Хэрэгүүд 3:1 - Библи

¹ Нэгэтэ Пётр Иоанн хоёр Һүмэ руу ошожо ябаа. Тиихэдэ үдын гурбан саг, хурал болохо саг һэн.

Шэнэ Хэлсээн

¹ Нэгэтэ үдын гурбан сагта мүргэлэй болохоёо байхада Пётр Иоанн хоёр Бурхан Һүмэ руу ошожо ябаа.

Хэрэгүүд 3:1 Iomraidhean Croise

3 Хаан түрэнүүд 18:36

Үдэшын тахил үргэхэ сагай болоходо, Элияа лүндэншэ урагшаа гаража, иигэжэ зальбарба: – Абраһаамай, Исаагай болон Израилиин Эзэн Бурхан! Өөрыгөө Израилиин Бурхан мүн гэжэ, Танай захирһанай ёһоор минии, богоолойтнай, эдэ бүгэдые ябуулһаниие мүнөө батадхыта!

Египедһээ гаралга 29:39

Нэгыень үглөөгүүр, нүгөөдынь үдэшэлэн үргэдэг байхаш.

Даниил 6:10

Даниил иимэ зарлигай гараһан тушаа мэдэһэншье һаа, гэртээ ошоходоо урданайхидал адляар үдэртөө гурба дахин үбдэглэн, өөрын Бурханда зальбардаг, магтаал үргэдэг байба. Мүргэдэг дээдэ таһалгынь сонхонууд Иерусалим руу харанхай, нээгдэнхэй байдаг һэн.

Даниил 9:21

Иигэжэ мүргэжэ байхадамни урид үзэгдэлдөө минии харагша Габриһээл ниидэн ерэжэ, урдамни бии болобо. Энэ болбол үдэшын үргэлэй үедэ бэлэй.

Тоололго 28:4

Нэгэ түлгэн хурьгые үглөөгүүр, нүгөөдынь үдэшэлэн үргэжэ байгты.

Матвей 17:1

Зургаан хоногой үнгэрхэдэ, Иисүүс Пётрые, Яков Иоанн хоёр аха дүүнэрые абажа, хүнүүдэй нюдэнһөө далда байдаг үндэр хада өөдэ гараба.

Матвей 26:37

Иисүүс Пётрые, Зэбэдэйн хоёр хүбүүдые абажа ошобо. Тэрэ ехэл гашуудажа, ехэл һанаагаа зобожо,

Матвей 27:45

Хахад үдэрһөө гурбан саг хүрэтэр бүхы газар дэлхэй шэб харанхыда хушагдаба.

Лука 1:10

Сан санзай уталгын тэрэ үедэ үй түмэн зон Һүмын хорёо соо мүргэжэ байба.

Лука 18:10

– Хоёр хүн мүргэхэеэ Һүмэ руу оробо ха. Нэгэниинь фарисей, нүгөөдэхинь алба татааша байгаа.

Лука 22:8

– Ошожо, хамта эдихэ Паасхын хоол бэлдэгты, – гэһэн даабаритайгаар Иисүүс Пётр Иоанн хоёр шабияа эльгээбэ.

Лука 24:53

Саг үргэлжэ Бурхандаа баяр баясхалан хүргэн тэдэ Һүмэ соо байдаг бэлэй.

Иоанн 21:7

– Энэ Эзэн байна! – гэжэ Иисүүсэй дуратай шабинь Пётрто хэлэбэ. Энэ Эзэн байна гэжэ дуулахадаа, Симон Пётр гадар хубсаһаа үмдөөд, уһа руу һүрэбэ. Энээнэй түрүүн Симон Пётр загаһа барихаяа гадар хубсаһаа тайлаад байгаа.

Хэрэгүүд 10:3

Нэгэтэ үдын гурбан саг багаар үзэгдэл харагдаба. Бурханай Эльгээмэл орожо: – Корнелий, – гэжэ дуудахыень элеэр дуулаба.

Хэрэгүүд 10:30

– Гурбан үдэрэй урда тээ эгээл энэ сагта, үдын гурбан сагай багаар би гэртээ Бурханда зальбаржа байгаа һэнби. Гэнтэ ялалзаһан хубсаһатай хүн урдамни зогсоод:

Хэрэгүүд 2:46

Тэдэнэр үдэр бүри һанал нэгэдэн Һүмэдэ сугларжа, гэр бүхэндэ хамта хоол баридаг, баяр баясхалангаар дүүрэн, сэдьхэл тэнюун хоолоо барижа,

Хэрэгүүд 3:3

Һүмэ руу орохоёо байһан Пётр Иоанн хоёрые хараһаар тэрэ дохолон хүн тэдээнһээ баһа юумэ гуйба.

Хэрэгүүд 3:4

Үнөөхи хоёрынь тэрэниие шэртэжэ: – Наашаа хара! – гэжэ тэрээндэ Пётр хэлэбэ.

Хэрэгүүд 4:13

Зоригтой дорюун Пётр Иоанн хоёрые эрдэм номгүй юрын хүнүүд байна гэжэ ойлгоходоо, Зүблэлэй гэшүүд түрүүшээр ехээр гайхалсажа, һүүлээрнь Иисүүстэй ябаһан хүнүүд байна гэжэ ажаглан тэмдэглэбэд.

Хэрэгүүд 5:25

Тэрэ үедэ хэншьеб орожо: – Шагныт ээ, таанадай түрмэдэ хааһан хүнүүд мүнөө Һүмэ дотор зониие һурган номноно, – гэбэ.

Хэрэгүүд 8:14

Самариин зон Бурханай үгэ хүлеэжэ абаа гэжэ Иерусалимда байһан элшэнэр дуулахадаа, Пётр Иоанн хоёрые тэдээндэ эльгээбэ.