Колоссынхидтэ 1:13 - Библи

¹³ Бурхан бидэниие харанхы мунхагай хүсэнһөө аршалжа, инаг хайрата Хүбүүнэйнгээ эрхэ засагта оруулаа.

Шэнэ Хэлсээн

¹³ Бурхан бидэниие харанхы мунхагай хүсэнһөө аршалжа, инаг хайрата Хүбүүнэйнгээ эрхэ засагта оруулаа юм.

Колоссынхидтэ 1:13 Iomraidhean Croise

Исай 42:1

Эзэн иигэжэ айладхана: Минии дэмжэдэг, сэдьхэлдэмни таарама, Минии шэлэгшэ зараса энэ байна. Арюун Һүлдэеэ тэрээндэ хайрланаб, тиихэдэм Тэрэ үндэһэ яһатан бүхэндэ зүб шударга ёһо гурим нэбтэрүүлхэ.

Исай 53:12

Тиимэһээ Би Тэрээндэ агууехэ зоной дунда һууха һуури үршөөхэб, хүсэтэйшүүлтэй хамта Тэрэ олзо хубаалдаха. Тэрэ Өөрынгөө ами наһа хайрлаагүй, Тэрэниие гэмтэн гэжэ тоолоо, олоной нүгэл Өөр дээрээ тээжэ, нүгэлтэй зоной түлөө зууршалан гуйгаа.

Исай 60:2

Хараарайгты, харанхыгаар газарай хушагдаад, бусад арадуудай гүн харанхыда байхада, таанад дээрэ Эзэнэй гэрэл туяа мандан, алдар солонь толорхо.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.

Матвей 17:5

Тиигэжэ хэлэжэ байтарнь ялагар үүлэнэй һүүдэр тэдэниие хушаба, үүлэнһээ: – Энэ Минии инаг хайрата Хүбүүмни юм, сэдьхэлэймни урма охин юм; үгыень дуулажа байгты, – гэһэн абяан дуулдаба.

Матвей 25:34

Тиигээд хаан Тэрэнэй баруун талада байгаашадта хандажа: «Минии Эсэгын үршөөл хайрада хүртэгшэ таанад ерэжэ, юртэмсэ дэлхэйн бии болохоһоо нааша таанарта бэлдэгдэһэн хаан түрэ халан абагты.

Матвей 3:17

– Энэ Минии хайрата Хүбүүмни гээшэ, сэдьхэлыемни баярлуулна, – гэһэн абяан огторгойһоо дуулдаба.

Лука 13:24

– Бурханай хаан түрэдэ орохо хаалга уйтахан. Тэрээгээр орохоор зүдхэгты. Олохон хүн орохо гэжэ оролдоошье һаа, орожо шадахагүй.

Лука 22:53

Теэд үдэр бүхэн таанадтай хамта Һүмэ соо байхадамни Намайе бариха гэжэ забдаагүй һэнта. Харин мүнөө харанхы хара хүсэнэй эзэрхэхэдэ, танай саг ерээ.

Иоанн 17:24

Эсэгэмни аа! Танай үгэһэн хүнүүдэй Намтай хамта Минии ошохо газарта байхыень хүсэнэб. Юртэмсэ дэлхэйн бии болохоһоо урда Та Намда дуратай байжа, Намда олгоһон алдар солыетнай тэдэнэр хараг лэ.

Иоанн 3:35

Эсэгэ Бурхан болбол Хүбүүндээ дуратай байжа, бүхы юумэ Тэрээнэйнгээ мэдэлдэ үгөө.

Иоанн 5:24

Би таанарта үнэниие хэлэнэб: Минии үгэ дуулаһан хүн, Намайе эльгээгшэ Эсэгэдэ этигэдэг хүн хэтэ мүнхэдөө амиды ябаха. Тиимэ хүн гэмнүүлхэгүй, тиимэ хүн үхэлһөө абарагдан, амидырха.

Римэйхиндэ 14:17

Ушарынь юуб гэбэл, Бурханай хаан орон эдихэ, ууха тухай бэшэ, харин Арюун Һүлдэһөө эхи абадаг үнэн сэдьхэл, энхэ тайбан, баяр жаргал тухай юм.

Коринфынхидтэ 2-дохи 11:14

Эндэ гайхалтай юумэн үгы: сатана өөрөөшье гэрэл туяагай Эльгээмэлэй дүрэ дүрсэлэн мэхэлдэг ха юм.

Коринфынхидтэ 2-дохи 4:4

Һүзэглэдэггүй зоной ухаан бодолыень энэ дэлхэйе захиржа байһан нүгэлтэ бурхан харанхы мунхагаар хушаа, тиимэһээ тэдэ балар һохор зон Бурханай дүрэнь болохо Христоосой алдар тухай һайн мэдээсэлһээ сасарһан гэрэл туяае хараха аргагүй байгаа.

Эфесэйхиндэ 1:6

Инаг хайрата Хүбүүнэйнгээ ашаар маанадые буян хэшэгтээ элбэг дэлбэг хүртөөһэнэйнь түлөө Бурханиие алдаршуулаял.

Эфесэйхиндэ 5:5

Зальхайржа, бэлиндэжэ, али алта мүнгэндэ шунашаһан ямаршье хүн (алта мүнгэндэ шунаһан байдал онгондо мүргэһэндэл адли) Христоосой болон Бурханай хаан орониие залгамжалхагүй юм гэжэ таанад мэдэхэ ёһотойт.

Эфесэйхиндэ 5:8

Урдань таанад өөһэдөө харанхы мунхагта байгаат, харин Эзэнэй хүнүүд болоходоо, гэрэл туяада байдаг болоот. Тиимэһээ таанад гэрэл туяагай хүнүүдтэ адляар амидарха ёһотойт.

Эфесэйхиндэ 6:12

Ушарынь юуб гэбэл, бидэ хүнүүдэй урдаһаа бэшэ, харин замбуулинай харата хүсэнүүд, захирагшад, эрхэ засагууд, энэ харанхы мунхаг үеын замбуулинай хүсэнүүдэй урдаһаа тэмсэнэбди.

Фессалоникиинхидтэ 1-дэхи 2:12

Хаан түрөөрөө ба алдар солоороо хубаалсаха гэжэ таанадые дуудаһан Бурханда һайшаагдаха амидаралаар амидархыетнай бидэ гуйжа, идхажа, аргадажа байгаабди.

Еврейнүүдтэ 2:14

Үхибүүдэй махабад бэе ба шуһанһаа бүридэһэн хадань Иисүүс Өөрөө тэдэнтэйл адли хүн болоо. Үхэлые эрхэ мэдэлдээ абаад байһан шолмосые Өөрынгөө үхэлөөр хүсэгүй болгохын тула,

Пётрой 1-дэхи хандалга 2:9

Тиихэдэ таанад шэлэгдэжэ абтаһан угсаатан гээшэт, Хаанай санаартад, нангин арад, Бурханай хүнүүд болонот, шэб харанхыһаа таанадые гайхалтай гэрэл туяадаа дуудаһан Бурханай агууехэ үйлэ хэрэгүүд тухай номнохоор шэлэгдэһэн хүнүүд гээшэт.

Пётрой 2-дохи хандалга 1:11

Манай Эзэн, Абарагша Иисүүс Христоосой мүнхын хаан орондо орохо бүрин эрхэ таанадта үгтэхэл.

Иоаннай 1-дэхи хандалга 2:8

Гэхэтэй хамта, минии бэшэжэ байһан юумэн шэнэшье захяа заабари мүн. Энэ захяа заабари үнэн зүб юм гэжэ Христоосойшье, таанарайшье ажабайдал харуулна. Нүгэлэй харанхы һүнэн хосорно, ёһотой гэрэл туяа сасаран гэрэлтэнэ!

Иоаннай 1-дэхи хандалга 3:14

Үхөөд, амидыраат гэжэ бидэ мэдэнэбди, ушарынь хадаа, аха дүүнэртээ бидэ дуратайбди. Аха дүүнэртээ дурагүй хүнүүд үхэһэн зандаа үлэнэ.

Иоаннай 1-дэхи хандалга 3:8

Нүгэл шэбэл хэгшэ шолмосһоо болоно, юундэб гэбэл, шолмос анханһаа хойшо нүгэл хилэнсэ үйлэдэдэг. Тиимэһээ шолмосой үйлэ уршагые үгы хэхын тула Бурханай Хүбүүн ерээ.