.

Эзэкээл 20:40

Израилиин үндэр нангин Сион хада дээрэ Израилиин бүхы арад түмэн Намда мүргэдэг байха. Би таанадые Өөрын арад гэжэ абажа, асарһан бэлэгүүдыетнай, эдеэнэй дээжые, нангин үргэлнүүдыетнай абан хүлеэн байхаб.

Левит 1:10

Хэрбээ хони ямаагаар түгэс шатаалта үргэл хэхэ гэбэл, зэмдэг дутагдалгүй хуса гү, али тэхэ асараг.

Левит 14:10

Наймадахи үдэртөө тэрэ хүн хоёр зэмдэг дутагдалгүй эрэ хурьга, нэгэ зэмдэггүй эмэ хурьга, тиигээд талхан үргэл бүтээхын түлөө тоһотой холиһон эфаагай арбанай гурбан хуби шэниисын гурил абаха ёһотой.

Левит 16:7

Аһароон тэдэ хоёр тэхэнүүдээ Эзэнэй үмэнэ майхан һүмын үүдэндэ байлгаад,

Левит 17:4

Эзэнэй байрын үмэнэ Эзэндэ үргэл үргэхын тула майхан һүмын үүдэндэ асараагүй һаань, тэрэ хүндэ шуһанай зэмэ тохоогдохо ёһотой: тэрэ шуһа адхаа, тиин тэрэ хүн хэһээгдэхэ ёһотой.

Левит 17:8

Үшөө тэдээндэ хэлээрэй: хэрбэеэ израильшуудай болон танай дунда ажаһуудаг ерүүл зоной хэн нэгэн түгэс шатаалта үргэл гү, али үргэл бариса үйлэдэжэ,

Левит 17:9

Эзэндэ үргэл болгон, майхан һүмын үүдэндэ асараагүй һаа, тэрэ хүн хэһээлтэдэ орохо.

Левит 23:12

Боолтотой таряа үргэхэ тэрэл үдэртөө Эзэндэ түгэс шатаалта үргэл болгон ямаршье эрэмдэггүй жэлтэй хурьга үргэхэ ёһотойт.

Левит 23:18

Ямаршье зэмдэггүй долоон түлгэн хурьга, нэгэ буруун буха, хоёр хуса Эзэндэ зорюулжа, хилээмэн үргэлтэй хамта үргэгты. Энэ хадаа Эзэндэ зорюулһан түгэс шатаалта үргэл мүн, хилээмэн үргэлтэй, үзэмэй дараһан архи үргэлтэй хамта. Эзэндэ аятай һайхан хэншүү үнэртэй үргэл байха.

Левит 3:1

Хэрбээ амгалан байдалай түлөө үргэл үргэхөө һанабал, эрэ гү, али эмэ эбэртэ бодо малһаа зэмдэг дутагдалгүйень шэлээд, Эзэнэй урда асараад,

Левит 4:15

Арадай ахамад ноёд Эзэнэй үмэнэ тэрэ буруунай тархи дээрэ гараа табиха, тиигээд Эзэнэй үмэнэ амиинь таһалха ёһотой.

Левит 4:23

нүгэл хэһэнэйнь элирхэдэ, зэмдэг дутагдалгүй нэгэ тэхэ асараг.

Левит 4:3

һахил хүртэһэн санаартын нүгэл хилэнсэ хээд, арад зоноо гэмтэй болгоо һаань, нүгэлэйнгөө түлөө тэрэ нүгэл сагааруулгын үргэл гэжэ зэмдэг дутагдалгүй нэгэ буруу Эзэндэ үргэг.

Левит 4:32

Хэрбээ нүгэл сагааруулгын үргэлые хонин һүрэгһөө үргэхөө һанабал, зэмдэг дутагдалгүй хони асараад,

Левит 5:15

– Хэрбээ хүн эндүүржэ, Эзэнэй нангин зүйлдэ хэхэ ёһогүй юумэ хээ һаа, тэрэ гэмэйнгээ түлөө һүрэг хонид сооһоо ямаршье зэмдэг дутагдалгүй хуса үгэжэ гү, али санаартадай хэрэглэдэг мүнгөөр сэнгыень түлэг.

Левит 5:18

Тэрэ хүн гарза харюулгын үргэл гэжэ санаартада зэмдэг дутагдалгүй хуса асараг, үгышье һаа, хусын үнэ сэн түлэг. Юумэ мэдэхэгүй дээрэһээ эндүүржэ нүгэл хэһэн хүнэй гэмые санаарта үргэл мүргэл хээд, сагааруулха. Тиигээд хэһэн гэмынь хүлисэгдэхэ.

Левит 6:2

– Хэрбэеэ али нэгэн Эзэнэй үмэнэ гэм хэжэ, нүгэлтэй болоо һаа гү, али хадагалхыень, харюусалга доронь ямар нэгэн зүйлэй үгтэһые мэлзэжэ гү, али хулгайлһан юумэ нюуһан гү, хүнһөө юумэ буляаһан гү,

Левит 6:8

Тиигээд Эзэн Моисейдэ айладаба:

Левит 7:16

Хэрбэеэ хэн нэгэнэй тангаригаар гү, али өөрын дураар үргэл бүтээгээ һаань, үргэһэн юумыень тэрэ үдэртөө эдеэд, үлэһыень үглөөдэрынь эдижэ болохо.

Левит 8:18

Түгэс шатаалта үргэлэй хуса асараад, Аһароон хүбүүдтэеэ дээрэнь гараа табиба.

Левит 8:21

Доторыень, хүлнүүдынь уһаар угааба. Тиигээд Моисей хусые бултыень үргэлэй шэрээ дээрэ шатааба. Энэ хадаа түгэс шатаалта үргэл, Эзэндэ аятай анхилал, Эзэнэй Моисейдэ захирһанай ёһоор, Тэрээндэ бэлэг болоно.

Левит 9:2

Тэрэ Аһароондо хэлэбэ: – Өөрын малһаа зэмдэггүй нэгэ буруу нүгэл сагааруулгын үргэл болгон, зэмдэггүй нэгэ эрэ түлгэ түгэс шатаалта үргэл болгон абаад, Эзэндэ үргэл үйлэдэ.

Захарияа 13:7

Түмэн Сэрэгтэ Эзэн иигэжэ айладхана: Эритэ илдэ, Минии хони адуулагшада, Намда дүтын болохо хүндэ эсэргүү бодон таһа сабшыш! Хонишонииень дайража һалгаахадаш, һүрэг хонидынь тарашаха. Би мутараа хорхойдо хорогүй хурьгадта эсэргүү эрьюулхэм.

Малаахи 1:14

Хонин һүрэгтэнь һайн хусын байхада, тэрэниие үргэхэб гэжэ тангариглаһан аад, Эзэндэ асархадаа, үбшэн малаар андалдаад үргэлдэ асардаг хуурмаг зон хараалда хүртэг. Ушарынь хадаа Би агууехэ Хаанби, арад үндэһэтэд Минии нэрэһээ һүрдэдэг! Иигэжэ Түмэн Сэрэгтэ Эзэн айладана.

Тоололго 15:3

Эзэндэ нангин үргэлнүүдые үргэхэт. Тэдэнэйтнай аятай һайхан хэншүү Эзэндэ һайшаагдаха. Түгэс шатаалта, Тангариг үргэлгын, Амгалан байдалай, Нангин һайндэрнүүдэй үргэлнүүдтэ таанад өөһэдынгөө буха, хуса, тэхэнүүдые асарагты.

Тоололго 15:8

Хэрбэеэ түгэс шатаалта үргэлдэ гү, амгалан байдал тогтоолгондо гү, Эзэндэ тангариглалганда гү эмнигдээгүй залуу тугал үргэхэ гэбэл,

Тоололго 19:2

– Эзэнэй зарлиглаһан хуули иимэ: эрэмдэг бэшэ, хөөмэгшэ үзөөгүй улаан шарагшан үнеэ ологты гэжэ израильшуудта хэлэгты.

Тоололго 23:19

худал зүйл хэлэжэ байха хүн бэшэл Бурхан. Ушар болоод лэ һанаһанаа хубилгаха, уладай хүбүүн бэшэл Тэрэ. Айладаһан зарлигаа хубилгаха юм аал Тэрэ? Найдуулһанаа хубилгахагүйл Тэрэ. Айладаанаал Тэрэ айладаха, айладажа найдуулагшаяа Тэрэ бүтээхэл.

Тоололго 23:27

Балаак Балаһаамда: – Ошоё, би шамайе дахуулаад, ондоо газарта абаашаһууб. Тэдэниие тарнидан харааха зүбшөөл тэндэ Эзэн үгэжэ магадгүй, – гэбэ.

Тоололго 23:3

– Би уула дээрэ гараһууб, ши түгэс шатаалта үргэлнүүдэйнгөө хажууда үлэ. Минии урдаһаа Эзэн ерэжэ магадгүй. Намда Тэрэнэй айладаһан юумые би шамда дамжуулхаб, – гэжэ Балаһаам Балаагта хэлээд, Эзэнһээ асуудал һурахаяа хадын оройдо гараба.

Тоололго 23:30

Балаһаамай хэлээшээр Балаак үргэлэй долоон шэрээ барюулаад, тэдээн бүхэндөө нэгэ эрэ тугал, нэгэ эрэ хурьга үргэбэ.

Тоололго 28:11

Шэнэ һарын эхиндэ тахилай шэрээ дээрэ түгэс шатаалта үргэлдэ иимэ үргэлнүүдые асарагты: эрэмдэггүй эбэртэ бодо малнуудһаа хоёр буруун буха, нэгэ хуса, долоон эрэ хурьга.

Тоололго 28:19

Эзэндэ бэлэг болгожо, ямаршье эрэмдэггүй иимэ мал – эбэртэ бодо малһаа хоёр буруун буха, бэеэ хүсэһэн нэгэ хуса, долоон эрэ хурьга түгэс шатаалта үргэл болгон тахигты.

Тоололго 28:31

Үдэр бүхэнэй түгэс шатаалта болон талхан үргэлнүүдһээ гадуур ямаршье эрэмдэггүй малаар эдэ үргэлнүүдые үргэхэ хэрэгтэй.

Тоололго 29:13

Эзэндэ һайшаагдадаг, аятай һайхан үнэр гарадаг түгэс шатаалта иимэ үргэлнүүдые асарагты: арбан гурбан буруун буха, бэеэ хүсэһэн хоёр хуса, арбан дүрбэн эрэ хурьга. Тэдэнэртнай эрэмдэггүй байха ёһотой.

Тоололго 29:2

Эзэндэ аятай һайхан хангал үнэр гарган, түгэс шатаалта үргэлдэ нэгэ буруун буха, бэеэ хүсэһэн нэгэ хуса, долоон эрэ хурьга асаржа үргэгты. Тэдэтнай эрэмдэг бэшэ байха ёһотой.

Лука 1:35

Эльгээмэл харюусаба: – Арюун Һүлдэ шам дээрэ бууха, Дээдэ Бурханай хүсэн шамайе хушаха. Тиимэһээл түрэхэ нангин үришни Бурханай Хүбүүн гэжэ нэрлэгдэхэ.

Иоанн 1:36

Хажуугаарнь Иисүүсэй гаража ябахые хараад, Иоанн: – Харагты, Энэл Бурханда үргэгдэхэ Хурьган мүн! – гэжэ хэлэбэ.

Иоанн 10:7

Иисүүс үргэлжэлүүлбэ: – Таанарта үнэн зүбые хэлэнэб: хонидой байрын үүдэ гээшэнь Биб.

Иоанн 10:9

Үүдэ гээшэнь Биб. Хэн энэ үүдээр ороноб, тэрэ хүн абарагдаха. Тэрэ хүн үүдээр орожо, һүүлдэ газаашаа гараад, өөрынгөө бэлшээри олохо.

Коринфынхидтэ 2-дохи 8:12

Туһалхые аргагүй хүсэжэ байбал, өөһэдтөө байхагүй юумэнһээ бэшэ, харин байһан юумэнһээ үгэхэт гэжэ Бурхан хүлеэнэ ха юм.

Коринфынхидтэ 2-дохи 9:7

Хүн бүхэнтнай дурагүйгөөр гү, али баалалтаар юумэ бү үргэг, харин һанаандаа шиидэһэн зэргээр лэ үгэг. Бурхан баяртайгаар үгэжэ байһан хүндэ дуратай байдаг юм.

Эфесэйхиндэ 2:18

Еврейнүүдшье, ондоо яһатаншье, бидэ булта Христоосой ашаар нэгэ Һүлдөөр Эсэгэдэ ойртохо аргатайбди.

Эфесэйхиндэ 5:27

Һүзэглэгшэдэй бүлгэмые Тэрэ Өөрынгөө урда ямаршье гэм бузаргүй, дутуу дутагдалгүй үзэсхэлэнтэ гоё байлгахаяа һанаа.

Хуули дабталга 12:27

Тэндэ Эзэн Бурханайнгаа үргэлэй шэрээ дээрэ түгэс шатаалта үргэлэй мяха болон шуһые шатаан үргөөрэй; харин амгалан байдалай түлөө үргэлэй шуһа Эзэн Бурханайнгаа үргэлэй шэрээ дээрэ адхаад, мяхыень эдеэрэй.

Хуули дабталга 15:21

Малда ямар нэгэн дутагдал – дохолон гү, али һохор, үгышье һаа, үшөө ондоо дутуу дундатай байгаа һаань, тэрэниие Эзэн Бурхандаа бү үргэ.

Хуули дабталга 17:1

Дутагдал зэмдэгтэй үхэр гү, али хони Эзэн Бурхандаа бү үргэгты. Юуб гэхэдэ, энэ хадаа Эзэн Бурхандатнай жэгшүүритэй муухай юумэн гээшэ.

Еврейнүүдтэ 7:26

Үнэндөө Иисүүс маанадтал хэрэгтэй Ахамад Санаарта юм. Тэрэ болбол арюун гэгээн; харата хэрэгүүдые үйлэдөөгүй, нүгэл шэбэлдэ унаагүй; нүгэлтэ зонһоо илгаруулагдаад, тэнгэридэ дэгдүүлэгдээ.

Еврейнүүдтэ 9:14

Христоосой шуһан бузарнуудыень бүрин түгэс арилгадаг. Тэрэ мүнхын Һүлдөөр дамжуулан Өөрыгөө Бурханда үргөө. Тэрэнэй шуһань сэдьхэлыемнай үхэлдэ хүргэдэг хэрэгүүдһээ арилгаад, амиды Бурханда алба хэхэ аргатай болгохо.