Хэрэгүүд 5:26 - Библи

²⁶ Тиихэдэнь Һүмын харуулай дарга албатанаараа суг ошожо, арад зондо шулуудуулхаһаа айн, хүсэ шадал хэрэглэнгүйгөөр элшэнэрые абажа ерэбэ.

Шэнэ Хэлсээн

²⁶ Тиихэдэнь Бурхан Һүмын харуулай дарга албатанаараа суг ошожо, арад зондо шулуудуулхаһаа айжа байгаад, хүсэ шадал хэрэглэнгүйгөөр элшэнэрые абажа ерэбэ.

Хэрэгүүд 5:26 Iomraidhean Croise

Матвей 14:5

Ирод Иоанные алахаяа һанабашье, улад зонһоо айгаа, шалтагааниинь гэхэдэ, Иоанн лүндэншэн гэжэ тоологдодог байгаа.

Матвей 21:26

Хэрбээ хүнүүд үгөө гээ һаамнай, зон маниие яахаб бү мэдэе, аймшагтай юумэ болохо, – гэлдэбэ, юундэб гэбэл, хүн зон бултадаа Иоанные лүндэншэн гэжэ тоолодог байгаа.

Матвей 26:5

Теэд улад зоной дунда буһалгаанай үүсхэгдэхэгүйн тула һайндэртэ тиимэ юумэ хэхэгүй гэжэ хэлсээ һэн.

Матвей 26:58

Пётр зай баряад, ахамад санаартын хорёо хүрэтэр Иисүүсэй хойноһоо гэтэн ябаа. Тиигээд хорёо соо орожо, юунэй болохые харахаяа харуулшадаар хамта һуулсаба.

Лука 20:19

Хуули заадаг багшанар ба ахамад санаартан Иисүүс маниие хадхажа, энэ һургаалта үгэ хөөрэбэ гэжэ ойлгоод, тэрэ дороо Тэрэниие барижа абаха гэһэн аад, улад зонһоо айба.

Лука 20:6

Хүнүүд үгөө гээ һаамнай, Иоанные лүндэншэ гэжэ этигэдэг бүхы энэ арад маниие шулуугаар шэдэжэ алаха.

Лука 22:2

Түрүү санаартан, Хуули заадаг багшанар арад зонһоо айжа байһан дээрэһээ Иисүүсые нюусаар алаха арга бэдэржэ байба.

Лука 22:4

Тиимэһээ тэрэ Иисүүсые хайшан гэжэ барижа үгэхэ тухайгаа түрүү санаартан болон харуулай дарганартай зүбшэхэеэ ошобо ха.

Хэрэгүүд 4:21

Занаһан, зааһанайнгаа удаа зүблөө зарлагшад элшэнэрые табиба. Болоһон үйлэ хэрэгэй түлөө бүхы зоной Бурханиие алдаршуулжа байхадань, элшэнэрые хэһээжэ шадахагүй байһанаа Зүблэлэй гэшүүд ойлгоо.

Хэрэгүүд 5:13

Бусад зон тэдэнээр нэгэдэхэеэ зүрхэлдэггүй байбашье, һүзэглэгшэдые ехэтэ хүндэлжэ байгаа.

Хэрэгүүд 5:22

Теэд албатан түрмэдэ ороод, хэнииешье олобогүй. Бусажа ерээд:

Хэрэгүүд 5:24

Эдэ үгэнүүдые соносоһон Һүмын харуулай дарга болон түрүү санаартад юун болоһые ойлгожо ядан, гайхалдаба.

Хэрэгүүд 5:25

Тэрэ үедэ хэншьеб орожо: – Шагныт ээ, таанадай түрмэдэ хааһан хүнүүд мүнөө Һүмэ дотор зониие һурган номноно, – гэбэ.