Колоссынхидтэ 3:13 - Библи

¹³ Таанад бэе бэеэ ойлгожо байгты, тиимэһээ хэн нэгэнэйтнай нүгөөдэдөө гомдолтой байбалнь, гомдохооһон хүнөө хүлисэжэ байгты. Эзэнэй таанадые хүлисэһэндэл адли таанад бэе бэеэ хүлисэжэ байха ёһотойт.

Шэнэ Хэлсээн

¹³ Таанад бэе бэеэ ойлгожо байгты, тиимэһээ хэн нэгэнэйтнай нүгөөдэдөө гомдолтой байбалнь, гомдохооһон хүнөө хүлисэжэ байгты. Дээдын Эзэнэй таанадые хүлисэһэндэл адли таанад бэе бэеэ хүлисэжэ байха ёһотойт.

Колоссынхидтэ 3:13 Iomraidhean Croise

Һургаал 19:11

Ухаансар бодомжо хүниие тэсэбэритэй болгодог, гэм зэмэ хүлисэхэ гээшэ ехэ аша габьяа мүн.

Матвей 5:44

Харин Би мүнөө танда иигэжэ хэлэхэб: дайсадтаа дуратай байгты, таниие хашагшадай түлөө зальбаржа байгты.

Матвей 6:12

Манда муу юумэ хэгшэдые манай хүлисэдэгтэл адляар, маанадай буруу хэрэгүүдые хүлисыт даа.

Марк 11:25

Баһа таанад зальбаржа байхадаа, хэн нэгэндэ гомдолтой һаа, тэрэ хүнөө хүлисэгты. Тиигэбэл тэнгэридэ оршодог Эсэгэтнайшье танай нүгэлые хүлисэхэ.

Лука 11:4

Манда мууе хэһэн алибаа хүниие манай хүлисэдэгтэл адляар бидэнэйшье нүгэл хилэнсые хүлисыт даа. Горидолго хорхойтуулгада маниие бү оруулыт даа!

Лука 23:34

– Эсэгэ Бурхамни, эдэниие хүлисыт. Эдэ юуш хэжэ байһанаа өөһэдөө мэдэнэгүй, – гэжэ Иисүүс зальбарба. Харин саазалагшад жээрэб татажа, хубсаһыень дундаа хубаажа абаба.

Римэйхиндэ 15:7

Христоосой таанадые хүндэлдэг байһандал адляар таанадшье бэе бэеэ хүндэлжэ, Бурханда магтаал соло дуудажа байгты.

Коринфынхидтэ 2-дохи 2:10

Хэрбээ хэһэн муу юумэнэйнь түлөө хүниие хүлисэбэлтнай, бишье тэрэниие хүлисэнэб. Христоосой урда таанадай аша туһада хүлисэхэ ёһотой бүхы юумые би хүлисэнэб.

Коринфынхидтэ 2-дохи 6:6

Бидэ арюун сэбэр, мэдэлгэтэй, тэсэбэритэй, үршөөл буянтай байдагбди. Арюун Һүлдэ маанадтай оршодог, тиин хайра дуран үнэн зүрхэнһөөмнай гарадаг.

Галадуудта 6:2

Христоосой үгэһэн «хуули» иимэ: бэе бэеынгээ ашаа бэрхэшээлые хубаалсажа, бэе бэедээ туһалжа байгты.

Эфесэйхиндэ 4:2

Ходо даруу, номгон, тэсэбэритэй байгты. Бэе бэедээ тэсэбэритэйгээр хандажа, өөһэдынгөө хайра дурые харуулжа байгты.

Эфесэйхиндэ 4:32

Харин бэе бэеэ энхэрэн, хайрлажа ябагты, Бурханай Христоосоор дамжан таанадые хүлисэһэндэл адляар бэе бэеэ хүлисэжэ байгты.

Эфесэйхиндэ 5:2

Христоосой бидэндэ дуратай байгаад, ами наһаяа хангалтай, Бурханда таатай тахил болгон маанадай түлөө үгэһэндэл адляар хайра дуранай жама ёһоор амидарагты.

Колоссынхидтэ 3:12

Таанад гэгээн хүнүүд гээшэт. Бурхан таанадта дуратай, таанадые Өөртөө шэлэжэ абаа. Тиимэһээ таанад бэе бэеэ хайрлажа, бэе бэедээ һайнаар хандажа байгты, номгон, даруу зантай, тэсэбэритэй байгты.

Яковай хандалга 2:13

Ушарынь хэлэбэл, үршөөл хайра үзүүлдэггүй хүниие Бурхан үршөөл хайрагүйгөөр шүүбэрилхэ; тиихэдэ үршөөл хайра зарга шүүбэриһээ дээгүүр үргэгдэхэ.

Пётрой 1-дэхи хандалга 2:21

Тиимэ тэсэбэритэй байхынтнай тула Бурхан таанадые дуудаа, тиихэдэ Христоос Өөрыень һажаажа байхынтнай тула таанадай түлөө зоболон эдлэжэ, таанадта жэшээ харуулаа.